اكل النفاس للي والده قيصريه

بنات ابي اعرف وش تاكل وش تشرب اللي والده قيصري
لاني سمعت ان المشروبات الحاره مثل الزنجبيل والقرفه مو زينه للجرح ماتخليه يخيط بسرعه

ماهمني الاكل مثل الاشياء اللي تنشرب ابي اعرف وش اشرب
 
السلام عليكم ورحمة الله وبركاته

اول شي الحمد لله على السلامة ياقلبي عليك بشرب المر

على الريق مقدار فنجال قهوة
وذالك بأخذ قطعة صغيرة من المر



ووضعها في كاس ونصب عليها ماء مغلي ونغطيها يعني نقعيها من الليل


ثاني شي عليك بلعسل اذا مافي خيوط على الجرح

وذلك بأن تمسحي الجرح

بمسحةطبية


بعد ذلك ضعي العسل بأصبعك ومريريه على الجرح

هذي الطرق اسويها انا واختى والحمدلله مرتاحين

والف سلامة لك:a200::a200:
 
ياقلبي أنا مثلك والده قيصرية واكلي عادي مثل اللي والده طبيعي
اللهم من طلعت من العملية وانا أشم مره منقوعة والنظافة والاستحمام
اليومي للجسم وتغيير الملابس ضروري لسلامة الجرح
 
انا اولد قيصري في البدايه صعب تاكلي اكل جامد والله
احسن شي شوربه خضار او دجاج
واكلات النفاس الخفيفة وكمان كنت اشرب نص فنجال مر
والشراب كنت اشرب قشرمع تمر مغلي مع يانسون تغلي مع بعض
تسويلي ماما ترمس من يوم اصحى ما يجي الليل الخلص والصباح كوب حليب حار محلى بعسل عشان يجيكي حليب
وكمان كنت اشرب قرفة
ارجو اني افدتك



سوسو قطر الندى
 
طيب بنات عادي البس مشد والا لا ؟
فيني كروشه صغيره وشويت زوايد من الجوانب وزوجي مايحب هالشي ابد ابيها تروح وتختفي
وش اشرب ؟ انا كل اشرب حليب بالزنجبيل ولادري زين شين ينفع والا لا والله مدري اشربه وبس
ومن ناحية الرياضه ماتوقع اقدر اسويها خايفه ع الجرح لاني احس بعوار وانا ماسوي رياضه وشلون لو سويتها
 
انا لبست المشد على الاثنين
في ولادتي الاولى ماطلع لي بطن بس
بعد الثاني فيه شويه ومرة متضايقة مع انه مومبين يقولولي بس انا ابغاه مشدود وهذا يبغاله رياضه والرياضة ما تقدري تسويها
لسى بدري ما حتقدري من الالم حتى لو حاولتي
بعدين الرياضة مو قبل 6 شهور كلام دكتورة
والمشد انا كنت البس الاندونوسي
اربطي شوي شوي وكل يوم زيدي الشد
على قد ما تتحملين لا تضغطي على نفسك وانشاء الله حتخف البطن بكثير اذا قربتي تخلصي الاربعين ....
معليش الكلام مو مرتب اللي يجي بالي اكتبة المعذره
 
اناكثرت الخبز اليابس الي هو البقصمات مع الزبدة و بطاطس مهروسه
و فواكه وخضروات
و كنت اشرب اليانسون دائما والحليب
اهم شي ابتعدي عن الشطه و القرفه و الحوامض ترا مضرة جدا عالجرح
 
بكره بسال دكتورتي عن المشد وعن الاكل بس عساها تفهمني لانها روسيه ودي اسالها عن قشر القهوه اذا زين والا لا من جربه وفادها انا ناويه ابدى فيه من اليوم ؟
طبعا جارتنا جنوبيه وتسويه لبناتها في نفاسهم تقول انها تحط
فنجان قشر محموس مع ملعقه صغيره من الشمر وقرفه وزنجبيل و7 حبات تمر
وتطبخها بمويه حاره عشر دقايق ويشربونها
ذقتها طعمها حليو ماعليه يعني تتقبلينه وريحته زينه ماعليها
ودي استخدمته لحاله مابي اخربط في المشروبات
ومن قد جرب لهومات ابا الخيل اللي في وشيقر زينه والا لا ؟
 

جنون بيبي

New member
سوسو ..

الحمدلله على سلامتك..
انا الوالده والده قيصري كل ولاداتها وتقول عادي اشربي قرفه وقشر تنظف لك الاوساخ زيك زي اللي والده طبيعي..


وعليك بالاكل لان الجرح ما يلتئم الا بالاكل..
والراحه وعدم كثره الحركه امشي بس بحدود..
والعسل على العمليه كويس..

اما المشد اسالي دكتورتك افضل ..
 

جمانه222

New member
انا والده 3 قيصري,,,اكلي اللي تبين واشربي كمون زوشمي حلتيت ومره عشان الشمم,,وكثري المشي,اما بالنسبه للمشد عجزت البسه اخاف يضرني بس اذا خلصت الاربعين كأني حامل لي اربعه شهور هههههه
 
حبيبتي انا عندي ثلاث عمليات وبسوي الرابعه بعد كم يوم ...
اشربي قشر مع زنجبيل وشمر ويانسون وقرفه واذا حبيتي تضيفي التمر انا اشربه مع تمر اعجنه واحط عليه حبة البركه والشمر شوي زبده ما قد غليته معاه ...مرررررررررره ممتاز ويطلع من بطنك الهوى ...اضافه الى المشي مو لازم رياضه عنيفه المشي يوميا ساعه ساعه الاربع مريح بالذات للي مسوين العمليات القيصريه يحميك من الجلطات باذن الله ويبعد الارتباكات الهضميه بعد اثر البنج وارتخاء العضلات ويطلع الهوى اللى دخل بطنك من اثر عملية فتح البطن وشوفي النتيجه وادعي لي ولاتنسي شوربة الخضار مع الدجاج او اللحم بس الافضل الدجاج لان اللحم ثقيل شوي والشاي الاخضر قبل النوم شي عجيييييييييييب!!
 
افتكر بعمليتي الاخيره لما كنت بالمستشفى ماكنت انام من المغص والانتفاخات شي فضيع وربي جاتني النيرس وقلت لها ابغى انام وفيه الم بس كم يوم ما انام اش اسوي جيبي مسكن عصبت وقالت قومي امشي وانت شوفي كيف تصيري مرره كويس وحتنامي كل هذا عشان انت ما تمشي قبل النوم وقمت امشي الساعه 2 بالليل بس نص ساعه وربي سبحان الله ارتحت ونمت وراح الالم ,الراحه والنوم بالسرير على طول ترى ترخي عضلاتك وتخلي لك كرش من جد ...
 
صحيح كثري من المشي هذا اللي اعرفه
فعلا يوم مشيت احس اتحسن اكثر
الحمد لله انا قيصري من دون ولادة يعني عملية قيصرية اختلف عنكم
بس كلها قيصري بالنهاية
الله يرزقني الحمل السليم يارب واولدطبيعي
 
جنون بيبي جمانه من القطب الشمال يفداني بقلبه
الله يسعدكم دنيا واخره اسعدتوني بردودكم

الحمدلله بعد الله ثم المشي البسيط والحركه الخفيفه انا احسن بكثير
ومن ناحية الشرب صرت اشرب قشر القهوه مع قرفه وشمر وزنجبيل وتمر
واشرب حليب بالزنجبيل واكل معها تمر معبوط بالسمن والحبه السودا والرشاد
الحمدلله ماحسيت بمغوصات والجرح بحول الله وقته التئام

واما اكلي الفطور ياخبز بر وسمن وعسل او محلى او حنيني
والغداء والعشاء مطازيز اوقرصان او مرقة لحم طبعا كلها محطوط فيها فلفل اسود
ماخربطت بالاكل واعتمدت ع الاكل الشعبي
والمشد لبسته يومين كلها حول الساعتين وافصخه لان ام حميده قالت انه ممكن بعد فتره يسبب فتاق
والحمدلله انا نحيفه بس تعرفون بقايا الكروشه اتوقع بعد الاربعين تروح وان ماراحت بالبسه
 
أعلى