أميرة الاحلام
New member
- إنضم
- 27 أغسطس 2009
- المشاركات
- 38
السلام عليكم ورحمة الله وبركاته
الوصفة بللغة الليبية
اول حاجة نقول لكم طريقة عمل المرقة (طبيخة بالبطاطا
ناخذ الطنجرة ونحط فيها زيت زيتون حوالي ثلاث ملاعق أكل وناخذ راس بصل ونقرضه صغير ونخليه يقلى شوية في الزيت ونضع ملعقة كبيرة طماطم معجون وحوالي ثلاث طماطمات خضر مفرومة ناعم وملعقة صغيرة ملح ونخليهم يشكشكو في الزيت ثم نضع قليل من الفلفل الأحمر وقليل من البزار حوالي ملعقة صغيرة ونضع اللحم ويفضل لحم خروف صغير ونخليهم مع بعضهم يشكشكو وبعدين نحط ماء ساخن حوالي كوب ونصف ونغطي طنجرتي ونخليها على نار هادئة وبعدين نأخذ حوالي اربع بطاطات نقشرهم ونقهم مربعات مع قرن فلفل أخضر ونجهزهم في صونيز لحين ما نعرف بأن اللحم خلاص طاب نقيم اللحم ونضع البطاط والفلفل ونغطي الطنجرة لن تطيب البطاطا . (كما في الصورة)
وبعدين نجهز البازين وهو عبارة عن دقيق شعير وشوية ملح ومية ومقدار معرفة البازين لكل شخص كوب كبير ماء مثلاً حطيت 6 اكواب دقيق وملقة صغيرة ملح وناخذ مية ونقعد نعجن لن تقعد العجينة مش يابسة ومشر رطبة (كما موضح في الصورة)
ونكون مجهزة ميتي في الطنجرة على النار ولما نلقى المية تغلي نصع اقراص صغيرة كما في الصورة
ونضعها في الماء ولما نكمل المقدار نخليهم يطيبوا حوالي نصف ساعة وبعدين ناخذ نصفي ميتهم ونضعهم في العجانة وهي طريقة حديثة لمن لا يعرف التعصيد بالمغرف (بدون تعليق) وهي طريقة سهلة جداً وتخليك في اي وقت تقدري ادريه وانتي مرتاحة نشغل العجانة وهو ينعجن شوية شوية لن يصير جاهز
وناخذ معجنة متوسطة ونضع فيه البازين ونعمله مثل الكرة ونثبته في الصونية
وتكون طبيختي جاهزة ونضعها علي البازين والي يحب الدحي يطيبه على النار وهو بيض مطبوخ ونضعه مع اللحم والمرقة وبالهني والشفي وان شاء الله قدرت نوصفه بالطريق السهلة واي استفسار تفضلوا وراهو نكتب فيه بعد ما كيناه وصورناه باش يكون طازة والى اكلة جديدة ان شاء الله .
