اكتشفت خيانة زوجي ومرة مقهورة

[دلع نواعم]

السلام عليكم ورحمة الله وبركاتة. راح احكيلكم كيف اكتشفت خيانة زوجي طبعا زوجي انسان طيب وخلوق وحبوب بس مشكلتة غامض جداً وطول وقتة برا البيت يصحى الساعه 8 الصبح ويرجع 3 ويتغدا ويطلع الساعه 4 ومايرجع الا الساعه 12 او 1 وينام. بس مشيتها بحكم ضروف عملة وسفراتة المتكررة على جدة بحجة الشغل اللي مو داخلة مزاجي وحسيت ان هو متغير صائر شكاك بالمرة ويطلع فيني عيوب عالفاضي وقبل اسبوع كنا بالليل وخلاص أنا بنام وكل شوي اسمع جوالة يطلع صوت ورحت اشوف لقيت احد يتكلم عالايميل وعرفت من اسمها وأسلوبها انها بنت وتكلمت معها على أني هو وجلست استدرج منها الكلام تقريبا 4ساعات وعرفت أنة يكلمها وقابلها مرة وحدة وتعرف عليها عن طريق صاحبة وطبعا أنقهرت وقلتلها أني زوجتة وحلفت لي انها تسيبة وماعد تكلمت وانا وقتها أنقهرت جلست افتكر أنا بشتو مقصرة ولا شي والله مو مقصرة ولابشي يجي من برا والاكل جاهز وملابسة جاهزة والبيت ترتيب ونظام اخر كلام وانا مهتمة في نفسي كثير كل فترة اغير من شكلي وجنس اضغط على نفسي عشانة مرتين باليوم ومعقولة لا كل يوم لازم اسوي لة مساج وادلعه. وكل هذا مابين بعينة واليوم الثاني سافرنا جدة ومن عادتة اذا سافرنا جدة دايم يطلع ويسهر مع الشباب وانا وعيالي في البيت. وهالمرة حاولت امسك نفسي بس ماقدرت. يوم سألني وش فيك كذا متغيرة حكيت لة اللي صار وأنكر طبعا وقال انتي غلطانةليش تشوفين أسراري ورجعها علي وجلس يومين مايكلمني وقلت خلاص بروح عند اهلي ورفض نهائي مشكلتي أنا قلبي طيب وبسرعه أرضى ويؤمها طلعنا نمشي الأولاد وشرالي وردة. وماتكلم وقتها بس بعدين قال هذي مو خويتي هذي خوية صاحبي واللي بيني وبينها بس مسن ويحاول يتهرب وطلب مني مااعيد السالفة. وفي داخلي مقهورة مرة وانا الحين رحت عند اهلي اسلم عليهم يومين وراجعه. بنات سامحوني لو طولت السالفة بس جد مقهورة. قولولي وش اسوي ماصرت أثق فئية خصوصا أنة قفل جوالة برمز. عشان ماافتحه اللي سويتة أنا صح ولا غلط. ابي أخلية يندم أنة خاني. **

 

[مترو]

المفروض انك شرطتي عليه يكون جواله مفتوح و تشوفين كل شي عشان يتطمئن قلبك ..

زوجك مبين يحبك عشان كذا اعتذر منك و تأسف .. و ما رضى تروحين لاهلك ..

انتي بصراحه مدلعته كثير و الرجال اذا تدلع قلب على زوجته هم كذا يحبون اللي تلوعهم ..

خليك مدلعته مساجات و شياكه و لبس لكن الغلط غلط يعني ول اليوم برا ما يصير لازم يعوضك يطلعك تتمشين يوم بالاسبوع يعشيك في مطعم ..

يعني يكون فيه مقابل لطلعته برا البيت ..

و اذا سافرتو المفروض ما يطلع و يترككم و انتي تكونين راضيه لا ..
الا في حالة انه يكون طول اليوم معاكم و يمشيكم و يوسع صدوركم بعدين يكو له وقته الخاص ..

ترى انا مثلك نفس الحركات انواع الدلع و ما ازعل اكتم في نفسي و بالاخير صار يتمادى اكثر و اكثر ..

حتى بالسفر نروح مع اهله و ما اشوفه اا وقت النوم يجي دايخ و يدعس راسه و ينام !!
و حتى اذا نشبت له يطلعني ينام الين المغرب و نطلع نتغدى و يرجعني عند اهله و يروح الى الفجر !!


يوم زعلت و طنقرت و قلت له ما ارضى بهالوضع و انت مقصر معي و مطنشني و انا متحمله و صابره انتظرك تحس من نفسك و تعوضني اكتشفت انه عارف اخظائه و عارف انه مطنشني لكن لاني ما ازعل و اسكت خلاص رمى طوبتي !!

ما عاد يفرق معه و اصلا ما عاد حس بتأنيب الضمير !!

يوم واجهته و زعلت قال ادري اني مطنشك بس راعي اني مع ابوي و اخواني و يحتاجوني !! و وعدني يعوضني .
صح انه بالحقيقه حكي ووعود مؤقته لكن ع الاقل حس اني موب راضيه و يحاول يرضيني ..

هنا الفكره اذا صرتي ترضين بسرعه ما عاد تهمينيهم و يصيرون يدورون على غيرك وحده هو يتعب عشا ترضى عليه !!

 

[رازيا]

عزيزتي أعلم أن ما حصل لك يعد صدمة في حياتك وخاصة مع زوج مستقيم لا يقترف المعاصي كما تذكرين, وهذا الأمر من البلاء الذي يحتاج إلى شيء من الصبر والتروي وامرأة ذات دين وعقل ومن بيت محافظ مثلك لا تستعجل وتهدم بيتها بيدها وتطلب الطلاق مباشرة مع حصول أول خطأ أو مشكلة مع الزوج وحتى وإن كانت بحجم مشكلتك أعانك المولى على تجاوزها, فإني أرى يا عزيزتي لك عقلاً راجحاً قادراً على احتواء المصيبة وتجاوزها بسلام إن شاء الله تعالى, وليس أدل على رجاحة عقلك من أنك لم تخبري أحداً وخاصة أهلك بتلك المشكلة وكذلك خوفك على اولادك وبناتك من التشتت والضياع -حفظهم الله من كل سوء ومكروه وستر عليهم بستره- وهذا هو عين العقل والحكمة ونصيحتي لك ما يلي:

1-ضرورة إعطاء زوجك الفرصة حتى وإن كان مخطئاً ولا سيما أذا أظهر الندم وعزم على التوبة فكل ابن آدم خطّاء وخير الخطاءين التوابون كما جاء في الحديث عن نبينا صلى الله عليه وسلم فالعبد يخطئ ويستغفر ربه عز وجل فيتوب عليه ويقبل التوب منه بل يفرح به فما بالنا نحن العبيد لا نغفر الزلة ولا نعف عن الهفوة وإذا أخطئنا نحب من غيرنا أن يسامحنا ويعف عنا.
2-خوفيه بالله عز و جل وأشعلي في قلبه مراقبة الله سبحانه وأنه مطلع عليه يسمعه ويراه.
3-ذكريه بمغبة فعله وأن من طرق باب الناس طرق الناس بابه وأن له بنات فهل يرضى لأحد أن يقيم علاقات غير مشروعة مع بناته أو أخواته أو أي واحدة من قريباته.
4-أشبعيه أنت بالكلام الحلو الجميل والذي يحمل الرومانسية المباحة بين الزوجين فلعله عندما أفتقد هذا الكلام المعسول في البيت بحث عنه في خارجه فوجد ضالته هناك بالحرام.
5-أعتني بنفسك من حيث الزينة والنظافة الشخصية واختيار الملابس الملائمة والتنويع في تسريحة شعرك ومكياجك حتى تسحرين قلبه بالسحر الحلال.
6-أهتمي به أكثر وإياك والانشغال عنه إما بالبيت أو بالأولاد فالزوج طفل صغير يحتاج العناية به والالتفات إليه كما هو الحال عند الأطفال بل هو أشد.
7-وأخيراً تذكري أنه كلما أكثرتي المشاكل أمامه نفر منك وخرجت من قلبه شيئاً فشيئاً وألف فتاة والله تتمناه وستظفر به وعندئذ أنت الوحيدة الخسرانة وستعضين أصابع الندم.و
ساعدي زوجك للخروج من دائرة إدمان الصورة والصوت خلال الانترنت فجاذبية الانترنت كبيرة وهو وادي خصب للانحراف وهو يدمر العلاقات الإنسانية فلابد أن تجدي موضوعات للحوار معه وحاولي أن تشغليه بصورة غير مباشرة وتجنبي الشك بقدر الإمكان حتى لا يتعمد الكذب واحذري المواجهة وإنما دعيه يشعر بما يدور في رأسك لعله يستبصر
وانصحك اخيرا 1- الحرص على تقوية إيمانه؛ من خلال المحافظة على الطاعات، وحضور المحاضرات، واستماع المحاضرات المسجلة التي توضح حكم ذلك، وترغّب في الجنة وتحذر من النار. 2- محاولة إشغال وقته بالشيء النافع والمفيد، وترتيب الرحلات الممتعة والزيارات للأقارب. 3- إشعاره بأن هذا لا يجوز، وأنه لا يرضى أن أحداً يتحدث مع أخته أو ابنته، وأنه سوف يُسأل عن ذلك يوم القيامة.

 

[رازيا]

واكثري من الدعاء وانتي ساجدة اللهم اني اسالك رضاك

 

[ام حنونه وكريمه]

الله يسخره ويهديه

 

[ابتسامه مهجوره]

بنات حقيرات والشرهه مهوب عليهم علي اهلهم وينهم عنهم الله يهديهم ولا ياخذهم

 

[أم ااحمد]

الله بكوون في عوونك ياارب

 

[ام نرمين ناجى]

زوجك اكيد شمالى شرقي
احب اقولك حبيبتى انكما غلطتى وهاد حقك انك تشوفي كل شي ببعملو اصحك تعتذرى منو وكمان لازم تخليه يلغى الرمز تبع جواله