اقنعــــــــــــــــــي زوجك مع عطر الانوثه

[عطر الأنوثه]

السلام عليكم ورحمة الله وبركاته​

انا تابعت حلقه لبرنامج خطوه
عن الإقناع وأستفدت كثير
وأبكتبلكم اللي أستفدته مع بعض الأمثله عشان تفهمون​

أركان الإقناع
1_لابد أن تكون هناك أشياء تتوفر فيك كي تكون أنسان مقنع للطرف الآخر
2_الرساله نفسهامالذي تريد أن توصله للآخرين لأن هذا الشي لابد أن تتوفر فيه عمليات معينه
كي يصل عند الآخر بطريقه تفيده
3_ المتلقي الإنسان اللي تتحاور معاه
4_المناخ والبيئه يعني أحيانا بمجرد وجودي في هذا المكان يمنع الإقناع
الأقناع مايبدأ من نفسي يبدأ من المستقبل ثم أصيغ الرساله المناسبه للمستقبل
ثم أمتلك للمهارت المناسبه حتى أقدر أوصل الرساله للمستقبل
الإقناع:هي عملية توجية الغير
سواء شخص أو مجموعه لإتخاذ قرار أو تصرف
فيه مصلحه مشتركه
أنا أحقق مصلحه والطرف الآخر يحقق مصلحه​

راح نتكلم عن ركن ركن ونبدأ من الآخير
1_ المتلقي
قبل لااحاول أقنع المتلقي شنو الأشياء الي أتأكد منها قبل لا أوصله الرساله
راح نتكلم أكثر من زاويه
فيه ناس مؤيدين للفكره اللي بطرحها
وفيه ناس معارضين للفكره
وفيه ناس محايدين للفكره يعني يعرف رايي ويعرف الإراء المخالفه لرأيي
وفيه ناس جاهلين للفكره
موعارفين شنو الموضوع
وفيه ناس غير مبالين
طريقة تعاملي مع كل واحد غير
يعني أول شي نصنف الناس اللي قدامي
إذا كان مؤيد يحتاج تحفيز وتشجيع
التركيز الأكبر يكون ع الشخص المحايد
لأكسبه بجانبي
في حين المعارض أحوله لمحايد
يعني ننقل المحايد لمؤيد
والمعارض لمحايد
هذي وجهة نظر
فيه وجهة نظر ثانيه ننظر للجمهور فيه واحد صاحب قرار
(مثل الأم أو الأب أو الزوج أو مدير)
فيه ناس يشكلون عقبه مثل أختك أخوك أولادك
والأخير المتأثر بنتيجه
مثال بنت تبي تشارك أخوها عشان تسوق سياره
جت للأب عشان تقنعه أن تشارك أخوها في سواقة السياره
اللحين الوالد هو صاحب قرار
وفيه شخص يشكل عقبه
(الوالده تخاف ع بنتها تسوق السياره)
وفيه شخص يتأثر بالنتيجه
(الأخ لأن الأخت بتشاركه السياره)
اللحين الأخ بيعارض لأن السياره عنده 24 ساعه وجت أخته بتشاركه سيارته
لازم اللحين البنت تروح تاخذ تأييد الوالده وتقولها مثلا(أنا بسوق السياره عشان نروح السوق وأمشيك ولا كل شوي نطلب أخوي أحيانا يرضى وآحيانا لا وإذا رضى نتسوق ع السريع وماناخذ راحتنا)
الين ماتكسب الأم واللي كانت تشكل عقبه
وتروح لأخوها وتقوله أنا باخذ السياره كل يوم جمعه بس
ولانأذيك ونقولك ودنا وجيبنا
يعني تكسب موافقة الأثنين
(اللي يشكل عقبه_والمتأثر بالنتيجه) قبل ماتروح لصاحب القرار​

طيب المتلقي كيف يقتنع
هناك أربع أنواع
1_المسيطرون يبون الفكره فكرتهم وبس (كالأب_المدير_ ..
2_التابعون يبون يسمعون فكرة ناس واثقين فيهم
مثل بنت تبي تقنع أبوها بشي تلجأ لعمها لأن أبوها واثق فيه
ويأثر ع أبوها
3_ناس أصحاب كاريزما
يعني شخص يبي الفكره ويقتنع في إذا فيها شي مميز وفيها شي مفيد أو مختلف أو مثير
وإذا لا مايبيها ولايقتنع
4_المحللون أوالمفكرون
يعني ناس تبي تقنعينهم بالذات
يعني خلي المعلومات هي تتكلم
مايقتنع بالفكره لما تقوليله هذي فكره حلوه هذي فكره مفيده
لا يبي شي يشوفه قدامه
وينظر في التفاصيل
يبيله ناس يجهزون له كل شي قبل لايقنعوه​

اللحين أهم شي قبل لاتقنعين أحد أعرفيه من أي نوع عشان تقدرين تتعاملين معه
يعني لازم نعرف المدخل الصحيح لقلب وعقل الإنسان اللي أمامي
لأن لما تفهمينه تعرفين كيف تقنعينه
بعض الأحيان يكون معك الحق بس ماتستطيعين الإقناع لأنك موفاهمه اللي قدامك​

اللحين خلصنا من المتلقي
ونجي لخطوة الرساله أوالفكره
بعطيكم مثال
أبي أقنع الزوج في فكرة الوظيفه
هناك ست شروط لأي فكره بقنع فيها الزوج​

1_لابد الفكره تحرك المشاعر
يعني تحريك الجانب العاطفي مهم جدا
يعني لابد أن أصل لعقل وقلب الآخر
أفكر هل الفكره تثير المشاعر للشخص المتلقي
في المثال السابق شنو المشاعراللي ممكن تثيرها الزوجه
هل هوالحماس تشتغل وترفع راس زوجها
هل هو الجانب المادي يعني الزوجه تقول بشيل عنك بعض مصروف البيت
يعني تبحث عن العاطفه المناسبه اللي تثير زوجها​

2_الفكره تأتي من طريق غير متوقع يعني الشخص يقبل الفكره إذا جاءت بشكل مفاجئ أكثر من إذا جآءت بطريقه تقليديه
نعرض الفكره بأسلوب غير تقليدي​

3_المصداقيه منو قال هالكلام
الرسول كان يعرف بالصادق الأمين عشان كذا الناس تستجيب لرسالته
يعني جانب الصدق أعطته المصداقيه كي يقنع بها الناس
يعني إذا بتقنعين أحد لازم فيه جانب مصداقي
مثل دليل من القرآن أوالسنه
أو تأتين بشخص يصدقه الشخص اللي بتقنعينه
أحيانا رأيي يحتاج تدعيم من طبيب من مدير من معلمي
في مثال وظيفة المرأه
لازم تجيبين مصداقيه مثلا من أشخاص من سوق العمل
يقولوا لزوجك أنو مافيه أختلاط
(إذا كان هالشي يخوفه) وهكذا​

4_صياغة الفكره نفسها
الفكره لماتنعرض لمثقف يكون الإقناع غير
لغير مثقف __
المتعلم _ الجاهل _ المهندس _ الطبيب _
يعني لازم الفكره تركب مع الناس
الرسول يقول (خاطبوا الناس ع قدر عقولهم)
يعني لما أصيغ الفكره لأبوي
تكون بشكل مختلف لما أصيغها لأختي عمرها 8 سنوات
يعني الطفله أكلمها بلغة البلاي ستيشن والألعاب
والوالد أكلمه بلغة العادات والتقاليد
نرجع لمثال المرأه الموظفه
هل زوجك متعلم أولا
يعمل أولا وشنو طريقة عمله
هو يحب التفاصيل وإلا الصوره الكليه
إذا عرفتي عنه راح تعرفين كيف تخاطبينه​

5_الفكره تكون بسيطه أي أبسطها قدر المستطاع
مثال إذا دخلتي لوزارة التربيه والتعليم
ودخلت معاكي في الأصانصيد وزيرة التعليم وطالعين خمس أدوار وسألك أنتي مشرفة في شنو وإشرافك هذا شنو دوره بالضبط
هل تستطيعن أن تعرضين إشرافك في رحلة الأصانصيد هذي
لازم تبسطين الكلام وتقولينه في المختصر
يعني إذا عندك صندوق برتقال تبسطينه وتطلعين منه فيتامين سي​

6_أصيغ الفكره ع شكل قصص​

حتى تقدر تقنع الناس لازم تسمعلهم والإستماع يساعدك تفهم الناس
طيب نجي لآخر شي اللي هوأنا
طيب أنا شنو هدفي بالضبط
الهدف في ست مراحل هل كي أبذ بذره في راس الأخ أو الزوج وهو يفكر فيها
أو أريد أن يحصل قناعه داخليه
أو أريدقرار أو تصرف أو سلوك أو أريد مثلا موبس أبي أتوظف لا أبي أبوي يكتب في الجريده وينادي عن وظيفة الحريم
أنا وين هدفي بينهم وهكذا
طيب هل هناك أشخاص شبه الشخص اللي بقنعه من زوج أو أب يعملون نفس العمل اللي جالسه أدور عليه
يعني مثلا فيه ناس كثير بتسوق السياره
وأنا جالسه أقترح ع أبوي أنو أسوقها
وبكذا أقوله أن هالشي منتشر وكل الناس تسويها
يعني أقنعه بأن الأمر عادي والناس منتشر بينهم​

أقدم تنازلات يعني فيه فكره أبيها وفكره ماهي ضروريه أتنازل عنها
مقابل أحصل ع الفكره اللي أبيها​

لابد أن الشخص يعرف كيف يصيغ الخيارات
مثال الزوجه تقول لزوجها أنا بتوظف بس ماراح أعمل مختلط وماراح أتوظف ليلي يكون دوامي واحدوهكذا_
لما أعرض الفكرن مأأعرض الأفكار ورى بعض أعرض الفكره الأكثر تكلفه
إذا ر فضت أتي بالفكره الأقل منها
وإذا مضطره أعطي كل أفكاري
مثال أعطي خيار رقم أ اللي مابيه
ب هو اللي أبيه
وخيار ثالث شبه الخيار اللي أبيه بس سيء شوي
مثل أنا بقنع أبوي بسفره لروما
أختاريايبه نروح نسافر لبرشلونه بتكلفة 60000ريال​

او نروح لباريس أسبوع بتكلفة 50000 ريال
وإلا نسافر لروما بنفس التكلفه
50000ريال
بس باريس من غير إيجار فندق
بس روما مع الإيجار
وهكذا
وأتمنى أستفدتوا​

 

[اشراقه جديده]

يشرفني اكون اول من رد عليك
ومو غربيه عليك المواضيع المميزه واكيد كلها حكم ودرر
مووووووووووووووفقه

 

[امول 66]

نتابعين معك يا عطر لانوثه والله يوفقك دنيا واخره والى المزيد من موضيعك الشيقه

 

[سـمـو الآمـيـرة]

جميل جِداً عزيزتِي
جزآكِ اللّه كُلَ خيرّ و سلمكِ وحفظكِ

تقديري ​

 

[شامخة الهمه]

كلامك درر
طيب كيف اقنع زوجي نطلع في بيت لحالنا

 

[جمالي بأخلاقي]

جزاااااااااااااااج الله خيييييييييييير
منتظرين كل ماااااااااااااهو جديد

 

[عطر الأنوثه]

اللي تسأل وتقول كيف اقنع زوجي انو نطلع بيت
طيب زوجك من اي نوع من الانواع اللي ذكرتها​

 

[شامخة الهمه]

زوجي مويد الفكره بس غير مبالي
مقدر اوصفه له
يعني كل سنه يقول هذي السنه وتروح سنه وتجي سنه ولاتغير شي

 

[عطر الأنوثه]

شامخة الهمه انا اقصد زوجك
هل هو مسيطر ـ تابع ـ كارزمي ـ محلل

 

[ضحكت الدنيا1]

موضوع رائع
موفقه

 

[جورية بيتي]

فعلا من تتعلم فن الاقناع حتما ستكون ناجحة في حياتها. سلمت يداك عطر الانوثة علي عرضك القيم.
الذكية فقط من تتقن هذا الفن فتأخد ماتريد من زوجها دون عناء!!

 

[أم ميسوـوـو]

موضوووووووعك رووووووووووووعه

وجاا بوقته انا ابي اقنع زوجي بسفررررره

وهو من النوع الكاريزمي !!

اتمنى الافاده ومشكوره ع الطرح

 

[عطر الأنوثه]

احب اشير الى شئ
انا في موضوعي هذا
احط القواعد العامه وانتي تختاري القاعده اللي تناسبك وتناسب زوجك وطبقيها
لانو ما اقدر اساعدكم في شئ لانو مااعرف طبيعة ازواجكم

فابيكم تعتمدون على انفسكم في كل شي
ولاابيكم تستشيرون الناس في اقناع ازواجكم
لاكم كذا بتتعودون
القاعده عندك وطبقيها


وشكرا لكم​

 

[كيوت حدي]

موضوع مهم ومفيد برجع اقراه على رواقه

والف شكر على مووضوعك الجميل

 

[خرابيش]

سلمت اناملك على هذا الموضوعالاكثرمن رائع

 

[~ غموض ~]

ماشاء الله تبارك الله
كالعادة موضوع مميز و رائع من عضوة أروووووووع
أسأل الله ان يحفظك من كل شر و مكروه
و يبعد عنك عين كل حاسد و حاقد
دمتي بود ^^​

 

[اسيرة الايام]

روووووعة
حزاك الله خير
موضوع حلو

 

[الملكة ع]

لي عودة لقراء موضوعك
شكرا لك

 

[لقيت نفسي فيك]

الله يعطيك العافيه يا عسووله

 

[كوكب77]

الله يعطيك العافية موضوع قيم