اقسى قصيدة حب

[وميض القمر]

لا جيت ابنسى واتراجـع واسامحـك
صاحن جروحي واشتكن لي طعونـك


كلك خيانه قول .. وشلـون ابمنحـك
وش موقفك من شخص دايم يخونك !!


اكبر خطا.. لو جيت يمـك اصالحـك
اول تحـوّل .. لاتـغـرّك إلحـونـك


اللي تقوله صح .. لو كنـت جارحـك
( مير ) انت غارق للاسف في ظنونـك


وصفك نسيته بس .. باقي ملامحـك
بنهيـك وانهـي بالنهايـه جنـونـك


ماتستحـق امـد (كفـي)واصافحـك
مثلك غلط عمري وابحيـا بدونـك


لعبـت دورك شاهـدتٍ مسـارحـك
خدعتنـي واظهـرت خافـي فنونـك


كنت اعتقد قلبي هو ابرز مطامحك
اللي يبيـع النـاس لجلـه يصونـك


تعبت اسوق الشوق يمك واصارحـك
اخلصت لك بالحب شوفت عيونـك


لكن خساره صرت غايـة مصالحـك
ياليتنـي ماجيـت لحظـه بكونـك


بالامس كنت بنشوة الحب امازحك
اخيـل برقـك واتحـرى امـزونـك


واليوم من صفحة حياتي ابمسحـك
هديت صرحـك ثـم طاحـت ركونـك


ولابي عيوني لـو تصـورت تلمحـك
اعلنت موتك وانسجن لي كفونـك


وان جيت تطلب ترتجيني اسامحك
بهديك طعنه مـن بقايـا طعونـك

 

[عشق نزف المشاعر]

ما شاء الله قصيده نالت اعجابي ومشكوووره​

 

[وميض القمر]

اسعدني مرورك اختي عشق نزف
المشاعر

 

[ضحكات الزمان]

رووووووووووووعه كلامتها في الصميم

 

[محد يهمني]

تسلم يمينك​

 

[سمو الوجد]

قصيدة قوية ورائعه
تسلمين على النقل ​

 

[فرآشة مكة]

تسام يمينك

 

[جالكسيتو]

راأائع عزيزتي ...