اقسم بالله اني كرهت حياتي وافكر بالطلااااق

[أميرة الود1405]

بنات تكفون ساعدوني مره مخنوقه تعبت من زوجي كل ماينعدل نرجع معاه من جديد مشكلتي انه مره سافر دوله برا السعوديه وكان باستمرار يروحلها ولقيت بعد رجعتو مقطع لبنت معاه يبوسها من بعيد وهي تتدلع لما كشفته قلتله وديني بيت اهلي مستحيل اجلس معاك وانت اجلس ربي عيالك الثلاثه جلس يعتذر واقنعني انه ماعاد بيسافر لهالبلده
بعدها ب6 شهور قاللي انه بيسافر مع اصحابه دوله غير الدوله اللي منعته انه يروحها في البدايه كنت رافضه مره اقنعني انه ماله في البنات والشغلات هذي وانه مايشوف غيري ومن هالكلام والحين رجع من سفرته مخبي جواز سفره ولقيت اسم الدوله اللي منعته يسافرها على استكر موجود على بكت الدخان حقه .........بنات انا مره تعبت وجالسه افكر اروح بيت اهلي واخليه يبتلش بالعيال هو الحين سافر مع ابوه عندهم عزا بمدينه بالسعوديه .........وحابه اقولكم شغله انا مو مقصر معه ابد لا بنفسي ولاببيتي ولا بعيالي ودايما اتدلع واسوي من هالحركات هو يتعدل فتره وبعدين يرجع يسافر الله لايسامحها هالبنت باقي ترسله رسايل حب وغرام وانا تعبت نفسيا

 

[وهن~ْ]

لاتخلين زوجك تسحبه هالخايسة
تمسكي فيه بالقوة
خليك اقوى منها وانتصري عليها
بلا بشكلها الله يبليها بنفسها وتنشغل عنك

 

[- نور الليالي -]

واجهيه واذا انكر روحوا مكه وخليه يحلف على كتاب الله انه ماخانك واذا غلط وحب يتعدل تعاهدوا عند الكعبه على كتاب الله انكم ما تخونوا بعض ولا حتى بالكلام او الضحك مع غيركم وتشهدوا الله عليكم وخليه شرطك للرجعه له ولا تفكري في الطلاق ابدا عشان اطفالك ايش ذنبهم مساكين وادعي الله يهديه ويصلحه ويجعلك قره عينه

 

[الفلوة]

هدديه انك تكلمين اهله
واصلا ذكريه دايم انه هالدول هذي مايجيبون غير الامراض وش هو يبي مرض ينقله لزوجته وعياله
الطلاق مو حل
لكن بعد السفر عشان هالسوالف بعد مو زينة

وانا اقولك بعد واجهيه لكن مو بهواش وزعل بتذكير ونصح ولشفتي انه يحاول يراضيك اطلبي يوديك عمرة وهناك ادعي له بالصلاح والبعد عن هالسوالف والاثام وهو يسمع راح يكون فيها اثر بنفسه

وصدقيني اذا اثرتي فيه وخذتيه عمرة هذا اول النصر

 

[همس*]

نصيحة كوني بموقف قوي ولا تتردديوهدييه بتتركي البيت والاولاد ومو مهتمة لشي وخليكي قوية وكأنه مصرة خلي يحس شوي اذا شافك ضعيفة ومترددة يقول هاي ماتقدر تترك البيت ولا تخرب علا نفسها
كوني قوية ورح تلاقي حل نهائي

 

[أميرة الود1405]

بنات اهلي يقولولي انتظريه الين يجيكي وبعدين افتحي الموضوع معه انا اعصابي محروقه وهو بيجلس بالعزا 3 ايام

 

[S.smsm]

الله يفرج همك ويحفظ لك زوجك...

 

[ام فارس 2012]

لاحول ولاقوّة الاّ بالله
الله يهديه ويسخره لك

 

[روح علاوي]

اصبري علييييييييييييييييه


ترا والله بيندم ولا بساافر

ليش كل مالقيتو مشكله قلتو بطلق اصبروووو وانصحيه والله بيهديه

ولا تضيقين

 

[صاحبة الليل]

عليك بكثرة الإستغفار وصلاة الليل
ماتدرين يمكن لجا من العزا يسير شخص تاني ولاتفكري بالطلاق تراه مو حل بتتعبي أكثر بعدين

 

[مودعة الحب]

طيب حبيبتي
اعرضي له انك تسافري معاه واذا رفض روحي بيت اهلك يدون الاولاد ورح يرجع لك
ولا ترجعي على بيتك الا لمن يتدخل في الموضوع ابوه مو ابوك انتي عشان لاتفسد العلاقة
دعواتي لك بالسعادة
طمنيني عنك

 

[لغيرك لاتخليني]

لااااااازم توقفينه عند حده والمره ثانيه لايضحك عليك بكم كلمه وتوافقين انه يسافر قوليله ياسفر ياانا واحد من الاثنين

 

[أميرة الود1405]

وعوده لي بالسفر صايره سرااااااااااب ماشفت منها شي بس كلام ودي أأدبه بس مو عارفه كيف عشان كذا قلت اروح بيت اهلي بدون عيالي والأهم اخلليه هو يوديني

 

[أميرة الود1405]

اب

ابي حل

 

[القمر الخجول]

مايهمهم ولا يأدبهم شي إلا ببلى من رب العباد
الله يهديهم بس

 

[القمر الخجول]

مايهمهم ولا يأدبهم شي إلا ببلى من رب العباد
الله يهديهم بس والطلاق موحل خليك ببيتك

 

[أميرة الود1405]

:8:

تعبت نفسيا وربي ماودي اجلس بالبيت ودي يتحمل مسئولة عياله شوي عشان يحس فيني​

 

[bent alnoor]

أنا لو منج
أول خطوه ببتر هالبنت بتر
بتصل فيها وبهددها وببهدلها وقوليلها إنج بتشكينها في الشرطه وخبريها إنج تقدرين تجيبينها للشرطه مهما كانت قوتها ومعارفها وخلج عنيفهه معاها جدا وطبعا اياك ثم اياك تقوليله إنج دقيتي
ثانيا هدديه إنج خذتي نسخه من الفيديو والمسجات وراح تفضحيه عند أهله إذا ما تأدب وغدا ريال
ثالثا خليه يصدق تهديدج والفضيحه اللي راح تسويها يمكن يخاف ويتأدب

ترى فيه بعض الرياييل تهمهم سمعتهم عند أهلهم ويحبون يظهرون الإلتزام والمثاليه جدامهم إطرقي هالباب وعسى خير يا رب