اقروا قصة حياتي

احصائياتى
الردود
6
المشاهدات
1K
معلومات والله أحتاجك أنا
إنضم
29 نوفمبر 2006
المشاركات
283
مستوى التفاعل
1
النقاط
0
اقروا قصة حياتي
بسم الله الرحمن الرحيم ..

السلام عليكم ورحمة الله وبركاته ..

حياكم الله خواتي .. واسمحوا لي تكون اول مشاركاتي في هالمنتدى الرائع بأهله ..

هي مشكله وكالعاده وكلنا هنا حتى نفضفض ونقول مابخواطرنا وننتظر الحلول من الله ثم من استاذتنا الرائعه ناعمه الهاشمي ..

ومن العضوات الكريمات اللي مايبخلون بالراي والشور الحكيم ..

يمكن بطول شوي اعذروني بس اباكم تفهمون كل جوانب القصه عشان تحكمون صح وتشوفون الحل المناسب ..

لاني مابخليكم الا لما تدورون لي حل ..

انا سيده متزوجه من 12 سنه وعمري 29 سنه .. ولي من الأطفال خمسه والحمدلله ..

تزوجت زواج تقليدي .. ولكن كان زوجي معجب بي من قبل الزواج ..

وطبعاً لما تزوجت كان عمري وعمره 17 سنه ..

ومن بداية زواجنا ومن ليلة الدخله تحديداً قال لي زوجي مقتدياً بالمثل القائل : اذبح لها القطه من ليلة عرسها ..

فقال لي : ترى ان صار وزعلتي ورحتي بيت اهلج ماني برادنج ..:crazy:

كأنه عطاني بوووكس .. لكن طوفت كالعاده .. لانكم بعدين بتعرفون اشكثر اطووووووووف ..

المهم كان زوجي يعمل بنظام اسبوعين لاسبوعين .. يعني في الشغل اسبوعين وفي البيت اسبوعين ..

وبصراحه اسبوعين للشغل والاسبوعين الباقيه للربع .. لانه من يوم يرد لين يروح واهو مجابلهم ..

يمكن يتغدا يوم بالغلط في البيت ويبيت كم يوم والباقي للوناسه والسهر والسفر والصياعه ..

استمر هالحال سبع سنين .. الى ان استقر شغله في نفس المدينه وصار دوام عادي يسير الصبح ويرد الظهر ..

والحقيقه اظلم جهة عمله لو قلت انه كل يوم يروح ..

الصراحه يمكن هم بعد مثلي مايجيهم الا كل كم يوم .. والباقي الله اعلم وين يقضيه ..:sad_1:

وطبعاً طبع الإهمال في زوجي من يوم خذيته .. لايهتم بالبيت ولا بالشغل ولا بالعيال ولا بأمهم ..

وكل ماكلمته او نصحته او هاوشته ماشي فايده ..

يقول : انا كذا ومابتغير عاجبج حياج وان ماتبين تعرفين طريق بيتكم .
ولدرجة اني دخلت ابوه في الموضوع .. وكان رده للاسف سلبي جداُ ..

يعني خليه يعيش حياته مدام مو مقصر عليكم بشي .. مع العلم ان التقصير موجود ..

يعني مانتشرا اغراض الا من العيد للعيد ..

وهالشي في هالوقت وايد صعب وخصوصاً إنّا نشوف غيرنا كيف عايشين ..
وانا طبعاً اصبر حسب تعليمات الوالده .. والسبب الاهم عيالي مااباهم يتشتتون بينا ..

عشان مايعيشون نفس طفولة ابوهم .. لانه كان متشتت بين ابوه وامه المنفصلين ..

المهم ياخواتي اني الين يومكم هذا وانا اعيش نفس الحاله هذي ..

بالاضافه الى اني لقيت ارقام بنات في تلفونه وكل مااواجهه ينكر ويقول يمكن حد من الربع استخدم التلفون ..

الين صار يسوي له رقم سري ..

وبالاضافه بعد انه دوم يطالع الصور الخليعه والافلام الجنسيه في الانترنت الموجود في بيت ابوه ..

واللي طبعاً ممنوع علي الاقتراب منه ..

ولا يسمح لي بالاختلاط كثير بالناس الا المقربون جداً جداً .. ويباني بس ربة منزل ..

و حتى دراستي ممنوع اكملها علماً اني عندي ثانويه عامه بس وبعد طلعة روح دخلت دورة i c d l ..

يمكن هو متعقد لانه مادرس الا الى الأول إعدادي ..


وبالرغم من اني جميله وجسمي متناسق بشهادة من حولي ومن ضمنهم زوجي ..

لكن يسوي هالأشياء مااعرف ..؟!

وطبعاً طيبه ومتساااااااااااااااامحه جداً ومااقصر في بيتي وعيالي ونفسي ..

واهتم فيه من كل النواحي العاطفيه والجنسيه وبعد كل ولاده اسوي خياطه عشان يكون مرتاح وياي ..

واكله دايم متنوع وبيته نظيف واهله مااقصر وياهم ..

ولو تصدقون اني انتظرررره كل يوم من 12 سنه ماانام لين مايرد الساعه 1 2 3 وممكن 4 او 5 ومرات لل 6 و 7 ..

وانوع في شكلي ولبسي وحتى اسلوبي ..

وماادري إنتظاري له كل يوم صح او خطأ ..

صاحباتي يقولون لاتنتظرينه وبيرد بدري لكن مااقدر ..

لاني اجرب ثلاث ايام او اربع بالكثييييييير اسبوع واشوف انه يمصخها ويزيد في السهر اكثر ..

فأضطر اني ارجع وانتظره لاني اكون قلقه جداً عليه والوساوس تلعب بي .

وماقصرت بعد معاه في النواحي الماديه ..

لانه مبذر ويصرف على نفسه وعلى ربعه ببذخ .. وعلى سفراته ووناسته ..

وكل ماجاني متأزم بعت قطعه من ذهبي لعيونه ..

عشان يستانس ويحس اني احبه واقول يمكن يقدر لي هالشي ..

ولكن للأسف مايبين بعينه شي ..

ولكني مااتوب كل ماجاني حزين ومكسور الخاطر جبرت خاطره باللي عندي ..

والحين اواجه اكبر مشكله .. وهي انه طلعت لنا من الحكومه ارض باسمي وباسمه ..

وطلب مني اسوي له توكيل عام عشان يقدر يسوي اجرائات البناء بسرعه والتوكيل معاه الى هذي اللحظه ..

وقال انه بيبيع نص الارض لاخوه عشان يقدر يبني فلتين .. وحده للإيجار والثانيه نسكن فيها ..

وفعلاً صار هالشي ..

وبنينا الفلتين وهي على وشك انها تتشطب ..

ومثل كل الشباب دخل من فتره الأسهم وخسر فيها وايد .. وعليه ديون كثيره شي للبنك وشي للناس ..

والآآآن طلبه الجديد ..

إني اتم في بيتي هذا المكون من غرفتين ومطبخ وحمام انا وعيالي الخمسه وشغالتي ..

وهو بيأجر الفلتين عشان يسدد بها ديونه ..

وحط لي خيارات من ضمنها انه يسكني بشقه لو ابا .. او يزود لنا غرفه في بيت ابوه ..

والحقيقه انا محتاره

أولاً : لأني مش مطمنه من ناحيته ..

يعني اخاف الفلوس هذي يرد يلعب فيها ويسافر او يعرس او يصرفها على بنات الحرام ..

ثانياً : اني مرتاحه في المنطقه اللي انا ساكنه فيها حالياً ..

والفيلا في منطقه مقطوعه محد ساكن فيها لي الحين ..

وبعد مش مأمنه في البنا يعني المطبخ برا في الحوش والدرايش بدون حدايد ..

ولا في منطقتنا دكاكين ولا مدارس ولا حتى مسجد .

وهو الحين مصر اننا نتم في بيتنا او نروح الشقه وانا رافضه ..


وزوجي بطبعه قاسي وجاف وعنيد وأناني ومغرور ويموت في الخقه والمظاهر ..وهاللي مخلي ربعه يقصون عليه ..

كل مايمدحونه اكثر يزيد يصرف عليهم اكثر ..

وللعلم التفاهم والاحترام هذا شي مش موجود بحياته ولكن الحين اكثر ..

وإذا صار بينا خلاف كبير يمد ايده ويضرب وهالشي مب جديد عليه ..

وحتى لو بعد المشكله تصالحنا يكون الصلح مجرد نقاش في المشكله وبس ..

ويرجع يسولف ويتكلم عادي ولا كأنه سوا شي ..

وماادري شو اسوي ..

انتظر منكم الحل للآتي وكيف اتعامل مع شخصيه مثل هذا :

السهر اليومي الى وجه الفجر والسفر للخارج عالأقل مرتين في السنه .

الانتقال او لا .

إدمانه على الصور والافلام الخليعه .

تبذيره على نفسه وعلى الناس وبخله معاي انا وعيالي .

عدم احترامه وتقديره لي .

وتسكير تلفونه برقم سري .. لاني واثقه انه يكلم بنات .

والكذب والجفاف معانا في التعامل حتى مع عياله اللي مايشوفونه احيانا بالأيام .




لاتبخلون علي يابنات بالرد ..


وخصوصاً الدكتوره ناعمه لاني بعتبرها ضيافتكم لي في اول زياره لموقعكم ..



واللي اكيد مابتكون الأخيره اذا اراد الله واحيانا ..

علماً اني داخله الانترنت الحين من عند صديقتي .. وهي بتنقلي ردودكم لي وردي عليكم ..

وبشوفه انا اذا جيت عندها ان شاالله لان بيتي قريب عليها والحمدلله هي من الناس المسموح لي ازورهم ..
 
معلومات سهر الليالي
إنضم
30 أكتوبر 2006
المشاركات
1,149
مستوى التفاعل
0
النقاط
0
الإقامة
الامارات
الله يعينج الغالية ويفرج همج.....

بصراحة ما ادري شو اقولج ذكرتيني بحياتي قبل لكن اقولج اتبعي معاه نظرية العين باالعين والسن بالسن والبادي اظلم....بتقوليلي كيف... اولا ابدي معاه النقاش الجاد شوي الي ما فيه حرام كسر خاطري صحيح هو بوعيالج بس انتي تبيله الخير لا طوفين شي الا اذا عرفتي السبب يعني صارت من بينكم مشكلة وتصالحتو لازم تقعدين وياه وتحطين النقط على الحروف لازم تتفاهمين على كل شي اذا خلاج وراح لا تروحين وراه خليه يفهم انج لج مطالب لازم تتنفذ الي هي التفاهم .....وبعدين غيري اسلوبج معاه لا تحاتينه هو مب ياهل وحطي في بالج هو يحاتيني مثل ما احاتيه طبعا لا....واكيد وعن خبرة زواج دامت عشر سنوات وبعديني احس اني ما اكتسبت خبرة اكيد هو مب عايبنه الضعف الي انته فيه خليج قوية يعني صارحيه اذا استمر على جذيه يفتح الله بخليلك البيت والعيال انته جابلهم واعتني فيهم انا ما قصرت ادري انه قلبج بيعورج بس استحملي خليه يعرف اذا كانت غايبة عنه انه ها العيال عياله بعد وملزوم فيهم وهو يحب يمثل دور القوي وانتو الضعاف حتى مع ربعه يحب يصرف عليهم عشان يشبع ها الشي الي فيه يعني القوة...لا تكونين اسيرة ريلج حبيه كثر ما تبين بس لا تعشقينه عشان ما يكبر راسه وروحي واجتمعي مع الناس فهميه ها الشي انتي وحدة من الناس...صدقيني الغالية راح زمن سي السيد....

وسامحيني....
:msn-wink:
 

نسائيات

New member
معلومات نسائيات
إنضم
3 يوليو 2006
المشاركات
1,076
مستوى التفاعل
0
النقاط
0
رد : اقروا قصة حياتي

اختي لماذا السلية اللي انتي فيها
ريلج يوم قال لج اذا زعلتي ما بردك هذا كلام ربعه ونصايحهم له عشان يقتلج من الو ليله
اختي طالبي بفلتج بدون تراجع ولا تتنازلين عنها ديونه ممكن ياجر الفله الثانيه بس فلتج لا فلتين باجرهم عشان ديونه وانتي وين حقوقج اختي لا تلومين ريلج لي ركب فيوق راسج انتي اللي ركبتيه
تنتظرينه لحد الفجر لحد الصبح هذا الاخ عايش حياته
لازم تادبينه عدل
اختي اطرديه من البيت نعم وقول له انا مليت اقعدي معاه قعدة مصارحه وقول له تضربني بشتكي عليك وبطلب الطلاق
وسهرك مو عاجبني ابدئي معاه شوي شوي
اول شيء ابدئي معاه بالصرف والسهر
قول له بروح وبطلب الطلاق وباخذ الفله وبسكن فيها وانت ساعتها غصبن عنك راح تفرشها لي وتسكني و تصرف علي وعلى عيالي عندي خمسة اطفال
يعني نص راتبك
اريد حقي طالبي بحقوقك فان لم تطالبي بحقوقك فلن يطالب بها احد غيرك
غيري حياتك واخرجي من سلبيتك
لا تعطيه فلس حمر ما يستاهل
 

قلم رصاص

New member
معلومات قلم رصاص
إنضم
15 نوفمبر 2006
المشاركات
32
مستوى التفاعل
0
النقاط
0
رد: رد : اقروا قصة حياتي

حكاوينا قال:
اختي لماذا السلية اللي انتي فيها
ريلج يوم قال لج اذا زعلتي ما بردك هذا كلام ربعه ونصايحهم له عشان يقتلج من الو ليله
اختي طالبي بفلتج بدون تراجع ولا تتنازلين عنها ديونه ممكن ياجر الفله الثانيه بس فلتج لا فلتين باجرهم عشان ديونه وانتي وين حقوقج اختي لا تلومين ريلج لي ركب فيوق راسج انتي اللي ركبتيه
تنتظرينه لحد الفجر لحد الصبح هذا الاخ عايش حياته
لازم تادبينه عدل
اختي اطرديه من البيت نعم وقول له انا مليت اقعدي معاه قعدة مصارحه وقول له تضربني بشتكي عليك وبطلب الطلاق
وسهرك مو عاجبني ابدئي معاه شوي شوي
اول شيء ابدئي معاه بالصرف والسهر
قول له بروح وبطلب الطلاق وباخذ الفله وبسكن فيها وانت ساعتها غصبن عنك راح تفرشها لي وتسكني و تصرف علي وعلى عيالي عندي خمسة اطفال
يعني نص راتبك
اريد حقي طالبي بحقوقك فان لم تطالبي بحقوقك فلن يطالب بها احد غيرك
غيري حياتك واخرجي من سلبيتك
لا تعطيه فلس حمر ما يستاهل

:c011:
صح لسانج اختي ,,

اسمعي كلامها هذيله الرجال ما يجون بالطيب انتهى الزمن الى المرأه توقف مع زوجها وتحن عليه وهو يشلها هذا الجميل فوق راسه الحين يردون عليج ويقولون محد طقج على ايدج عشان تساعديني..:eek:
 
معلومات الشمس الساطعه
إنضم
1 أبريل 2007
المشاركات
1
مستوى التفاعل
0
النقاط
0
العمر
53
الإقامة
qatar
بسم الله الرحمن الرحيم
عزيزتي الغاليه .... تحياتي وامنياتي لك بالتوفيق والحياة الأسريه المستقره ... بالمناسبه زوجك لديه إضطراب في الشخصيه وهذا إستخلاص من خلال كلامك عنه منذ اليوم الأول لزواجك منه ......
عزيزتي الأصل في الزواج فهم المعنى من الآيه الكريمه قال تعالى :
( وخلقنا لكم من أنفسكم أزواجا لتسكنوا إليها وجعلنا بينكم مودة ورحمه ... ) إذا لم تتوفر هذه المقومات الأساسيه إنتفى المعنى للحياة الزوجيه ... ليس مهما إذا لم يحب زوجك نفسه ؟؟؟؟
ولكن الأهم أن تحبي نفسك وتسعديها من خلال سعيك في توفير السعاده لأفراد أسرتك وتوفير الجو الأسري الصحي لك ولهم ... تقربي من أفراد أسرتك ( زوجك أبنك الأول ، أبنائك واحد واحد ) إشغلي نفسك بتطوير نفسك وتطوير لغة الإتصال والحوار مع اسرتك ، إبحثي عن المفقود في علاقتك مع زوجك وطوريه ، جددي وجملي طرق علاقتك مع زوجك .
الحياة الزوجيه مثل الحديقه إهتمي بها تزدهر وتنمو بصحه تسعد النظر والقلب ..........

أتمنى لك من قلبي السعاده والعافيه في جميع جوانب حياتك
د. الشمس الساطعه
 

lioness

أميرة
معلومات lioness
إنضم
10 مارس 2007
المشاركات
302
مستوى التفاعل
0
النقاط
0
الإقامة
Jordan
الموقع الالكتروني
www.blqees.com
عزيزتي نصيحة اقرأي رد حكاوينا مو مرة مية ملون مرة
ترى كل النصائح والحلول في ردها وخير الكلام ما قل ودل

حطي حد لزوجك منذ اليوم ولا تتهاوني ابدا وال ستكتشفين ما هو ادهى وامر
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه