مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

اقتراح لـ أ. ناعمه ...وبالنهاية وجهة نظرررر

هل تعتقدين بتاثير المسلسلات في النفوس؟ وهل مسلسل ناعمه سيغير شيئا ؟

  • نعم

    الأصوات: 4 80.0%
  • لا

    الأصوات: 1 20.0%

  • مجموع المصوتين
    5
  • الاستطلاع مغلق .

سـلـمـى

New member
إنضم
20 يونيو 2008
المشاركات
10
السلام عليكم

خواتي انا وحده ما احب اكتب مواضيع وايد
واذا كتبت فأنا اكتب اللي يخطر ببالي
وانا اتصفح المنتدى عرفتكم وعرفت ا. ناعمه ...وعرفت اشياء وايد مشكورين
بالرغم اني مو مسجله باي دورات بس استفدت وِايد
وانا سمعت ان ناعمه بتنزل كتاب كلنا ننتظره بفارغ الصبر
وانا قريت اكثر من مره ناعمه تقول ودي اوصل لكل النساااء
عشان جذيه سوت منتدى ودخلت عالم النت
الكلمه هذي قعدت ترن باذني وقت طويل وقعدت افكر شلون توصل لكل النساء
انا فاهمه عليها لأني مثلها احب اكون فاعله في المجتمع واحب اوصل للجميع
مع اختلاف القدرات طبعا ماشاءالله عليها
المهم حبيباتي ابي رايكم في كلامي شنو الشي اللي يدخل ببيتنا رضينا ام ابينا
ويعلم اعيالنا وبناتنا سواء رضينا ام لا ..شنو الشي اللي احنا من دون وعي تربينا عليه
وصرنا ناخذ بعض التصرفات منه ...اكيد هو التلفزيون ..ومو اي شي فيه ..كلنا من صغرنا
كنا نتابع مسلسلات صح يا بنات ..وكنا نشوف المره اذا زعلت اخذت اهدومها وحطتها بشنتطها
وراحت بيت اهلها ..مشهد تكرر الالاف المرات لين صار بعقلنا الباطن ولما كبرنا وتزوجنا
شي طبيعي اذا زعلنا قلنا نبي نروح بيت اهلنا حتى على اتفه شي !!!
كم مشهد شفنا فيه المره اللي تضحي وتبكي وحالتها حاله ..فتبرمجنا على هذا المنوال
واحنا بسن المراهقه كم مره نحاول نشوف البطله شنو تقول حق الحبيب بالاخير تطلع تتشره عليه!! كله كلام فاضي
وغلط في غلط ..لا هو على اسس ولا شي باختصاااار احنا من صغرنا متبرمجين على اتخاذ
المواقف السلبيه ..لأننا شفناها بالمسلسلات !! وكلهم نفس الطقه !!!
اعتقد فهمتوا شنو قصدي ..تخيلو معاي ماذا لووو ؟
ماذا لو ناعمه كتبت مسلسل مدروس لا يركز على الشخصيات السلبيه بل يكون فيه ازواج تحصل
بينهم مواقف وتكون المرأه فيها تصرفها حكيم ..طبعا اكيد لازم تحط بالمسلسل شخصيات
سئيه بس ما تكون محوريه عشان ما يقلدونها عيالنا وبناتنا لأن طبع الصغار يتعاطفون مع البطل ويقلدونه
بالعكس تخلي البطله حكيمه وتتصرف صح
وعشان احنا نقرى اللي بين السطور ونفهم ..وحتى شلون تكلم زوجها بجميع المواقف وشلون تتصرف
وشنو اتقول له ...ترى فيه حريم وايد اسلوبهم دفاشه والسبب المسلسلات لأن ماكو غزل ماكو ذرابه
كله ويه اشدعوووه كلفت على عمرك !!! ههههههههه
بس تدرون منو بيستفيد الاستفاااااااده الكبرى ..بناتنا بجميع اعمااااااارهم
راح يتسفيدون وراح تنغرس فيهم هالشغله تخيلوا مدى تاثير الاعلام فينا
بنات لحد ينكر ...حتى لو تقولين انا ما اتاثر ..صدقيني عقلج الباطن يخزنها
خصوصا لو كنتي بعمر صغيرررر
ليش اقول لكم مسلسلات لأن احنا لللأسف مجتمعات ام الابو اذا يتهاوشون عاد قدام العيال
واذا فيه غزل وكلام حلو ...ينخشووون ..يعني الولد يكبر واهو معتقد ان الحياه كله هم وغم
ولما يشوف المسللات السلبيه يروح يستقي منها افكاره ..المشكله انها غلط في غلط

بنات ما زهقتووووا من كتابه المسلسلات العشوائيه !!! كل واحد يحط له كم شخصيه على كم مصيبه على كم بنت حلوه
ويكون المكان فيلا فخمه وصااااااااار مسلسل !!!!

انا اقول ان ناعمه قادره على كتابه مسلسلات وليس مسلسل واحد وذلك لخبرتها ولكثرة المواضيع التي بجعبتها

صراحه اهو مو اقتراح ولا طلب اهو حلم ...لو يتحقق بيعوود بالفايده الكبيره للجميع

فيه استفتاء انتم مؤدين لكلامي نعم او لا ؟

بصراحه ودي استاذتنا تجي تعلق مو شرط تقول ايه او لا بس مجرد تعليق على الموضوع

تحياتي لكم جميعاااااااااا يا حلووووووين :cupidarrow:
 
التعديل الأخير:
إنضم
28 سبتمبر 2007
المشاركات
508
بتكون فيه فايده صح
بس وزر الممثلات والممثلين وكل شخص يطالعه بيكون عليها ايضا
الموضوع له جانبين
احدهم ايجابي واحدهم سئ


اقتراح اضخم او حلم اضخم

قناه تلفزيزنيه او اذاعيه خاصة بناعمتنا
فيها برامج ونصائح وتذكير بواجبات المراءه المسلمه لنفسها واسرتها
والله يوفق الجميع
 
أعلى