السلام عليكم و رحمة الله و بركاته
اول شي احب اشكركم عل هل منتدى الراقي جداً
كنت حابه اشترك من فتره طويله بس كنت مستحيه لاني كنت عزبه
و من ٦ شهور انخطبت و جا الدافع اني اشترك بس بعد ما اشتركت بسبب خجلي
من كم من يوم اشتركت و قررت اليوم اني اتكلم عن موضوع شاغل بالي الفتره الاخيره...
انا انتمي لعائله محافظه ولله الحمد.. و مثل ما قلت رمضان الي طاف الله اكرمني با ابن الحلال الي اتقدملي
بعدها بكم من شهر اهلي سمحولي اني اتكلم معاه في التلفون بحكم الموافقه... و على اساس ان نتعرف على بعض الين ما اتخرج من الجامعه في الشهر القادم باذن الله و بعدها كتب الكتاب و الزواج ....
اول ما بديت اتكلم مع خطيبي حسيت فعلاً انه مبهور فيني وان عن جد يحبني اهتمامه فيني جدا اعجبني ... و الوالده كانت اتردد على مسامعي ...
" انا ماهو بعاجبني الاتصالات هادي ولكن مجبراً اخاك لا بطل" في الطلعه و النازله اتقول هدا الكلام ....
والسبب الي يجعلها تسمحلي بان اتهاتف معاه هو ان الزمن تغير وهي ما تبغاني اتورط بعد كتب الكتاب تبغاني اكون على علم من هو ذا الرجال قبل ما احلله و بعدين لا سمح الله يحصل طلاق...
وانا من ناحيتي استحي منه كثير و في تعاملي معاه كثير من الدفاشه و ارد و اعتذر منه قبل ما اسكر عنه لين ما الحمدلله صار هو يقولي اني صرت غير...
بس هو يطالبني ان اتكلم معه في الليل وانا اتهرب اتحجج باني ابغا انام او اني مشغوله او اني اتصنع الزعل علشان ما اكلمه
و مره من المرات ارسلي رساله الصبح و انا كنت عند الوالده و اختي و قلت لاختي ان خطيبي زعلان مني لاني ما كلمته بالليل ... اختي قالتلي عيب انك تكلميه بليل ماهو بحلالك
بس امي خافت علي و قالت كلميه بالليل احسن من ما يكلم غيرك... انا امي ما اقنعتني الصراحه بكلمها لانها في البدايه ما كانت مرتاحه... و السوال الي محيرني... شو الي قلب الموازين عندها ....
بعدها بفتره قررت اني اتكلم معاه بالليل لان اهله كانوا عنده ... و شوي راح لغرفته و قام يتكلم عادي ... بس حسيت ان مال في كلامه شوي للغزل و سالني اساله عن جسمي...
و رفضت اجاوب بس قال انو يبغا يعرف شي من ورا هل سؤال و جاوبته ولما سالته شو الي كنت تبغا تعرفه اجابني بشي يخص اعضائي التناسليه.. جداً اتضايقة و جداً انحرجت...
انا ولله الحمد عندي ما يكفيني من ثقافه في الامور الجنسيه... وما عندي الجراه اني اتكلم مع احد في مثل هل امور الا مع اقرب الناس لي الي هي صديقتي...
ومن يومين في احد البرامج ( ما اعرف اذا مسموح اجيب اسم البرنامج) كانو يتحدثون عن العلاقة الجنسيه بين الازواج و ليلة الدخله (كيف انها ليله مصيريه) ... وكانوا يشجعون ان يكون في كلام من هدا النوع بين الازواج قبل الزواج لغرض المعرفه...
انتوا ادري بمجتمعنا ... اخاف اسمحله انه يتكلم يشك فيني و اخاف ما اسمحله يقول عني معقده و بارده... شو رايكم ؟ مع العلم اني جداً خجوله لدرجه ان ممكن خجلي ينقلب لدفاشه
اشكركم و اسال الله لي و لكم الصحه و العافيه
اول شي احب اشكركم عل هل منتدى الراقي جداً
كنت حابه اشترك من فتره طويله بس كنت مستحيه لاني كنت عزبه
و من ٦ شهور انخطبت و جا الدافع اني اشترك بس بعد ما اشتركت بسبب خجلي
من كم من يوم اشتركت و قررت اليوم اني اتكلم عن موضوع شاغل بالي الفتره الاخيره...
انا انتمي لعائله محافظه ولله الحمد.. و مثل ما قلت رمضان الي طاف الله اكرمني با ابن الحلال الي اتقدملي
بعدها بكم من شهر اهلي سمحولي اني اتكلم معاه في التلفون بحكم الموافقه... و على اساس ان نتعرف على بعض الين ما اتخرج من الجامعه في الشهر القادم باذن الله و بعدها كتب الكتاب و الزواج ....
اول ما بديت اتكلم مع خطيبي حسيت فعلاً انه مبهور فيني وان عن جد يحبني اهتمامه فيني جدا اعجبني ... و الوالده كانت اتردد على مسامعي ...
" انا ماهو بعاجبني الاتصالات هادي ولكن مجبراً اخاك لا بطل" في الطلعه و النازله اتقول هدا الكلام ....
والسبب الي يجعلها تسمحلي بان اتهاتف معاه هو ان الزمن تغير وهي ما تبغاني اتورط بعد كتب الكتاب تبغاني اكون على علم من هو ذا الرجال قبل ما احلله و بعدين لا سمح الله يحصل طلاق...
وانا من ناحيتي استحي منه كثير و في تعاملي معاه كثير من الدفاشه و ارد و اعتذر منه قبل ما اسكر عنه لين ما الحمدلله صار هو يقولي اني صرت غير...
بس هو يطالبني ان اتكلم معه في الليل وانا اتهرب اتحجج باني ابغا انام او اني مشغوله او اني اتصنع الزعل علشان ما اكلمه
و مره من المرات ارسلي رساله الصبح و انا كنت عند الوالده و اختي و قلت لاختي ان خطيبي زعلان مني لاني ما كلمته بالليل ... اختي قالتلي عيب انك تكلميه بليل ماهو بحلالك
بس امي خافت علي و قالت كلميه بالليل احسن من ما يكلم غيرك... انا امي ما اقنعتني الصراحه بكلمها لانها في البدايه ما كانت مرتاحه... و السوال الي محيرني... شو الي قلب الموازين عندها ....
بعدها بفتره قررت اني اتكلم معاه بالليل لان اهله كانوا عنده ... و شوي راح لغرفته و قام يتكلم عادي ... بس حسيت ان مال في كلامه شوي للغزل و سالني اساله عن جسمي...
و رفضت اجاوب بس قال انو يبغا يعرف شي من ورا هل سؤال و جاوبته ولما سالته شو الي كنت تبغا تعرفه اجابني بشي يخص اعضائي التناسليه.. جداً اتضايقة و جداً انحرجت...
انا ولله الحمد عندي ما يكفيني من ثقافه في الامور الجنسيه... وما عندي الجراه اني اتكلم مع احد في مثل هل امور الا مع اقرب الناس لي الي هي صديقتي...
ومن يومين في احد البرامج ( ما اعرف اذا مسموح اجيب اسم البرنامج) كانو يتحدثون عن العلاقة الجنسيه بين الازواج و ليلة الدخله (كيف انها ليله مصيريه) ... وكانوا يشجعون ان يكون في كلام من هدا النوع بين الازواج قبل الزواج لغرض المعرفه...
انتوا ادري بمجتمعنا ... اخاف اسمحله انه يتكلم يشك فيني و اخاف ما اسمحله يقول عني معقده و بارده... شو رايكم ؟ مع العلم اني جداً خجوله لدرجه ان ممكن خجلي ينقلب لدفاشه
اشكركم و اسال الله لي و لكم الصحه و العافيه
