افيدوني يابلقيسات الحلوات

[eyes only]

:24:السلام عليكم خواتي الحوامل والغير حوامل
ممكن تساعدوني؟؟؟؟؟؟؟؟
انا فالشهر السابع ولمن رحت للدكتورة للفحص خبرتني انه البيبي راسه لفوق واني محتاجه امشي واكثر من السجود والركوع بس انا خايفة انه ماينزل راسة وتتعسر ولادتي ابي منكم تخبروني شو الأدعية والأيات عشان يتسهل البيبي وينزل راسه واذا فيه طرق ثانيه تخلي البيبي ينزل راسه
بالله لا تخذلوني اتمنى تساعدوني
مشكورات وادعولي بالسهاله:8:

 

[أم حنونه]

هلا عزيزتي
لا تخافين ان شاء الله رح ينزل الطفل
انتي ما عليكي الا انج تكثريني بالمشي وحاولي تستخدمين الدرج تصعدين وتنزلين ع كثر ما تقدرين

 

[روح علاوي]

لا تخاااااااااااااااااااااافين

انا يوم كنت في السابع كان فووووووووق


اول ثامن نزل الراس تحت وكنت خايفة نفسج بس الحمدلله نزل تحت


نصييييحة لا تخاافين والله

 

[حبة فريز]

حبيبتي حالة كثيرة وسهلة وتتيسر بفضل رب العالمين..أعرف وحدة من كثر ماتمشي وتطلع الدرج راس البيبي قالب تحت من السادس...امشي كثير بس لاتجهدين نفسك

 

[سمسم وسماسم]

اكثري من السجود والمشي
وعليك بالدعاء وربي يسهل امرك

 

[eyes only]

مشكورات خواتي الي ردوا علي
مشكلتي انه ماقدر اركب الدرج وايد لأن عندي آلالام مزمنه فالظهر بس احاول قدر الأمكان اني امشي حتى فالدوام
تسلموا:32:

 

[حبة فريز]

طيب اسبحي مررة ممتاز هالشي لأنك ماتحسين بوزنك بالموية وماتتعبين كثير وفنفس الوقت ممكن البيبي يقلب