افيدوني بليييزززززززززز

[اميره زوجها]

السلام عليكم ابي اتخبركن يابنات بلقيس شو اتهدون ازواجكم في المناسبات او بدون مناسبه
انا ابي اهدي زوجي بس ماعرفت غير العطر والقلم والتليفون والساعه والنظاره ابي شي مميز يذكرني كل ساعه:dunno:

 

[برلنت]

باقة ورد صناعية جميلة جدا صغيرة الحجم خلي يضعها على مكتبة في الدوام عشان اتكون دايما امام عينيه وكل ما يطالعها يذكرك

اتمنى اني اكون افتدك

 

[عذبة المبسم]

امممممممممممممممم..


ممكن محفظة منقوش عليها اسمه..
كوب للقهوة..أو مخدة.. مطبوع عليها صورة تجمعكم..
طقم جلدي للأدوات المكتبية..
ساعة مكتب مميزة..
برواز ديجيتال (من كوداك أو غيره)..لعرض صوركم بشكل دائم..

وفي حال كانت المناسبة جدا مميزة..
اختاري شيئاً الكترونياً..
مثلا كاميرا..
دي في دي..
لاب توب..

هذا مايحضرني..
فأنا أيضاً بصدد البحث عن هدية لعيد زواجنا..

 

[ريوونه]

تفصلين له دشدااااشه بلون حلووو وصيفي ...

 

[روتينْ]

مسائكِ / صباحكِ رضا ​

اختي اميره :blushing:​

ممكن تهدين له ميدليه المفاتيح مع مسبحه فخمه​

عود ومسك ​

والعود هديه روعه ​

وبالتوفيق :in_love:​

 

[اميره زوجها]

شكرا بس بعد مش هوه الي في بالي

 

[شهناز]

حبيبتي شوفي الهواية اللي يحبها واختاري هدية تناسب هوايته راح تفرحه الهدية اكثر من العطر والقلم
والهدايا التقليدية المملة
يعني انا جربت العطور والعود والاقلام والنعل الكشخة وانت بكرامة
ماونستة الا الهدايا اللي تفيدة بهواياته
اذا حابة تقولين شنهي هواية زوجج علشان اقترح عليج واشاركج الافكار وطريقة الاهداء​

 

[هواها شرقي]

انا مره من المرات كتبت عنه ابيات من الشعر وكتبته على درع حلو واشتريت معاه ساعه واهديته واااااااااي انهبل على الابيات وما أهتم بالساعه قالى اتصدقي كل الهدايا اللي غمرتيني فيها طول زواجنا هذي عندي احلاهم .
وفي فكره ثانيه ان شاء الله ابغى اسويها ..ابغى اسويله شريط كاسيت يعني زي الزفه اللي بالاعراس اول ما يدخل علي اشغل الشريط..بس طبعا يكون الكلام عنه وعن صفاته وتذكرين اسمه بعد...
وفي فكره ثالثه .. تجيبي مزهريه زجاجيه كبيره وساده مافيها رسومات يعني شفافه وتكتبي على الزجاج نفسه كلام حلو عنه .وتحطي داخل الزجاج ورود او اوراق ملونه وفوقها يكون معاها هديه بسيطه عطر .قلم ..ساعه..
اتمنى تعجبك الافكار والهدايا هذي ... واذا عجبتك ادعيليلي ربي يشفيلي ولدي ...تمنياتي لك بكل السعاده والهناء