افيدوني افادكم الله انا امام تحديات مصيريه

[ضد التيار]

خير ما ابدأ فيه السلام والصلاة على النبي وسلم تسليما،انا زوجة ثانيه مثل ما بعضكم عارفين تورطت مع عايله ظروفها مشربكه الاب ضعيف امام اطفاله وزوجته قاسية القلب وعصبيه وانا حامل وحاليا اشعر بالطلق ،اخاف ربي وقدمت تنازلات كبيرة من اجل سير المركب واكتفيت فقط بالمبيت الى ان يييكون بينا اطفال لكن مو نافع زوجته كل مالها تطمع ا تبيه حتى ما يقضيلي مشاويري ولا اسافر معه ،وتشغله باولاده وهو يلهث وراء سراب اسمه رضاها واستقرار اسرته ، يشكيلي منها يقول ان نقطة ضعفه اولاده وليس امامه حل اخر يخاف على نفسية اولاده عندما تصيح او تحرشهم على الرغم انها ماخذه حقها وحقي وانا محتاره هل انسحب من حياة زوجي وارتاح و اريح لانها ماراح تتغير او اصبر واجيب اطفال لعل الكفتين تتساوى،علما ان زوجي عصبي ولمايصير مطالبه مني يقول انه ليس بحاجه الى مشاكل اخرى واطلبي الطلاق و انه عاجز عن المجنونه اللي عنده عشان اطلعله انا،بس هو يحاول انه يرضيني ومو قادر،انا امام تحديات ، ابي منكم يا بلقيسيات توضحولي الصوره وتقولولي استقراءاتكم حول المستقبل ا للي هو بيد رب العالمين وتفيدوني من تجاربكم ،الله العالم بحالي ادعولي واشيروا علي عندي طفلين من زواج سابق كان ناجح بس الله ما اراد استمراره وهم بحضانتي وبمرحلة الطفوله المتاخره

 

[الشتاء الدافئ]

انا من رأيي اصبري اذا كان زوجك محترم معك ومايجرحك ..وبعدين هانت هذا انتي بتولدين وتجيبين له طفل بيعامله زي اولادها وبتتساوى الكفتين ان شاء الله واحمدي ربك ان عيالك في حضانتك وكثري لهم الاخوان والخوات وعيشي حياتك لنفسك ..ومن قال ان الازواج ينفعون ماينفعك الا صحتك وعيالك بعد الله ...انصحك نصيحة اخت اذا زوجك يعاملك ويعامل اولادك زين لاتفرطين فيه ..امسك مجنونك لايجيك اجن منه..وبعد ماتولدين ابدي طالبيه بحقوقك لكن باسلوب وعليك بالدعاء وكيد النساء ...خلي بيتك الملجأ له من المشاكل والهموم ...والله يسخره لك ويصبرك..