افيدوني؟؟؟ جزاكم الله خير

[كاكاواا]

السلام عليكم ورحمة الله وبركاته
عندي استشارة ابي اعرف شو الحق القانوني؟؟
زوجي مطلق وعنده اربع ابناء من زوجته (3 بنات وولد) اليوم عرف زوجي ان طليقته تييب مدرس خصوصي لبنتها (9 سنوات) وولدها (7 سنوات) وزوجي عصب وما رضى ان ريال غريب يدخل بيت المحضونين وفي بنات وطبعا الطليقه تداوم فترتين الصباحية والمسائية مع العلم ان المدرس يكون في البيت فترة عدم وجود الأم بس الخادمة والعيال..
هل زوجي يقدر يتخذ اجراء قانوني ضدها؟؟؟ ابي ردكم بسرعه؟؟
جزاكم الله خير​

 

[chocolah]

حبيبتي تقدرين ادقين عالمحكمة وتسالين
او تاخذين ارقام محاميين وتسالين وتتاكدين من الجواب
وبالتوفيق الغالية

 

[عاشقة رومانسيات]

اختي يقدر زوجك يثبت حالة خلوة غير شرعية بالنسبة للبنت وبهالحالة القاضي يعطية حق الحضانة بدل الام

 

[AL-SHEIKA]

ليش هالمشاكل قضايا عسب دخول مدرس

والتربيه على الاثنين سواء كانوا مطلقين او مع بعض

شو عنده ريلج خله يجابل اعياله وله الى يطلق ما له مسؤوليه على اعياله

اذا مب راضي خله يرتب الموضوع مع المدرس ويقعد هو مع اليهال فتره الدراسه

والمدرس ماراح ياخذه كل الوقت اكثر شي 3 ساعات

 

[AL-SHEIKA]

اختي يقدر زوجك يثبت حالة خلوة غير شرعية بالنسبة للبنت وبهالحالة القاضي يعطية حق الحضانة بدل الام

شو هذا حسبي الله ونعم الوكيل

يتهمهااا حرام عليج خلوه شرعيه ليش قاعده مع المدرس على ضوء الشموع قاعده هي والعيال

اذا الريال مب راضي يتحمل جزء من المسؤوليه الحرمه شو ذنبها وله يخاف الحرمه الثانيه تغااار

لا تكون سبب في حرام الام من العيال مب كل زوجه ثانيه تقدر تربي ابناء زوجهاا

( لاتزعلين اختى صاحبة الموضوع بس كلامي بصوره عاااامه وما اعنيج بهالموضوع )

 

[احلى من العقد]

بسيطه حبيبتي
خل ياخذ العيال فترة بعد الضهر ويجيب لهم المدرس في بيته
ومكان سكنه
ويرجعهم على الساعه الثامنه
حرااااااام تحرمون ام من عيالها
خل يخاف الله في اللي يبي يسويه
ولا يحاسب الطليقه ومايحاسب اهماله وعدم جلوسه معهم الا في الاسبوع مره هذا اذا مر عليهم بعد زين

 

[كاكاواا]

زوجي ما يبي ياخذ العيال من امهم ولا يفكر بهالشي أبدا،،، يعرف انها تحبهم بس هو خايف على بناته وهو ما عنده مشكله ييلس مع عياله بس هي ما تبيه يشوفهم الا الأربعاء وما ترضى بأي حل أبدا بس تعانده... وبعدين زوجي ما طلقها هي اللي طلبت الطلاق من المحكمة يعني زوجي ما كان عنده مشكلة انها تتم في ذمته هي اللي ما فكرت في عيالها فكرت بعمرها بس وع فكرة قضيتهم في المحكمة قبل لا يفكر انه يتزوج اساسا يعني زواجه مب سبب طلبها الطلاق..​