ماشاء الله البنات قالوا اغلب الافكار
بس انا بالنسبة لي ما احب اروح مكان يقيد لبسي ابداااا
مستحيل اسجل في نادي اذا كان فيه قوانين باللبس ,, لاني اعتبر هذا شي شخصي جداا وما احب احد يتحكم في لبسي 
ببساطة لا تكثري من الممنوعات اتركي الحرية للمشتركات لانه كبار ومو حلوة يتعاملوا زي الاطفال وتكثر الممنوعات عليهم .... هذا اولا
ثاني شي .. انا سجلت بنادي هنا في بريطانيا وعجبني نظامهم كثير
اول ما تسجل المشتركة يعطونها 3 كتب موضوعه بملف بطريقة حلوة ,, داخل شنطة رياضية ومنشفة عليها شعار النادي ..
الكتب عبارة عن : كتاب يحتوي على وصفات اكل صحي
وكتاب يحتوي على صور لتمارين تسويها الوحدة في البيت بعد ما تخلص من النادي
والكتاب الثالث وهو الاهم : عبارة عن ملف للعضوة ,, اول ما تدخل النادي تجلس معاها المدربة وتسألها اسئلة تسجلها في هذا الكتاب وتاخذ وزنها وطولها ومقاستها ( الخصر والصدر ... ) وتسجل كل شي
الاسئلة عبارة عن : ما هو هدفك اولا من التسجيل : خسارة وزن ؟ رسم الجسم ؟ شد الجسم ؟ اي منطقة تبين تركزين عليها اكثر ؟ يعني هذا النوع من الاسئلة وبناء عليه توجهها للتمارين والاجهزة اللي لازم تستخدمها عشان تحقق هدفها . وكم مدة اشتراكها عشان تحط لها البرنامج المناسب للمدة
وطبعا كل البيانات تتسجل في الكمبيوتر لكل عضوة .. عشان يكون فيه نسخة في النادي في حالة ضياع الدفتر مثلا
طريقتهم هي 3 جلسات مع المدربة ضمن مبلغ الاشتراك: الجلسة الاولى تاخذ المقاسات والبيانات
الجلسة الثانية توريها اش الاجهزة اللي لازم تلعب عليها والتمارين اللي تسويها وكم لازم تلعب في كل جهاز وكذا
والجلسة الثالثة تتابع معاها التمارين وتشوف اذا المتدربة تحتاج مساعدة في شي
بعدها اذا تبي تجلس مع المدربة تدفع شي بسيط
بعدها فترة ترجع المدربة تاخذ البيانات مرة ثانية وتسجلها عشان تشوف كيف ماشية العضوة نحو هدفها
فكرة الكوفي حلوة ,, لانه مكان حلو لجمعة الصديقات ,, يعني ممكن يجون بنات للكوفي بس حتى لو ما كانوا مشتركين في النادي ,, وبكذا تكسبي زباين ثانين .. لكن خلي الكوفي منفصل عن النادي , على اساس محد يدخل مكان الاجهزة والتمارين غير العضوات ,
امنعي دخول الاطفال في اي مكان غير الحضانة عشان ما يصير حوسة وازعاج
ان شاء الله تكون عجبتك الفكرة
