اعراضي واهل ريلي

[aso0ola]

السلام عليكم

انا مشكلتى بسيطة بس وايد اتنرفز واتضايق منها

انا اهلى ساكنين فبوظبي واهل ريلي ف دبي
لما اروح بوظبي اتم اسبوع ولما ارد دبي عند اهل زوجي
القاهم منبشين باغراضي وشالين بعض من اغراضي لهم
بدون استئذان (عمتى وبناتها)
تعبت وكل مرة اشكي لريلي ومايصدقنى يقول لا خواتى وامى مايسون جذي عيب عليج
ويصر اني اخلى المفتاح مال بيتنا عند امه

وهالمرة لما رجعت لقيتهم فاتحين كرتون اكوابي وشالين كوب واحد وشالين علب الحلويات والتيشو

شسوي؟
انا فكرت اخبر ريلي واوريه الاكواب او انه يروح ويكلمهم؟
بس هو حاليا نايم بنتظر للصبح اكلمه

مع انهم طيبين وايد ومحترمين وخلوقين
بس عيبهم الوحيد اغراضي

وانا ماحب حد يشيل اشيائي

شووووووو الحل دخيلكم؟

 

[red-rose 1]

صباح الخير اختي

انا برأيي تتكلمي مع( بنات حماتك ) بنات عمك وتقوليلهم اي شي تبغونه من غرفتي اعطيكم ياه من عيوني بس لا تاخدون شي من وراي ...كذا يتفشلون .....
واذا كبروا السالفه اعملي نسختين من المفتاح وخلي معك واحد ومع زوجك واحد وماله داعي تخليه عن حماتك
ولا تكدرين صفو زوجك لان ما راح يعمل شي ولا يتكلم مع امه بهالموضوع

 

[aso0ola]

صباح الورد اختى

المشكله انى خجوووووووووووله جدا اكلمهم
بس مرة طرشت لهم مسجات بس ماكو فايده

وزوجي فديته صح ماقدر اعكر مزاجه مهما تكون هاى امه

 

[حور الكويت]

كلميها باسلوب حلو قوليلها عميمه حبيبتي انا لقيت اغراضي ناقصه مادري بس بسألج انتوا ماخذينها والا اخاف الخدامه داخله شقتي واخذت شي منها انا بس حبيت اتاكد واذا الاغراض عندج فداج عندج ولا عند غيرج. واذا قالت انا اخذتهم قولي عميمه عاجبينج ؟ اجل مره ثانيه اذا اشتريت لنفسي شي بجيب لج مثله .صدقيني بتستحي وماراح تعود تاخذ شي منج .وخلي اسلوبج حلو مو اسلوب تحقيق منها توصلين المعلومه بسهوله وبترتاحين وخلي الكلام قدام زوجج

 

[red-rose 1]

نصيحه اختي عشان تريحين بالك وبالك زوجك وما تكدري خاطرك
اتكلمي مع البنات مو مع الام
وفي طريفه تانيه لما تكونون تسولفون وكلام عادي قوليلهم انا اكتر شي اكرهه انه احد ياخد من اغراضي بدون اذني ولو من نفسي اعطيه كل شي المهم بعلمي....
ولمحيلهم انك تعرفين كل غرض بغرفتك وكل شي تفقديه


الله يفرجها عنك ويهدي بالك اختي

 

[دانة الشام]

والله معك حق بس ترى مابنصحك تقولي لزوجك (من بعد تجربة)أي انتقاد أو ملاحظة في حق أهلو ترى بينزعج منها الزوج ومابيقتنع,,,واذا فرضنا نقل لهم شكواكي حتى ولو بطريقة المسايرة مع العتب رح يتضايقو ويشيلو بقلبن منك..اذا الاغراض يلي بطالعوها مثلا أشياء بسيطة كاسات صحون شوكولا يلا مشيها بلا يجيكي وجع راس خاصة إنك عم تقولي إنن جماعة طيبين وحبوبين...وحاولي الاغراض الثمينة أو يلي مابتحبي حدي يستعملها نهائي تحطيها في خزانة وتقفلي عليها وخدي المفتاح معك مابعتقد فيها شي بنهاية كل إنسان إلو أغراض خاصة مابحب حدي يشوفها..وياعزيزتي بتعرفي دوام الحال من المحال إلا مايجيكي يوم بتستقلي فيه ببيت لحالك بإذن الله ...تقبلي مروري وخالص دعائي لك براحة البال والهناء.

 

[أم ليونة]

صباح الخير
أنا رأي من رأي ريد روز تكلمي معاهم بطريقة غير مباشرة وتعلى قولتها لما تكوني معاهم دايما بين لهم انك تعرفي كل اغراضك وحافظة مكان كل حاجه حتى لما تسافري تضايقي لما ترجعي وتلاقي بعض اشياءك ناقصة من زوجك مثلا
او احيانا بيني انك نسيتي غرض في بيت اهلك وسوي نفسك معصبة عشان ماتحبي اشياءك تنقص
وصدقيني لو تجاهلتي الموضوع حيكبر وصعب تحليه بعد كدا

 

[أسماء زكي الدين]

إذا من أدوات البيت المطبخ وما شابه من رأيي لا تكبري القصة أما لو من غرفتك .. كلميهن مباشرة وب

 

[wa7da co0ol]

السلام عليكم ورحمة الله وبركاته

اذا مانفع معاهم الكلام روحي بيتهم وشيلي من اغراضهم من غير ماتقولي اذا احد تكلم قوليلهم كنت احسب عادي زي ماتشيلوا ومااقول شي لكن الواضح انكم تتضايقوا واعملي نسختين للمفتاح وحدة معك ووحدة مع زوجك ولاتدحلي زوجك ابدا لانه بتكبر وبيجي النكد

اوقولي اذا شي نقص اساليهم قدام زوجك احد شاف الغرض الفلاني جيت ابي اسوي شي ماحصلته

او قولي اذا اخذتوا شي ابلعافيه عليكم واذا شي اكواب او صحون رجعوها عشان لاتيع وينقص الطقم


الله يعين ويسعدك​

 

[المهره الاصيله]

معليش اختي وايش صار لو اخذو كاسات او شوكلا ماصار شي يا ختي هاذا حلال ولدهم عادي كبري عقلك وخلي حياتك تمشي ادامهم طيبين والله انا كنت عايشه عند اهل زوجي وانا الي اسوي كل شي لهم ولا كانو شايفين شي واذا رحت لااهلي يطلعون بيتي وياخذون كل الي في المطبخ والله حتى اذا طبخت خذو القدر ولا بقولي انا وعيالي تدرين وش كنت اسوي والله ماكنت اشتكي لزوجي كنت اسكت وامشي وكانت ام زوجي الله يهديها اذا جيت من عند اهلي تقولي ترا اخذنا اغرض من المطبخ كانت تقولي تبي تشوف وش اقول والله اني كنت ابتسم واقول با العافيه عليكم هاذا حلال ولدك عادي اذا تبين بعد اخليه يجيب لكم زياده تدرين كانت مره تنقهر وبعدين الله نصفني وفتح عيون زوجي وشاف كل شي با عينه وطلعني ببيت لاحالي وكبرت في عينه يا اختي انتي لا تعلمين زوجك بعدين يعلمهم ويشيلو عليكي وصدقيني خلاص ياخذون موقف ولا راح يصفو ليكي ابد هاذي نصيحت مجرب

 

[aso0ola]

حور الكويت وريد روز ودانه الشام تسلمووووووون وماقصرتو

خلاص برمس عمتيه وبقول لها مادري منو شال اغراضي لما سرت الشامخه
عالعمووم تفداكم وبعطيهم باقي الاغراض


شوووووو رايكم؟