اطلب العون من الله ثم منكم فلا تخذلوووووووووني

ط

طيبتي اكبرعيوبي

New member
إنضم
2011/11/12
المشاركات
10
بسم الله الرحمن الرحيم .. اخواتي ترددت كثير قبل اكتب هنا وكنت متابعه من فتره بسيطه لهذا المنتدى الاكثر من رائع وجزاكم الله الف خير وقررت اكتب لان مالي بعد اله غيركم ولازم احد ينصحني ويوجهني
قصتي كالتالي انا مخطوبه ومملكه من 4سنوات وانتظره يتوظف ... بيننا مكالمات بالبدايه كانت قليله وع استحياء .. لكن مع مرور السنوات صارت بشكل يومي ومستمر .. وكان بالبدايه وش حلاته وحبوب وطيب .. ويحبني واذا غبت يفقدني .. المهم السنه هذه تغيرررررر حيل حيل علي .. اخاف انه بداء يمل مني والمشكله انا تعلقت فيه وحبيته وتعودت عليه ... واذا قلت له انت متغير انت ماتحبني عصب وسكر بوجهي ولايعتذر .. ويقول انتي مشاكل وازعاج .. وصار مايطول معي .. اوقات اشك انه بداء يخونني .. واخاف ان وحده تأخذه مني ويطلقني .. وانا صرت احبه و4سنوات مملكه عليه .. يعني وضعي صعب .. صرت احسه مو طايقني ابدا ابدا .. ابيه يرجع مثل اول ... لانه زوجي وحبيبي .. مدري ايش اسوي ذبحتني الشك والحيره والخوف والقلق والالم .. ابي اعرف كيف اتعامل معه عشان يرجع يحبني .. هو نمطه شمالي .. المشكله انو ماعاد يكلمني مثل اول ولا يطول معي عشان اقدر اسوي شي .. ويتعذر بأعذار واهيه وكذب ...خلال هذه الشهرين راح يتوظف .. اخاف تخطفه مني وحده .. لانه لما قربت وظيفته تغير حيل علي .. مدري ايش اقول يمكن كلامي مو مرتب لكن احاول الاختصار وربي اكتب ودموعي بعيوني واحس قلبي يحترق .. الله لايحطم بالنار اللي انا فيها ولا يحرق قلوبكم .. ويسعد كل من يساعدني ويوقف معي ... وشي ثاني اتمنى تفتحو لي قلوبكم قبل المنتدى وتستضيفو اخت عندكم .. لان انا انسانه طيبه اكثر من اللازم وعانيت كثير بسبب طيبتي .. وخذلني كل من حولي .. الله يسامحهم .. والحين كبرت وعمري راح لاتحرموني من نصائحكم خواتي وشكرا
 
استغفري
وانصحكم ماتطولو الملكه اكثر من كذا الملكه المفروض ماملكتو خليتوها خطبه بس
والملكه قبل توظيفه بشهور
 
ادري يا اختي ونعم بالله سبحانه .. لكن ابي اغير من اسلوبي وطريقتي ابي اجذبه لي .. ابيه يغير نظرته عني .. لانه ماخذ فكره انو انا مشاكل وازعاج وما اثق فيه .. حتى لو جيته باسلوب طيب صار خلاص مايتقبل شي مني ....
ومشكوره على مرورك وردك .. جزاك الله كل خير
 
هو كان مستعجل ويبي كل شي بسرعه ... وكان يحبني ومستانسين .. بس مدري ايش اللي غيره علي كذا ... ومشكوره ياقلبي ع ردك
 
تكفووووووووون يابنات انتو خبره ومتزوجات وتفهمو اكثر مني ... انا ماعندي اخت كبيره وامي ما ابيها تحس بشي عشان ماتتضايق .. ابي اعرف كيف اتصرف كيف اتعامل معه ... والله اني محتاجه احد يوجهني ويرشدني ...
 
استخرتي ربي اذا نعم لا تشيلي هم وهذا الشيطان يوسوس لك ويبعدك عن السعادة

وجيبي له اعذار يمكن الوظيفه والترتيب لها اشغله عنك او اي عذر

اتركي عذرك شي ايجابي !! لا تفكرين في عذر سلبي


واقول لا افراط ولا تفريط يعني لا تثقلين عليه وتكلمينه روحي جهزي نفسك للزواج واشغلي نفسك عنه

الله يكون في عونك ويوفقك
 
طيبتي اكبرعيوبي قال:
بسم الله الرحمن الرحيم .. اخواتي ترددت كثير قبل اكتب هنا وكنت متابعه من فتره بسيطه لهذا المنتدى الاكثر من رائع وجزاكم الله الف خير وقررت اكتب لان مالي بعد اله غيركم ولازم احد ينصحني ويوجهني
قصتي كالتالي انا مخطوبه ومملكه من 4سنوات وانتظره يتوظف ... بيننا مكالمات بالبدايه كانت قليله وع استحياء .. لكن مع مرور السنوات صارت بشكل يومي ومستمر .. وكان بالبدايه وش حلاته وحبوب وطيب .. ويحبني واذا غبت يفقدني .. المهم السنه هذه تغيرررررر حيل حيل علي .. اخاف انه بداء يمل مني والمشكله انا تعلقت فيه وحبيته وتعودت عليه ... واذا قلت له انت متغير انت ماتحبني عصب وسكر بوجهي ولايعتذر .. ويقول انتي مشاكل وازعاج .. وصار مايطول معي .. اوقات اشك انه بداء يخونني .. واخاف ان وحده تأخذه مني ويطلقني .. وانا صرت احبه و4سنوات مملكه عليه .. يعني وضعي صعب .. صرت احسه مو طايقني ابدا ابدا .. ابيه يرجع مثل اول ... لانه زوجي وحبيبي .. مدري ايش اسوي ذبحتني الشك والحيره والخوف والقلق والالم .. ابي اعرف كيف اتعامل معه عشان يرجع يحبني .. هو نمطه شمالي .. المشكله انو ماعاد يكلمني مثل اول ولا يطول معي عشان اقدر اسوي شي .. ويتعذر بأعذار واهيه وكذب ...خلال هذه الشهرين راح يتوظف .. اخاف تخطفه مني وحده .. لانه لما قربت وظيفته تغير حيل علي .. مدري ايش اقول يمكن كلامي مو مرتب لكن احاول الاختصار وربي اكتب ودموعي بعيوني واحس قلبي يحترق .. الله لايحطم بالنار اللي انا فيها ولا يحرق قلوبكم .. ويسعد كل من يساعدني ويوقف معي ... وشي ثاني اتمنى تفتحو لي قلوبكم قبل المنتدى وتستضيفو اخت عندكم .. لان انا انسانه طيبه اكثر من اللازم وعانيت كثير بسبب طيبتي .. وخذلني كل من حولي .. الله يسامحهم .. والحين كبرت وعمري راح لاتحرموني من نصائحكم خواتي وشكرا
أنقر للتوسيع...
عزيزتي انظري كم كررتي هذه الجملة التي تخافي أن تحصل معك .. واعلمي أننا نجذب لحياتنا مانخاف منه هذا مايعرف بقانون الجذب ابحثي عنه واقرأي ..لذلك توقفي فورا عن التفكير بهذه الطريقة السلبية .. و4 سنوات طويلة جدا وهي ماجعلت شيئ من الملل والفتور يتسرب لعلاقتكما لذلك إن أردتي أن يعود زوجك الذي هو خطيبك لحد الآن اذا أردتي أن يعود كما كان .. انشغلي عنه وتوقفي عن الاتصال به إلا في أقل الحدود .. اشعريه أنك منشغلة جدا جدا وفي حياتك أشياء كثييييييرة .. ولست فقط جالسة تنتظرين اتصالاته وأنت تذرفي الدموع لأنك تشعري بتغييره .. لاتسأليه أسئلة لماذا أنت متغيير ؟؟ وأنت لم تعد تحبني !! أي رجل يمل إن لاحقتيه بمثل هذه الاسئلة وإن حاصرتيه بعواطفك وعتابك .. وادعي الله أن ييسر زواجكم عاجلا غير آجل.. ربي يختار لك الخير.
 
اربع سنوات كثيره ؟؟؟؟ لملكه
وانا مع اختي دانة الشام كلامها عين العقل
 
جزاااااااااااكم الله كل خير على ردودكم وكلامكم منطقي ... بس انا افقده حيل لو ماكلمته اكره نفسي واعذروني الحب بلوى .. وشي ثاني اخاف اذا ماكلمني يكون يدور غيري الشيطان يوسوس لي كثير ... واصلا الحين صار مايكلمني الا باليومين عشر دقايق او اقل مايمديني حتى اعرف اخباره ... ولا احسسه انو تغيرت وصرت احسن
ومشكورين مره ثانيه جميعكم الله يسخر لكم دنيا واخره
 
اثقلي علييييه مررره وعشان تقدري تنفذي خذي التقويم جدول التاريخ وعلقيه عند سريرك وحددي يوم بالاسبوع بس تكلمينه
وكل يوم يمر الغيه من التقويم عشان يسير عندك اصرار انك ماتكثري مكالمات وصدقيني هو بيستغرب وبيفقدك
واذا هو دق لا تردي عليه على طول ودقي بعدين وقولي انشغلت وطلعي اسباب سخيفه عشان يطير عقله كيف نستني عشان كذا ههههههه
ويسير هو اللي يركض وراك واخيرا فترت الملكه مو زين تطول الله يوفقك يارب
 
عزيزتي 4 سنوات أصبح فيها خطيبك يعرف كل شيئ عنك وأصبحتي تعرفي أيضا كل تفاصيل حياته لم يعد هناك أي جديد ليحدثك به وليسمعه منك لذلك أدخلي لحياتك أمور أخرى غيره .. أليس لك هوايات نشاطات .. أي شيئ يشغلك عنه .. يجب أن نمارس في حياتنا مايملأ وقت فراغنا بما يعود علينا بالنفع والفائدة والمتعة لنا ومافيه خدمة لغيرنا حتى لو جربتي أن تتطوعي لاحدى الاعمال الخيرية .. نحن لم نخلق فقط للعيش بمشاعرنا وعواطفنا .. ووقتها ستجدي أن خطيبك بدأ يتلهف للحديث معك من جديد لأنك تطورتي عن الاربع سنوات السابقة ولست مكانك راوح ... ربي يسعدك ويهنيكي .
 
اربع سنواات ملكه كثييييييير لو كاانت خطبه مندوون ملكه احسن
والرجااال ترى بطبعهم ملولييين ....وانتي تقولين انكم صرتوا تتكلموون كلللللل يووم وطولوووون بعد
الحل الااااان .....انك تقلليين كثييييييير اتصااااالااااتك عشااااان يرجع يشتاااااقلك ....ولا تتصلين ابداا امسكي
نفسك خليييه هو اللي يتصل ...وحتى لما يتصل حااولي ماااطولين كلمه ورد غطااهااا ...وبعد شوي قوليله معليش
ابغى اقفل مشغوووووله شوي وتعذري بأي عذر ....ومو من اول اتصااااال ترديين خلييك ثقيله ...
خليييه يتصل مره ومرتيين وثلااااث ....بعدين ردي ....بس لتخليينه يشك فيك انك تتعمديين الشى هذااااا ...
يعني المرره الاولى من الاتصاال الثااالث ردي ....المره الثااانيه من الاتصاال الاول تردين وهكذاااا ....
وحااولي تشغلين نفسك عنه ....مشكلتك انه صااار محور حياااتك ....لكنه هو حيااته فيهااا انتي واهله واصحاابه وطلعااته ....
شفتي الفرق بينك وبينه ....الشئ اللي نااقصك هو الغموووووض ...انتي بالنسبه له كتاااب مفتوووح عشاان كذااا مللل منك ...
 
الاخوات وفوا كلامهم عين العقل لا تكثري الاتصال لا تورين عليه اتركيه هو يسأل ولا تبينين انك منتظره اتصاله لا لو قال مع السلامه قولي الله معك مع السلامه ان اتصل لا تردين على طول وان حسيت انه مشتاق لك قولي هيا خلص امور الزواج لا تكلمني عن بعد خليه يتمم الزواج وبعدها انشاء الله ينشعل فيك والعيال الله معك حبيتنا واختنا
 
<FONT size=4>الاخوات وفوا كلامهم عين العقل لا تكثري الاتصال لا تتردين عليه اتركيه هو يسأل ولا تبينين انك منتظره اتصاله لا لو قال مع السلامه قولي الله معك مع السلامه ان اتصل لا تردين على طول وان حسيت انه مشتاق لك قولي هيا خلص امور الزواج لا تكلمني عن بعد خليه يتمم الزواج وبعدها انشاء الله ينشعل فيك والعيال الله معك حبيتنا واختنا</FONT>
 
ثقلي علييييييييييييه ولا تتصلي انتي خليه هو اللي يبدا بالا تصاال وخلي عنك الاسئله هذي لا تقولي تغيرت وش فيك
وممكن ما بي اخوفك يوم شاف الوظيفه جااات فكر بثانيه لاني اعرف وحده كانت مملكه لواحد من يوم توظف طلقها وتزوج بثانيه لانه قبل يتوظف ما لقي منو توافق عليه من بعد الوظيفه وافقو عليه
لكن انا مع كلام دانه الشام ممكن مل...عليكي بدعاء
 
الله يجزاكم خير جميعا ويوفقكم ويسعدكم ..ز كلامكم حلو ورائع ... وفعلا هو صار محور حياتي .. وانا محتاجه اكون غامضه بالنسبه له ... لكن ساعدوني كيف اكون غامضه ومثل ايش الانشطه والاهتمامات عشان اطور نفسي قدامه .. وهل اقول له عنها او لاء .. وكيف اقوله .. بليز يابنات الله يفرج همكم .. ابي افكاركم .. وفي شي ايضا انو عارف وواثق اني احبه ومقدر اعيش بدونه لاني دايما اقول له هذا الكلام ع بالي بيقربه مني ... الله يسعدكم بديت احس بالأمل والتفاؤل خذو بيدي ..
 
أكيد هو مضغوط بسبب الوظيفة وانتي تزيدين عليه الضغط ..


ترا ابليس شاطر

تركي عنج الوساوس
 
اختي الله يفرج همج
عليش بالدعاء والاستغفار
وبعدها عمل الاشياء التي تحبينها مثلا القراءة او غيرها مما تحبي العمل فيهولا تتصلي فيه الا للضرورة بيني له انك منشغلة في حياتك مثل ما هو مشغول
والله ولي التوفيق
 
اي وحده اقابلها وتكون مملكه اولا نصيحه لا تكثري كلام واتصالات ومقابلات هذا اهم اسباب فتور الحب ولشوق بين الزوجين
حتى الحرمه المتزوجه لازم تبعد شوي عن زوجها عشان يشتاقلها وفيه اشياء حلوه بحياتها انتي ارسلي رساله حب وشوق
وقللي اتصالات خليها بالاسبوع مره وحده وبيني انو عشان ماتكلفي عليه وتصرفي على الاتصالات بما انو خلاص توضف
ولازم يبدا يحوش وبكذا ضربتي عصفورين بحجر واحد قللتي مكالامات ورجعتي المياه لمجاريها الله يجمعكم على الايمان
وطاعة الرحمن بالتوفيق
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل