اشلون اتعامل معاه؟؟؟

[شوكو شو]

السلام عليكم بنات..

انا من قبل كتبت مشكلتي اهني وهي ان زوجي خدعني اكتشفت انه متزوج اجنبية قبل لايتزوجني عرفت عن طريق ايميله استمرت العلاقة من بينهم حتى بعد ماتزوجني وهي باحد الدول الخليجية كان يروح بين فترة وفترة والاعذار والحجج مختلفة... بس الايميل اللي قريته انه انهى العلاقة .. انا كتمت بقلبي وماواجهته لانه بيقلب السالفة علي مثل ماقلبها قبل يوم اكتشفت مرتين انه يكلم وحده والظاهر هي نفسها زوجته...
هو الحين مسافر وبسبت السالفة كنت متضايقة قلت له تبي تاخذ فجة انا ماراح اتصل لك ولا بطرش لك شي واذا انت يعد ماتبي تدق ولاتطرش لاتتصل وعاد ماصدق صار له 5 ايام ولا دق ولاسأل عني ولاحتى طرش شي .. انا ميته قهر مييييييييييييييييييته وهالشي صج زعلني...

برايكم لين رجع اشلون اتعامل معاه ابيه يحس ؟؟ وبخصوص اللي اكتشفته اواجهة ولا اسكت؟؟ اذا واجهته اشلون ابتدي بالموضوع؟؟ مابي السالفة تنقلب علي ومابيه يحس انه يقدر يسوي اي شي يبيه من وراي وبدون ماادري ابيه يعرف اني مب غشيمة

 

[نهر الحياه]

وعليكم السلام ......

لا تصارحيه عشان ما يدور على مكان ثاني او يغلق تلفونه وايميلاته برقم سري

وبعدين انتي شفتي ردت فعله لما صارحتيه ...لا تصارحيه ..

ولا دقي له ...ولما يرجع كوني عاديه ولا تكوني نكديه عشان مايتنكد اكثر

بس خليج غامضه يعني لا تبيني حزنج ولا فرحج ..وكأنج واثقه من نفسج ..

ولا تنسي الدعاء ولاستغفار لين مايرجع الله يهديه

 

[bent_elbado]

لا تصارحينه وحاولي تعرفين نمط شخصيته عشان تعرفيـن تتعامليـن وياه
وادعي ربج هو قادر على كل شي ..

الله يسخرلج زوجج ويسخرلنا ازواجنا​

 

[بحرينية وافتخر]

لااااااااااااا تصارحينه

اطبعي المحاادثات عشااان تقدرين تواجهينه في الاخير

 

[نور الصفاء]

لازم تقسي قلبك شوووي ولازم تطنشي مثل ماهو مطنشك واستقبليه ببرود ولا تحسسيه انك مهتمه
وشايله همه مع الاهتمام بنفسك وخلك مفرفشة خصوصا قدامه عشان يحس انك مو مهتم من صدق,,
الله يهديكم

 

[حلى السكر]

كلام البنات صحيح سوي نفسك عادي ولاتصااااااااااااااااااااااارحيه دحين يحاول يخبي لكن لو صارحتيه راح يكلمها قدامك ولاهمه شي