اشرايكم

[بنت قطر22]

انا ابوي توفى من شهر ونصف الله يرحمه ويغمد روحه الجنه زوجي قالي نبي انسافر وخواتي ايقولون اشلون اتسافرين وابونا توه ميت انتوا اشرايكم انا صج حزينه على وفاتهولين الحين مومصدقه لكن ماعرف هل فعلا السفر يقلل من قدر ابوي عندي لو سافرت ارجو الرد؟

 

[زمرة مشاعر]

اختي بالعكس سافري مافيها شيء
ولو اخواتك قالولك هالشيء ثانيه قولي لهم ابوي بقلبي
واقريله الفاتحه كل يوم واهديها له او صدقه عنه
هاذى الشيء اللي محتاجه لكم اللحين بعد موته
تسون اعمال صالحه وتهدون ثوابها له
اختي في غيرك يتمنون منوه انهم يسافرون مع ازواجهم وانتي ترفضين
ويمكن هو يبي يغير من نفسيتك وحزنك على ابوك
سافري وانتي مرتاحة البال وماحد له حق انه يحاسبك
بالتوفيق
​

 

[ميسا الحلوه]

توكلي على الله وسافري عسى الله سبحانه يخفف عنك الحزن ورحم الله والدينا ووالديكم واسكنهم الجنه اجمعين وجمعنا واياهم في جنة الخلد اللهم امين

 

[الحياة لحظة]

يعني اذا ماسفرتي بيرجع ابوك ؟؟؟
يمكن قصد اخواتك ان امك بحاجه لكم هذي الاياام .
لكني اشوف السفر مافيها شي اذا كانوا اخواتك بيقعدون عن امك يوسعون صدرها .
بالتوفيق

 

[بنوتة كبيرة]

اذا لم يكن هناك سبب ثاني لطلب اخواتك منك البقاء.. فالسفر أفضل لك
الأكيد ان زوجك يريد أن يرفه عنك.. فلا ترديه
رحم الله والدك.. واكثري من الصدقة له
عظم الله أجرك​

 

[الكناري2008]

الله يرحم موتانا وموتاكم ويغفر لهم ويسكنهم جنات الفردوس الاعلى وجميع موتى المسلمين00 اختي توكلي على الله وغيري جو وسافري اكيد مالك خاطر تسافرين لحزنك على والدك ولكن هذي حال الدنيا وادعي له بالرحمه والمغفره وهذا وقت حاجته لكم اما ان تغلقي على نفسك ولا تطلعي بسبب الحزن فهذا منهي عنه لانه في حكم النياحه واكيد فراق والدك صعب عليك ولكن الله يثبتنا واياكم 00

 

[ѕωєєт ℓσνє]

الله يرحم ابوج ويغمد روحه الجنه ،،، والحزن بالقلب ومحبتج له واحترامج وتقديرج له ماراح يقل لو سافرتي ،، هو بيكون بقلبج وين مابتروحين ،،، سافري ياقلبي وغيري جو وارتاحي ،،، واكيد خواتج من حزنهم يقولون جذي ،،، وفهميهم ان السفره تغيير ونفسيتج تعبانه واكيد راح يتفهمون شعورج ،،، ماتشوفون شر يالغلا

 

[* كلي إمومه *]

الله يرحمه ويصبركم
حبيبتي اتكلي على الله
سافري وغيري جو