**اسمــــــاء البنات على حسب رأي علم النفــــس**

[حرم الطيار]

بســــــــم الله الرحمن الرحيم

اليوم يايـــــــبهـ لكم معاااني اسمـــــــاء لبناااات على حسب علم النفس

والسمـــــــوووحــــــــهـ من اللي ما بيكون اسمها معااايـــــهـ بالقااايمــهـ

‏معاني أسماء البنات على حسب علم النفس


ابتسام : ‏رزينة .. ‏و ثقيلة .. ‏و خدومة .. ‏بس عقدتها أنها شينه!

أمل : ‏طيبة قلب .. ‏و تفكر ألف مره قبل ماتقرر بشي

أحلام : ‏قوية شخصيه .. ‏ذكيه .. ‏خدومه .. ‏و دايم تحلم و تخطط حق المستقبل عندها طموووح

أسماء : ‏هاديه و علطوووول ساكته .. ‏و مخلصه .. ‏بس غامضه

ايمان : ‏طيبة قلب .. ‏يحبونها اللي حولها .. ‏مشكلتها انها ماتعرف تعبر عن حبها .. ‏وتحس ان مافي حد يفهمها

بدور : ‏مثل اسمها حلوه و مزيونه و خجوله ... ‏بس ياويلك منها اذا سويت فيها شي

بشرى : ‏تحب تثبت نفسها .. ‏ذكيه .. ‏تحب الناس .. ‏غامضه

بدريه : ‏ثقيله و رزينه .. ‏وكتووووووومه .. ‏يعني اذا قلتلها سر .. ‏تظمن سرك في بير.. ‏بس ثقيلة دم

بسمه : ‏إنسانه ذكيه .. ‏شخصيتها قويه .. ‏ما تحب اللف و الدوران .. ‏إذا حست أن في إنسان بيغلط عليها .. ‏تفرش خامسينه بالأرض

تهاني: ‏خفيفة دم و من خفة دمها أحيان تظن انها مرجوجه .. ‏حذره في تعاملها مع الناس

تغريد: ‏طيبه و محبوبه من الجميع .. ‏بس فيها عرق سوداني .. ‏يعني عجازه

جميله : ‏ذكيه .. ‏و جريئه .. ‏و الواحد يعتمد عل يها .. ‏مشكلتها انها ماتقدر تمتنع عن الحش

حنان : ‏خفيفة دم .. ‏خدومه .. ‏مخلصه .. ‏و مطيعه .. ‏بس أحيانا تصير أنانيه بشكل فظيع

حصه : ‏قوية شخصيه .. ‏محبوبه .. ‏ب! س للأسف مالها حظ .. ‏دايم مقروده

حوريه : ‏محبوبه .. ‏و تحب التعارف و الصداقات .. ‏بس انها شرسه .. ‏محد يتحمل لسانها الطويل

حياة : ‏اللي مايعرفها مايثمنها .. ‏عاقله ... ‏بس شينها انها تحب كل شي قدامها يكون جاهز
خلود : ‏طيبة قلب .. ‏شخصيتها قويه .. ‏محبوبه من الجميع .. ‏دلوعه .. ‏وراسها يابس

خديجه : ‏خدوووومه .. ‏و تحب الناس .. ‏و قلبها طيب .. ‏ماتحب الحش .. ‏و تتعامل مع الناس بطيبة قلب .. ‏بس اذا غلط عليها أحد توريه نجوم الظهر

دلال : .‏حلوه و جذابه .. ‏بس مشكلتها انها ضعيفة شخصيه

ديما : ‏قوية شخصيه ... ‏تتعامل مع الشخص مثل مايعاملها .. ‏كلمتها وحده .. ‏و قلبها طيب .. ‏من طيبته يوديها في مشاكل

دانه : ‏أهلها يمووووتون فيها .. ‏دلوعه .. ‏و حلوه ولسانها طويل

رشا : ‏ياحليلها .. ‏طيبة قلب .. ‏و دمعتها دايم على خدها .. ‏عاطفيه ... ‏بس ياويل من يغلط على أحبابها

روان : ‏دلوعه .. ‏و محبوبه .. ‏بس دايماً تكون ضايعه في الطوشه يعني ماتدري وين الله حاطها

رقيه : ‏مخلصه في شغلها .. ‏ماتحب اللي يلعب بذيله .. ‏متحفظه .. ‏وماتحب اللعب و اللف و الدوران

ريم : ‏طيبة قلب .. ‏و خدومه .. ‏و على نياتها .. ‏مطيعه .. ‏تحب الناس .. ‏بس مقروده مالها حظ

رنا : ‏حلوه .. ‏حنونه .. ‏و تحب الناس .. ‏اجتماعيه .. ‏واجتماعيتها ذي تسبب لها مشاكل

رانيا : ‏دلوعه ! ... ‏ويعتمد عليها .. ‏بس مشكلتها انها ثقيلة دم

زينب : ‏حلوه و مزيونه .. ‏و لها شخصيه قويه ... ‏خدومه .. ‏و تحب تعبر عن مشاعرها بطلاقه .. ‏و راسها يااااابس

زهره : ‏ذكيه وشاطره .. ‏حبوبه .. ‏ تحب الصداقات .. ‏مشكلتها غيرتها اللي تذبحها و تذبح اللي حولها

زكيه : ‏تحب الضحك .. ‏و المزاح .. ‏و المرح .. ‏شاطره .. ‏و حنونه .. ‏بس لسانها دايم يخونها

سماح : ‏وفيه .. ‏وحبوبه .. ‏و تفكر بعقلها قبل قلبها في الامور العاطفيه .. ‏بس للأسف انها مقروده مالها حظ

سلوى : ‏قلبها طيب ..‏مطيعه و خدومه .. ‏و حلوه و مزيونه .. ‏دلوعه .. ‏بس للأسف مالها حظ

سعاد : ‏شاطره و ذكيه .. ‏بس شرانيه

ساره : ‏محبوبه .. ‏ذكيه .. ‏طموحه .. ‏عنيده ..‏و مزعجه

سلمى : ‏ذكيه .. ‏شخصيتها قويه .. ‏تحب الحريه و التجديد .. ‏لكنها مزعجه

سناء : ‏حبوبه و خفيفة دم .. ‏و اذا حبت تبيع الدنيا للي تحبه .. ‏مشكلتها انها تفكر بقلبها قبل عقلها .. ‏و هذا يسبب لها مشاكل

شعاع : ‏ذكيه .. ‏و مجتهده .. ‏و شخصيتها قويه .. ‏واذا حطت براسها شي لازم تسويه .. ! ‏بس انها شينه

شريفه : ‏خفيفة دم .. ‏تحب صديقاتها .. ‏و الناس تحبها .. ‏بس وقت الجد جد .. ‏ماعندها مزح و كلام فاضي .. ( ‏عسكريه )

‏شوق : ‏رقيقه.. ‏و تحب تثبت نفسها .. ‏خواااافه

عبير : ‏مجتهده و شاطره ... ‏و حبوبه و دلوعه .. ‏غامضه .. ‏بس مشكلتها انها متهوره

عايشه : ‏شاطره .. ‏صبوره .. ‏مخلصه .. ‏اذا حبت أحد تحبه بجنون ... ‏بس مشكلتها انها تمشي ورى هواها

عزيزه : ‏مخلصه .. ‏رزينه .. ‏ثقيله .. ‏وثقيلة الدم

العنود : ‏شخصيه قويه .. ‏مزيونه .. ‏محبوبه .. ‏لها شعبيه كبيره .. ‏و ذكيه

.. ‏طموووحه .. ‏و ياويل من يتجرء يغلط عليها
فاتن : ‏حلوه .. ‏حبوبه .. ‏ذكيه .. ‏شخصيتها ضعيفه

فردوس : ‏ذكيه .. ‏طموحه .. ‏شخصيتها قويه

لمياء : ‏محبوبه .. ‏تحب تبني صداقات .. ‏و دلوعه .. ‏و ياويله اللي اذا طلبت منه شي و لا جابه لها

لينا : ‏طيبة قلب .. ‏و على نياتها .. ‏و دمعتها علطول على خدها .. ‏بس تحس ان محد يفهمها

ليلى : ‏شخصيه قويه .. ‏ذكيه .. ‏حبوبه ! . ‏تحب المزاح .. ‏لكنها مزعجه

منيره : ‏واضحه .. ‏ماتحب اللف و الدوران .. ‏صريحه .. ‏و أم حنون .. ‏بس لسانها طويل

منال : ‏هاديه .. ‏و حلوه . ‏ودلوعه ‏وواثقه من نفسها .. ‏بس انها مغروره

مريم : ‏طيبه و على نياتها .. ‏عاطفيه .. ‏و مندفعه .. ‏تحب الحش

منى : ‏هاديه .. ‏و رزينه .. ‏ذكيه .. ‏و تحب المظاهر

مشاعل : ‏محبوبه .. ‏تحب بناء صداقات .. ‏لكنها غامضه

نوره : ‏شخصيتها قويه .. ‏ذكيه .. ‏و شاطره .. ‏تفكر بعقلها في الأمور العاطفيه .. ‏تحب تزيد ثقافتها .. ‏صريحه ماتعرف تجامل .. ‏مشكلتها انها ماتعرف تعبر

نوف : ‏تحب بناء الصداقات .. ‏تحب المغامرات ... ‏تحب التراث .. ‏لكن يا حبها حق الحش

نوال : ‏شخصيه قويه .. ‏محبوبه .. ‏و تحب الناس .. ‏مطيعه .. ‏و عنيييييييييده

ناديه : ‏شخصيتها قويه .. ‏و تحب تثبت نفسها .. ‏تعتمد على نفسها .. ‏وماتحب تغامر بشي .. ‏تفكر مليون مره قبل ماتسوي أي شي

هدى : ‏شخصيه قويه .. ‏يعتمد عليها في أصعب المواقف .. ‏خدومه .. ‏لكنها غامضه .. ‏و تحب الحش

هناء : ‏على نياتها .. ‏تتصرف حسب مايملي عليها عاطفتها .. ‏بدون تفكير .. ‏ذكيه .. ‏خدومه ..

‏هيا : ‏محبوبه .. ‏تحب اللي يحبها بس .. ‏مطيعه .. ‏مخلصه .. ‏لكنها عصبييييييه

هند : ‏عاطفيه .. ‏ذكيه و شاطره .. ‏اذا حبت شي تحب تمتلكه لحالها .. ‏غيووووره

هنادي : ‏شخصيه قويه .. ‏تحب الدلع و المظاهر .. ‏ذكيه ‏ومحبوبه من الجميع

وفاء : ‏شاطره و ذكيه .. ‏بس ياويل اللي هي تحط عينها عليه

ياسمين : ‏قلبها طيب .. ‏خدومه .. ‏مزيونه .. ‏لكنها متهوره

يسرى : ‏شخصيه قويه .. ‏تحب تثبت ذاتها .. ‏و تحب المظاهر


ان شالله كل وحدهـ تلقى معنى اسمها

 

[حرم الطيار]

معقـــــــــوله كم مشاااهـــــــدهـ ولاااا رد؟؟؟؟؟

 

[حبي وسام]

انا برد عليك ههههههههه
مشكوووره على هذا الموضوع
بصرااااحه موضوع حلو
لقيت اسم واحد وباااقي اسم للاسف مالقيته

 

[عضوة سابقة]

**نقطـــه مهمه أخــواتي **


الإنسان إذا تبين له الحق

ولم يقبله يبتلى _والعيــاذ بالله..

بـــــالزيــغ ..


(( ونقلب أفئدتهم وأبصارهم كما لم يؤمنوا به أول مرة ونذرهم في طغيانهم يعمهون ))


قال تعالى

((فَلَمَّا زَاغُوا أَزَاغَ اللَّهُ قُلُوبَهُمْ وَاللَّهُ لا يَهْدِي الْقَوْمَ الْفَاسِقِينَ ))




يقـــول الشيخ عضو هيئة كبار العلمــاء

الشيخ / عبدالرحمن السحيم ..

وأما تحليل الشخصيات من خلال الأسماء فهذا ضرب من الكهانة ، وباب من أبواب الكذب ، ويشتد الأمر سوءا إذا نُسب ذلك إلى السعادة أو الشقاوة ، كما يزعمون ذلك في قراءة الكفّ والفنجان !
وهل يفرق فنجان عن فنجان ، أو كفّ عن كفّ ؟!
ومثله نسبة السعادة والشقاوة وحُسُن أو سوء الصفات الشخصية إلى الكواكب والطوالع والنجوم .
فإذا كُنت وُلدت في نجم كذا فأنت كذا وكذا ، من صفات أو سعادة ونحو ذلك مما هو رجم بالغيب ، وقول على الله بغير علم ، وافتراء على الله عز وجل .

ولذلك لا أرى أن تُكتب ولا أن تُنقل ولا أن تُشهر بين الناس .

وأخشى أن يكون بابا من أبواب الاصطياد في الماء العكر – كما يُقال – .
فنصيحتي لأخواتي المسلمات أن يتعقّلن ولا ينسقن وراء مثل هذه الترّهات .

والله تعالى أعلى وأعلم .

الشيخ عبد الرحمن السحيم

http://www.almeshkat.net/vb/showthre...threadid=24329
__________________
​

 

[حرم الطيار]

مشكورهـ اختي أم لجين ...

بس ماله دااعــــــــي هالمحاضرهـ والفلسفهـ الزاااايدهـ لانــــــي لما كتبت الموضوووع مااا كنت حاااطـــــهـ في باالي أي شئ من اللي انتي قلتيــــــهـ ..

وهــــــــذا علم نفس يااحلـــــــوهـ ومب تنجيم ... في فرق بين التنجيم وعلم النفس و إلا انتي جاهله ؟؟؟

 

[عضوة سابقة]

بــــــــارك الله فيك أختي ​

وجعلك ممن ينصرون الحق دومــآ ​

لم أكن أعلم أن نصيحتي لك وللأخوات تغضبك ..​

بصراحه أسلوبك رائع في الــرد ..​

وهذا يدل عليك ..​

وأنا ياأختي ماهاجمتك ​

رأيت شيئ خطاء وخفت إنكم تقعوا فيه ​

فنبهت عليه وهذا واجبي وواجبك يالغاليه ..​

إنكـــار المنكر ..​

هل تحبين حمل الأوزار ألا تكفينا ذنوبنا ..​

والنصيحة رزق من الله تعالى ..​

في أحد يرفض رزقه ..​

والشيطان هو من بين لك أن هذا الحق فلسفه زايده ...​

الله يهدينا وياك يارب ..

هذا ليس علم نفس بل تنجيم ..

أختي في الله..

وهذا كلام أهل العلم ..

وإذا سمعنا الحق الذي أمر به الله

نقول سمعنا وأطعنا ..​

 

[عذاب مخلوق]

مـاشـاء الله موضوع ف قمـة الروعهـ ..


بــس للأســـف هب موجود أسمــي ..


^___^


كيـــف علم النفــس تنجيــم .. لـو كان تنجيــــم ما كان درسـوهـ حقنا ف المدرسهـ !!


استغفر الله .. حبيبتي اللي فوقــي .. لا تحكمين ع كيفــج ..


ولا تطلعين رمسـهـ ع كيفـج ..


من استوينا نعرف شي أسمـهـ علم النفـــس ..


وشــي دكتور اسمهـ ابراهيـم الفقهـــي .. لو تسمعين عنهـ ..



احد اساتذة علم النفـس ^_^ ..



اسمحيلنا ختيـهـ حرم الطيار .. تدخل بشي ما يعنيلي ..


والسموحهـ مــرهـ ثانيهـ ..


^__^

 

[حرم الطيار]

اختي ام لوجين ...(((انما الاعمال بالنيات وانما لكل امرء ما نــــــوى)))

ومشكورهـ اختي عذااب مخلوووق كلامـــــج كفا ووفـــــــــا ...

 

[المشتاقةلربها]

اختي ام لوجين ...(((انما الاعمال بالنيات وانما لكل امرء ما نــــــوى)))

ومشكورهـ اختي عذااب مخلوووق كلامـــــج كفا ووفـــــــــا ...

هــــــــــل إبراهيم فقهي عالم من علماء العقيده والشريعه ..

هل هو من الموقعين عن الله سبحانه هل هو ممن إذا أخذتي

قوله تبرأ ذمتك أمام الله سبحانه

إختي أم لوجين لم تقصد علم النفس .. إنه تنجيم

لكن تحليل الإسماء من التنجيم .. وهذا مادرسناه في العقيده الصحيحه ..

جميع العلماء حرموه وقالوا من الشرك ..


قولكم : إنما الأعمال بالنيات ، ونحن حتى لو طبقنا تطبيقات غير مشروعة أو شابهنا أهل الجحيم في شيء فنحن لا نقصد ذلك ولا نريده فلن تضيرنا مشابهتهم :
الحديث المستدل به صحيح ولكن الاستدلال خاطئ والقياس فاسد ، والشبهة قوية . فمن المعلوم أن قوام الأعمال على النيات المنعقدة عليها ، وأمر النية خفي يحتاج إلى صدق وبصيرة ، ومن وجه آخر فالعلاقة بين أعمال القلوب وعلى رأسها النية وبين الأقوال والأفعال الظاهرة قد تشكل على كثير من الناس فلا يقول عاقل بأن كلمة الكفر أو مقارفة أعمال الشرك – من غير إكراه- أمر سائغ جائز إن لم تصاحبه نية الكفر والشرك . والقول بهذا يفتح بوابة الشرك على مصراعيها وينصر القول الشعبي البدعي : "المهم مافي القلب ، والظاهر قشور " ، وقد كان عند المشركين نية حسنة عندما عبدوا غير الله وقالوا : ما نعبدهم إلا ليقربونا إلى الله زلفى . فهل يقبل عملهم على أساس نيتهم ؟
إن أعمال الظاهر من أقوال وأفعال لها أهميتها وأحكامها في الشريعة كما أن للباطن وأعمال القلوب أهميته وأحكامه ، ومن هنا كانت أهمية اعتبار فهم السلف الصالح للنصوص وتطبيقهم لها حتى لا تشتبه الأمور لا سيما مع هوى النفوس ورين القلوب فتقود إلى خلاف ما تدعو إليه النصوص الكريمة في حقيقتها ولا ننسى أن معظم أهل البدع قد استدلوا بالنصوص على بدعتهم على أفهامهم السقيمة .

 

[روومنسيه]

أشياء ما أعترف فيها ليش لأن الله خلقك

ولم يطلق عليك أسمك أنما أهلك من سموك

ولو أن الأسم له في الشخصيه نصيب لأختارو أهلينا لنا أثرى الأسماء بالصفات

 

[حرم الطيار]

اتمـــــــــــــنى من الادااره اغلاق الموووضـــــــــوع

مو معقــــــوله كل ما كتبنا موضوووع لقينا مليوون رد جاااارح

بس والله الشره مو عليكم على اللي يكتب ويعطيكم وجــــــه

اذا الوحده اكتبت موضوووع أو قصه أو حطت صـــــور تلااااقي مليووون اعتراااض وانتقادوالف تجريـــــح وتعليق

ورجـــــــاءاً بنات ماااأبي أي تعليق لاني أبي اسكر الموضوووع ...

 

[حرم الطيار]

والله وخليتــــــــوووني مشــــــركه أو كااافره,,,

استغفر الله
استغفر الله ...

والله الحيــــــن عرفت ليش نحن نرجع لوراء ...

أكيـ اللي حلل شخصية الاسماء مو متأكد من صحتها ... بس أعوووذ بالله صـــــدق تخلف ..

أكيد كتبها من الاسماااء اللي مرت عليــه بحيااته,,وأنا لما طرحت الموضوووع ما قلت والله غصب نفس شخصية الاسم بالضبط ..بالعكس ..قلتهـ من باااب انهـ كل وحده تشووف اسمهاا وتشوف الشخصيه هل هي مطابقة لشخصيتهاا أو لا ..(يعني مثل اللعبه)

أعوذ بالله كبرتوا الموضوووع وخليتوني والعياذ بالله مشركـــهـ أو كااافرهـ ...
بس ما أقووول غير الله يساامحكم ... ورجاءاً اذا المره الياايه شفتوا لي موضوووع لاتدخلـــوا عليه

ولاعاااد أريد منكم رأي أو نــــقد ,,, رجـــــــاءاً ...

 

[التوتي]

مشاعل : ‏محبوبه .. ‏تحب بناء صداقات .. ‏لكنها غامضه

 

[التوتي]

عاد انتم لا تصدقون كل شئ
خلوا عندكم عقول ودين
والله اقراها طقطقه بس
من غير تصديق

 

[جروح امرأه]

مشكوره ربي يعطيك العافيه