!!(اسلوبك اليوم يقتلني ويحرقني)!!

[دمعة مشاعر]

بعد المحبه , علامك مانت طايقنـي ؟
وانا على خبرك أشواقي هي أشواقي


اسلوبـك اليـوم يقتلنـي ويحرقنـي
سؤال ؟ ابسألك وين اسلوبك الراقي !


حتى كلامـك معـي بلحيـل مقلقنـي
والشك في داخلـي ماعـاد ينطاقـي



ان كان قصدك تقول: إرحل وفارقني !
برحل ولكن مصيـر الحـي متلاقـي



وان كان قصدك تغلا وانت عاشقني ؟
ابشـرك ماتغيـر شــي بعمـاقـي



وان كنت تمزح ؟ أمانه معك روقنـي
تراي مكسور خاطر وانكسـر ساقـي



بس بصراحه , من الآخر وصدقنـي
صدمتني واستراحت . هقوة الهاقـي



ياليتك تحـس بحسـاس ٍ مضايقنـي
وياليت تقرى كلام ٍ داخـل احداقـي



حلمك منول ! في هالدنيـا تحققنـي
واليوم في بحر غدرك ناوي اغراقي !




علمتني كيف ( أحبـك ) لاتوهقنـي
علمني ( أنسى ) ولا تستكثر الباقـي



كنت احسب إنك اذا جيتـك تعانقنـي
أثريك لا طايق ٍ شوفـي ولا إعناقـي




..............

 

[خطاوي جريئه]

يسلموؤوؤوؤوؤ

كلمات قمة في الروعه


ابدعتي يالغاليه

لكي مني كل الاحترام

اختكـ خطاوي

 

[قطــــرات الندى]

والله حده حلو هالشعر
يعطيج العافية دمعة المشاعر