اسفر زوجي او لا؟

ب

بزه المرتزه

New member
إنضم
2011/04/19
المشاركات
42
السلام عليكم
انا محتارة وابي ريكم بهالموضوع
من اول ماتزوجت الحمدالله زوجي دايما يسفرني وما بيقصر معي بالسفر
بس اهو صراحه مايعطيني مصروف شهري بس اذا احتجت اطلبه بس دايما مايعطيني بسهوله لازم يعرف حق شنو وليش صرفت معاشي
ادري طبعه موحلو بس شسوي هذا الشمالي الشرقي دايما صعب
المهم انا مو هذا موضوعي
الحين جايه عطلة العيد الاضحى واحنا بصراحه كنا مخططين ان نسافر بهالاجازه
بس تونا رادين من لندن فكانت مصاريفنا كثيره
مع العلم اني معطيته قيمة تذكرتي عشان اساعده ووفرتلي مبلغ عشان يزيدني عليه للسوق
توه يقولي ان ماعنده فلوس للسفر بالعيد وان اذا نبي نسافر لازم انا اتحمل تكاليف السفر بس يكون المصرف عليه
يعني التذاكر والسكن علي
طبعا اهو قالي هالكلام مع علمه ان راح ينزلي مكافاة للعمل
فقصده ان نسافر فيها
وانا صراحه كان ببالي اني اشتريله هديه ثمينه لعيدميلاده بشهر 12 اهو كا حيل يبغاها
فالحين توهقت
وانا صراحه مابي اعوده ان يسافر على حسابي
بس لما افكر ان اهو كل مره يتحمل تكاليف السفر اقول مو عيب اذا انا تحملته مره او مرتين
بس بصراحه متردده
شسوي
 
هذي ظريبة المرأه العالمه ,, بيعتمد عليها الزوج في أغلب الأمور

المفروض ماعودتيه انك تشيلين تكاليف السفر عشان مايحط المسؤليه عليك في كل الاحيان

يعني وش المشكله اذا اشتغلتي في بيتك ومصروفك وسفراتك تجيك ع الجاهز ,,

ومايحتاج اشرح حكم الاحتفال والهدايا لأعياد الميلاد :) احسك فاهمه

واذا كنتي حابه تشترينها اشتريها هالهديه بمناسبة عيد الاضحى مو ليوم الميلاد ,, بالتوفيق
 
خلاص مايحتاج تشتري له هديه ....خلّي الهديه هي مساعدتك له بالتذاكر والسكن في السفر ...

وهو يتحمّل باقي المصروف ( من اكل ومشتروات وماشابهه ) يعني ليش كل هالتعقيد في الأمور

زوجك كان دائمآ يعطيك ومايقصّر معك ....فمافيها شئ لو ساعدتيه لمرّه واحده .....( بس بشرط

خلّي مكان السفر هذه المرّه لدوله رخيصه ههههه .....حتى لا تصرفي كثير ....يعني ابعدي عن أوروبا

( وخلّيها هذه المرّه في شرق آسيا ) ....ماليزيا او سنغافوره أي دوله رخيصه ....

موفقه ...
 
مو لازم كل شوي مسافرين اختي انا اقول كلمة حق ترا المرة العاملة مو تطلع من بيتها وتقصر لو نتفة على اشغالها لازم تعوض ذلك والله اشوفه هو شرحلك امكاناته بغيتي تساعديه كان بها ما بغيتي شي راجع لك مو مجبورة ابد
الله يصلحلك الحال يا رب
 
ليه لا سافري وانبسطي حتى لو على حسابك وين المشكلة المكافاة دامك صارفتها لاتقصرين في نفسك اولى
 
* أعجبني رد ميسو . .

بس نصيحة مني اذا شايفه انه انتي مو محتاجه لسفر يعني نفسيتك تمام الحمدالله
و اوضاعكم تمام ف أفضل تجيبين له الهديه أفضل

لكن لو كان نفسك تسافري وحابه تجددي روحك مافيها شيء انك انتي تدفعي ويكون بينك وبينه
يعني التذاكر حقته يدفع نصها ع الاقل
لان السكن والتذاكر أغلى من المصروف فَ إذا كان هو ذكي أكيد انتي حتكونين أذكى


.
.
وربي يوفقك
 
مع ميسو
اذا ماصرفتي فلوسك على سفرتك ووناستك بتصرفينها بشي ماراح تحتاجينه مره
عادي رووووحي وانبسطي وخذيني معك بعد ^_-
 
عيد الميلاد لايجوز
أخواتي إجعلونا نرتقي في ديننا
هدانا الله وإياكم
 
مايحتاج تسافرين دام بدا يعتمد عليك واعتقد انه راح يجس النبض وبعدها راح تنفرط السبحه لذلك استغني عن السفر دامكم توكم راجعين واشتري الهديه..
 
لالالالالالالالالالالالالالالالالالا مادري بس مابدي تكون هدي البداية يعني حبة حبة وبعدين حتتكرر السالفة وبعدها بيسير انتي تتحملي مسؤولية بيتك وحياتك ووووووووو الخ موتشاؤم لكن دا الوقع ................خلاص مايحتاج تسافري.....تويك جاية الحمدالله عالسلامة
,,,,,,,,,,,,,,(((دا رأيي الشخصي لو كنت بمكانك
 
يابنت الحلال سافري وفليها واتركي عنك الهوجاس الواحد مايعيش غير مره وحده لا تعقدينها سافري واستانسي
 
المشكله ان زعلان علي من امس
اهو فهمها ان انا بخيله وانانيه
لان لما تجيه فلوس مثل مايقول يفكر فيني انا
ويسفرني ويونسني
بس لما جتني المكافاة فكرت بنفسي بس
اهو مايدري انو حوفر مبلغ لهديته
فحكم علي بهالطريقه
بس مابدي ازعل ولا اهو
لاني ملييييييييت من المشاكل
من بعد مارجعنا من السفر واحنا كل يوم مشكله
والله مادري شسوي
 
اول ما تنزل المكافأة اشري له الهديه وقدميها له ( لا تنتظري المناسبه تجي )
بابتسامه حلوه قدميها قولي ((( كان ودي اقدمها لك يوم ( -------- ) <<<<< المناسبه اللي كنت تبغيها
لكن انت استعجلت الله يهديك وزعلت وما عطيتني فرصه ووقت اثبت لك إنك كل حياتي وتفكيري ))))

بكذا رح يتعلم ما يحكم عليك بسرعه ويتندم على انه ماخلاك تقدميها بوقتها لأنه اكيد بيكون لها طعم ثاني
والأهم من كذا تتخلصي من الموقف اللي حطك فيه ... إذا شاف انه نجح برمي جزء من المصاريف عليك مع الوقت بيتعود حتى تتحملي انت المصاريف كامله او ما في سفر
دعواتي لك بالتوفيق
 
اذا السفر بيفتح باب للمشاكل اجلي فكرة السفر الين يكون الوضع مناسب وامكانياته متوفرة .
حددي مع زوجك ميزانية سفر لاجازة مرة بالسنه مو كل اجازة سفرة .
حاولي من رواتبك تجمعي مبلغ تشتري ارض او شي يفيد بالمستقبل .
 
نوود موود قال:
اول ما تنزل المكافأة اشري له الهديه وقدميها له ( لا تنتظري المناسبه تجي )
بابتسامه حلوه قدميها قولي ((( كان ودي اقدمها لك يوم ( -------- ) <<<<< المناسبه اللي كنت تبغيها
لكن انت استعجلت الله يهديك وزعلت وما عطيتني فرصه ووقت اثبت لك إنك كل حياتي وتفكيري ))))

بكذا رح يتعلم ما يحكم عليك بسرعه ويتندم على انه ماخلاك تقدميها بوقتها لأنه اكيد بيكون لها طعم ثاني
والأهم من كذا تتخلصي من الموقف اللي حطك فيه ... إذا شاف انه نجح برمي جزء من المصاريف عليك مع الوقت بيتعود حتى تتحملي انت المصاريف كامله او ما في سفر
دعواتي لك بالتوفيق
أنقر للتوسيع...

بالضبط هذا الي كنت مفكره فيه
وان شاءالله راح اسويها
ادعولي الله يصلح بيننا
 
أنا من رأيي سافري وانبسطي وهو مو متعود
من مره وحده أفضل ماتعطينة هدية في عيد
لم يحلله الله وتاخذين إثم وبكذا ماأستفدتي شي
الفلوس راحت والذنب برقبتك هع
 
شوفي حبيبتي اذا كنتي هذي الاياام تمرين بمرحله صعبه او ضرووف نفسيه فروحي غيري جوو اما اذا كنتي لا فاشووف مو لازم عشان مو كل مره يقول مااعندي عشان انتي تسفرينه
هذا رااي وتقبلي مروري

اختك / منيره
 
مع نوود موود
والله يصلح اللي بينكم ويهدي سركم ياارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل