اسعفوني عاجل

[منال الحب]

مرحبا بخواتي الملكات اتمني مساعدتكم ومشورتكم وماخاب من استشار

مشكلتي مع زوجي شرقي جنوبي له فترة يلح علي نقعد في بيت عمي (ابوه) وانا رافضة

وموجودة في بيت اهلي لظروف خاصة والمفروض اطلع من بيت اهلي لبيتي الخاص ومن حقي عليه يوفر لي بيت خاص وبالذات انه ظروفه تسمح له الموهم شافني مرة وانا طالعة من بيتنا مع خواتي من غير علمه انا صح غلطانة بالهشئ بس غصبا علي هو من النوع اللي كل شئ ممنوع عنده وخصوصا الطلعات وهذه المشكلة الحين خيرني يا انه اللي بينا ينتهي او اسكن في بيت ابوه بالرغم اني ياما سامحته على اغلاط كبيرة وخيانات بس ماقدر لي هالشئ

ياليت اللي اتعرف كيف اقنع زوجي اتخبرني ولكم الاجر انا مابا اخسر بيتي:shutup: اقصد حياتي الزوجية ولااسكن في بيت هله كلي امل ورجاء بمشورتكم ويارب تسعد وتنور درب كل وحدة ترد على موضوعي

 

[حبيبت رشيد1]

اهلين حبيبتي الله يهديك ليش تطلعين بدون شوره المفروض دقيتي عليه وقلتيله اني بروح مع خواتي الحين مسكها عليك ياتروحين معي يا البينا ينتهي اختي الحين كلميه وسلفي معه ماكن صار شي وعطيه كلام حلو واذا جاب طاري البيت قوليله ابي اخذ راحتي معك بيت بروحنا واذا سكنا مع اهلك بتصير مشاكل لا لها اول ولا اخر يقول المثل ابعد بعيد حبك يزيد
الله يصخره لكي ويحنن قلبه عليك

 

[منال الحب]

الله ينور دربكن ويسعدكم يارب خواتي المشكلة مايكلمني نهائيا كل اللي بينا مسجات الموبايل وبخصوص الاطفال
شكله يبا يضغط علي عسب اضعف ووافق وانا مستحيل اقبل هالشئ خاطري ايبه بذكاء من غير زعل وماعرف كيف

 

[ام نهله]

حبيبتي انا سكنة مع اهله وهم عمامي

بصراحة تندمة اني ماطلبت بيت

ماتقدرين تاخذين راحتك ابد
واي شي تسوينه بالبيت من تغيير يقولون لك ليش ماشاورتي قبل

وتنظيف البيت مايشف لك جميل ابد

لاوالله تمسكي بالبيت اذا تبين راحتك وحريتك

 

[منال الحب]

حبيبتي انا سكنة مع اهله وهم عمامي

بصراحة تندمة اني ماطلبت بيت

ماتقدرين تاخذين راحتك ابد
واي شي تسوينه بالبيت من تغيير يقولون لك ليش ماشاورتي قبل

وتنظيف البيت مايشف لك جميل ابد

لاوالله تمسكي بالبيت اذا تبين راحتك وحريتك

والله خوفي يستويلي نفس الشئ ويمكن اكثر اذا وافقت الله يستر

 

[منال الحب]

XXXXXXXXXX

جزاك الله خير اختي عالنصيحة الله يهدي ازواجنا ويسخرهم لنا

 

[دمعه حزن]

الله يهدي سركم ,,

 

[منال الحب]

مليون شكر للخوات اللي ردن على جزاكن المولي خيرا ورزقكن السعادة الحمد لله انحل الموضوع صح في بعض الشروط اللي تقهر بس اهم شئ ماسكن في عمي واكرر شكري لكن

 

[سويهر الليل]

XXXXXXXXXXXXXXXX

انتبهي لايكون هذا الكلام فيه مخالفات شرعيه تخرج عن المله قد يدخل فيه شرك اوعطف فيكون خسران الدنيا والاخرة ولاحول ولا قوة الابالله اللهم انا نعوذ بك ان نشرك ونحن نعلم ونستغفرك ان نشر ك بك ونحن نعلم

 

[وجه ناعم]

اللهم يامفرج الكروب فرج كربها وكرب كل من عندها كرب .. اللهم أمين ..

 

[عبوورة]

إستفدت وايد من ناعمة باااااااااارك الله فيها دنيا و اخرة, واقولج بناءا على شخصيتي الجديدة:
-التنازلات لا تحل الأزمات,انتي تنازلتي في امور عظيمة من قبل و النتيجة انه صار مقتنع(بفضلج طبعا) انه يملك الحق في انه يغلط وانتي تسامحين.
و هو يامر و انتي عليج التنفيذ، وهو يهدد وانتي ترتجفين و ترتعبين.....و بعدج ياما بتشوفين:no:
-(ان الله لا يغير ما بقوم حتى يغيروا ما بأنفسهم) تغيري ، قلتي انج اعتذرتي و هذا مطلوب جدا و لكن بس كفاية لا تكثري منه بدون داعي و إلا بتكوني مهزوزة و ضعيفة في نظره.
-قولي طلباتج بالفم المليان إذا اظهرتي ضعف و تردد ترى و الله بيدوس عليج.خليج واضحة وقوية.:showoff:
-قال عليه السلام(الحمو الموت)،و انا اقولج إياها يا بيت اهلج يا بيت مستقل و إلا فلا.:icon30:
-بتقولين و كيف اكتسب هذا التغيير المفاجئ و بقولج كيف:
قراءة سورة البقرة كاملة بعد صلاة الفجر لمدة عشرة ايام و بدون انقطاع و إلا تبدين من أول وجديد.
صدقيني تغير حياة الواحد بشكل عجيب.:clap:
_وختاما اقولج إذا خفتي من الطلاق وايد ترى بتحصلينه(الله يستر عليج) .

 

[ام المختار]

الله يألف بينكم
حاولي تفهميه وان شاء الله بيقتنع
موفقه