استفسار يا طالبات جامعةملك سعود ..

[هواوي الداوي]

السلام عليكم ورحمة الله وبركاتة ​

انا حبيت اعرف رايكم يا بنات جامعة الملك سعود ​

انا في احد المنتديات قريت هذا الموضوع ابغى رايكم ​

عن سكن الطالبات ...​

الحياة في سكن طالبات جامعة الملك سعود:

***هناك بعض القوانين التعسفية في السكن التي يجب النظر فيها أو حتى تغييرها ،والقوانين هي:
1. ممنوع الطبخ (يزعم إنهم خايفين علينا من الحرايق) وتدرون برمضان وش عملوا ...خذوا القدور منا (كل هذا خوف وحرص علينا).. لااااااا وأزيدكم من الشعر بيت ،مانعين السوق اللي بالسكن يجيبوا لنا لحم ودجاج وأرز والكوسا ...تدرون على إيش عايشين (أندومي وجبنة وتونة)

وتدرون إن الأسعار مدبلة في السوق يعني ممكن في اليوم نصرف أكثر من 80 ريال وعلى هالموال كل يوم ، وإذا قربت الإجازة يحاولون قد مايقدرون بس يبون يتخلصون من الأغراض اللي عندهم وإذا طلبنا شي يقولون بعد الإجازة ...... ​

2. ممنوع منعا باتا لبس البنطلون (فعند مسك الطالبة متلبسة بالجرم المشهود تأخذ منها بأسلوب أقذر من القذر وممكن تقولك يالله بسرعه إفسخيه وجيبيه وهي قرفانه وواصله حدها قرف منك...

وللأسف إن كل رآس ماله بنطلون لاراح ولاجا لكنه يقدر يخليك تكتبين تعهد ( ويال الفشلة يوم تكتبين السبب بنطلون) ويقولون لك بنرجعه ويوم تجين تطلبينه إذا طلعتي إجازة يقولون لك وزعناها على الفقراء كما يدعون)
3. وبعد التعهد لأي جريمة إرتكبتيها مثل جوال كاميرا أو بنطلون أو بلوزة بربع كم أو لبستي العباية داخل السكن تقوم أي مشرفة بالأتصال على أهلك أو حتى مدير السكن نفسه

ويبدأ نسج القصص الخيالية القذرة التي لا تدرين إلا وأنتي البطلة فيها (البنت التي لم تربى) في نظرهم...ولولا ثقة أهلك فيك لأصبحتي في عداد الأموات في لحظة حمية من الأهل...
4. والآن قانون إقرار الزيارة وهو كالتالي:
*يحق للطالبة أربع زائرات فقط طوال مدة بقائها في السكن (واللي نسيتيه لايحرج نفسه ويجي) ويجب موافقة ولي الأمر الرسمية وليست الشفهية وختم من جهة حكومية (حتى الأم الأم يااانااااااس لازم لها إقرار زيارة).

*أوقات الزيارة يوم الإثنين من الساعة الرابعة إلى الساعة السابعة مساء ، ويوم الخميس من الساعة العاشرة صباحا حتى السابعة مساء ولكن تجلس الزائرة ساعتين فقط لا أكثر وعند تعدي الوقت يقومون بمناداة الزائرة بالمكرفون ويقولون(زائرة الطالبة...... الحضور للإشراف لإنتهاء وقت الزيارة) أمام البنات كلهم يعني ماتسوى عليها هالزيارة (بصراحه قمة الإهانة).
*عند حضور الزائرة يجب أن تحضر معها بطاقة العائلة الأصلية مع صورة لها ،فإذا لم تحضر لا تدخل السكن وبالطبع مع بعض المقبلات الحلوة من تهزيء وإحراج للزائرة و للطالبة وممكن توصل للطبق الرئيسي ( الطــــرد ) للزائرة دون مراعاة لعمر الزائرة (ماشاء الله عليهم يقومون بالواجب وأكثر).
*يجب أن تكون الزائرة من الأقارب (والله حااااالة) وياويلك لو جت صديقتك تزورك ( كأنك مدخله ولد للسكن مو بنت).
5. ممنوع منعا باتا الطلب من المطاعم الخارجية( هههههه خايفين علينا من التسمم) (والله لا يذوقكم أكل المطعم المقرف ولا يوريكم اللي نلقاه في الأكل من النظافة الزايدة طبعا...)
*مع ملاحظة : أن المطعم للغداء يفتح من 12-3 عصرا واللي يرجع من الجامعه بعد الثالثة الله لايهينه يأكل هوا ويسكت ... والعشاء من 6 –9 يعني صار عصرية مو عشاء واللي يقعد من النوم بعد التاسعة( بعد ماجاء الساعه الخامسة من دوامه) يتحمل غلطته لأنه ماراح يأكل اليوم ولا راح بعد يلحق على السوق اللي تقريبا فاضي لا وبعد كاشخ يقفل الساعة التاسعة والنصف...
6. ممنوع منعا باتا الوكالة النسائية يعني حتى أمي لو تنتحر عند الباب ماتقدر تطلعني .
7. لإدخال الكمبيوتر المحمول لازم تصريح من الجامعة إن عندي مادة حاسب أدرسها وسالفه طويله عريضة لا بعد حتى الطابعة لازم بتصريح لحالها ( صارت بطاقة أحوال مو تصريح) (وإذا دخلتي الكمبيوتر بالخش ولقووووه معاك.... غنيله بودعك يالضنا ) فيه أحد ياعالم الـــــيوم ماعنده كمبيوتر؟؟!!!

8. ممنوع منعا باتا لبس العباءة داخل السكن (أبي أعرف لييييييييه) اللي تلبس عباية كنها مو لابسه شي الله يستر علينا...
9. ممنوع التمشي بالبجامة داخل السكن (إحزرو لييييييييييييييه؟؟؟؟) لأن قصدك ياشاطرة في هذي اللحظة تغرين البنات يعني كنك الراقصة فلانه وإلا العارضة فلانه....
10. ممنوع تعزمين أحد على غرفتك وإذا رزقك ربي وجتك وجبة من وكيلك لازم تكون على قدك وإلا ماتدخل وإن حبيتي أحد يشاركك فيها ترااااااااااااك أكلتي هوااااااا.....
11. وإذا كنتي على وشك تخرج ماله داعي تحتفلين وإن حاولتي تحتفلين تأكدي إنك ماراح تكملين ثاني يوم يعني بتكونين مطروووووووووووووودة
12. وإذا إنمرضتي كولي بندول وإسكتي.... لأن دكتورة العيادة قصدي البيطرية اللي في السكن راح تشخص حالتك على طوووول حــــــالة نفسية...هذا مع بعض التطمين بقليل من الإستهزاء والتريقة...ويمكن تقولك خوذي الدوا اللي تبينه..!!!! ولو تموتين قدامها ماتعطيك عذر طبي...
13. يحق للطالبة القعدة على الإنترنت ساعة واحدة في اليوم وموأي موقع تفتحينه حتى المسنجر ياويلك وياسواد ليلك إذا جت المشرفة ولقتك فاتحته ،وتدرون كم جهاز كمبيوتر لإستخدام الإنترنت 5 بعين العدو (ماشاء الله ترى مرررررة كثييييييييييييير5كمبيوترات لـ700 طالبة) ومرة صارت هوشة بين البنات وصلت للضرب بسبب إن وحدة زودت على ساعتها خمس دقائق فقط
14. هناك دورات كمبيوتر(إدخال بيانات والمايكروسوفت والفوتوشوب)ودورة لغة انجليزية ودورة تجميل والدورة الوحدة بـ150 ريال والشهادة موثقة من الجامعة نفسها (في هذي الله يعطيهم العافية)بس المشكلة وييييييين :
*الكمبيوترات أغلبيتها خربانه (10 بعين العدو خربانة) (بس زيادة عدد) ومن عصر جدي.
*الشهادات إحلمي يطلعونها أول ماتخلصين أوبعدها بترم لا ااااااا .....
تدرون متى ،بعد مايطلعون روحك عليها وتملين وتفقدين الأمل إنك تاخذينه (لا وكاشخين حاطين في الشهادة "سكن طالبات جامعة الملك سعود"يبون يعلمون اللي وظفوك إنك من السكن) وفيه ناس تخرجت وماخذت شهاداتها...
15. يحق للمشرفة أوالمديرة بجرحك أوإحراجك بأي كلمة تريد وإنتي افتحي فمك بكلمة وشوفي وش يصيرلك .
16. ممنوع منعا باتا باتا جلب الأجهزة الكهربائية مثل (المايكرويف والفرن والخلاطة والمدفأة بأنواعها حتى توصيلة الكهرب)
ملاحظة : ترى موحاطين ولا شي من الأجهزة المذكورة بس حاطين ثلاجة (بعض الغرف مافيها) وعينين كهرب للطبخ عليهن.
17. إذا كنت تبين تسوين حفلة لك أو لأحد من البنات لازم تتبعين الأنظمة التالية :
*لازم تقولين للمشرفة قبل ما تسوين الحفلة أو حتى قبل ماتعزمين أحد (عشان ماتحرجين نفسك لورفضت المشرفة )
*لازم يكون عدد البنات في الحفلة مايتعدى السبعة (يعني بس بنات المبنى الواحد)"أقول أحسن تحتفلين لحالك بغرفتك"
*لاتحاولين تجيبين كيكة لأنه ممنوع (حفلة من غير كيكة عادي تصير في السكن)!!!!
*مايكون فيه ملابس ممنوعة،مثل( البنطلون )
*مايكون صوت المسجل عالي ولو مايكون فيه مسجل أحسن (يعني وقفت على المسجل إذا مانعين الكيكة )
يعني إذا بتتبعين أنظمة السكن في الحفلات ،إجلسي إنتي والبنات بدون صوت بس ناظروا لبعض ولو تجلس كل وحدة لحالها أحسن (عاااااادي مايحتاج يجتمعن البنات )​

انا نقلته بالحرف نسخ لصق اتمنى تردون علي​

 

[قلـب طفلـه]

خييييييييييييير مااتوقع ابد كذا السكن باالجامعه>> وانا ماابعرفش

وشسمه بس احس لو كذا كان مااصار فيه احد ابد تعقيد مره >>محد بيروح للموت بيده

بس انتي اسآلي كمااان لاتربطين نفسك بهذا الكلام يمكن هذي منقهره او بتشووه صوره

الله يوفقك يارب

 

[وردة كرستالية]

انا اتوقع كذا وش مصلحتها تكذب اختي بالجامعه تقول صح بس موب كل شي مومتاكده من بعض الاشياء

 

[هواوي الداوي]

هلا والله خواتي " قلب طفله + وردة كرستالية "

الله يعطيك الف عافيه يا رب
و اشكر مروركم

 

[نسيـم]

تأكدي قلبي..

ترا البنات طبعهم يبالغون مرة لما ينقهرون..

اسألي وحدة عاقلة وتقول الحق ولو على نفسها..

أذكر لما فتحت جامعتنا الجديدة بمنطقتنا سووا البنات بالنت طهبلة مااااااالها داعي وسب وأشياء وأنا اللي في نفس المكان اللي يتكلمون عنه ماأوافقهم..

مثل ما قاعدين يتكلمون عن أشخاص ويسبونهم سب وهم مالهم ومال حالهم..

ترا كثير من الناس بمجتمعنا العربي يستغلون التقنية (والنك نيمات) بأشياء مو حلوة ،، ولو الوحدة واثقة وصادقة كان تكلمت للمسؤولين بلسانها وأقنعتهم..

أهم شي تأكدي..

 

[هواوي الداوي]

الله يعطيك العافيه اختي " نسيم "
اشكر مرورك الكريم

 

[rawiah]

يووووووووووووه وش ذا العذاب سجن ذا مو سكن

 

[الضحكة الزائفة]

أنا من طالبات هالجامعة :icon-mos: والنعم :cupidarrow:

وصاحبتي جربت تسكن بسكن الجامعة عشانه ببلاش لإنها كانت تسكن بسكن خارجي قبل ..

وقالت نفس اغلب الكلام المذكور .. كان مسموح لهم يلبسون ثوب مدري دشداشة او بيجامة فضفاضة بس :shiny:

وكانت كل اسبوع تروح لأهلها بالدمام .. وكل مرة ترجع السكن لازم تفتيش ع الأغراض ..

واللي مايعجبهم بأغراضها يتم لطشه :icon31:

هذا غير التفتيش المفاجيء ع الشقة عشان يشوفوا البنات ملتزمين بالقوانين ولالا من حيث اللبس والأشياءات الثانية ..

واذا تأخرتي بالجامعه لازم اثبات من الأستاذة انك كنتي متأخره عشان المحاضرة او اختبار .. عشان يثبت انك كنتي بالجامعه ..

وش بعد اممممممم ايه صح .. هذا من ناحية السكن اما البنات فبعضهم يكونوا قليلات ادب وهيك ..

بس من حظها طاحت على بنات طيوبات ..

هذا اللي اذكره من كلامها .. هي الحين فصلت من السكن والجامعه :sad_1:

موفقه ..

 

[لبى قلبهـْْ]

انا مااسمعت عن كل هالانظمه بس في منها صح ومتأكده منهااا
انا من طالبات جماعة الملك سعود وكنت بسجل في سكن الجامعه واشوا ماسجلت فيه
- البنطلوون ممنوع ولااازم تلبسين طوييل
- مااحد يطلعك من السكن الا ولي امرك ولو تزوجتي بعدين واسم زوجك موو مكتوب عندهم ماايطلعونك معاه لو تطلع عيووونك ابوك الي موقع ابوك اللي يطلعك
- لازم ورقه عشان تدخلين معاك الاب توب
- خدمات النت جدا سيئه
- الجوال بكاميرا ممنوووووووووع
- يتفشون فجأة ويفتشون حتى لو انتي مو موجوده
- من 3 شهور صار حفل تخرجنا ونعرف بنات من السكن كلمونا واهم مقهورين ماارضو يطلعونهم للحفل بس بعدين جااو مسااااااااكين بعد الترجي وطلعة الروح
- المكان سجن امها دااعيه عليها الي تروحه

 

[سحر اللوتس]

ههههههههههههه

شر البلية مايضحك :nosweat:

واللهِ ياخيتوو مابعرف شي عن الجامعه والسكن

لأني لس طالبة مستجده :cupidarrow:

بس ليش كل هالقوانين السخيفه واللي مالها معنى بالسكن
مع إن الجااامعه نفسهااااا كل شي فيها مسمووووح !!!!

اممممممم شي يحير فعلآ ويمكن كلامك هذا من وحده مقهووره وصارت تبالغ :nosweat:




على فكره تعرفي انو جامعة الملك سعوود تحتل المركز الأول بين الجامعات العربيه جمييييييعهاااا

وتعرفي انها تحتل المركز 197 من بين 200 جامعه عاالميه>> يعني احسن بكثيييييييييييير من غييرنا :msn-wink:..

اما على السكن ماادري عنه يبغالوا دراسه عشان نشوف ايش المراكز اللي رح يحتلها:smoke1:

>> مو كأني طلعت برا موضوعك :bleh:

 

[اوراق ملونة]

حبيباتى البنوتات...

اكيد هذه القوانين خوفا منهم عليكن وعلى اعراضكن...والاماكانت قد وضعت

فكرى ....انك امانه فى ايديهم ....مجموعه بنات واعراضهن امانه عندهم.......لازم تصرفهم يكون قاسى معهم

حفاظا عليكن ......غاليتى سمعت الكثير والكثير عن السكن الجامعى والمهازل التى تحدث به وضياع

الاعراض بسبب التسيب بالقوانين ...........فهذه القوانين ان كانت قاسيه .....فماهى الا للحفاظ

عليكن ولتصلن الى يد اهلكن مثقفات كاملات لاينقصكن شيء بدون فقد اعراضكن...

اعدن التفكير ولاداعى لتشوية سمعة السكن فهناك من هو بامس الحاجه للسكن ....لاتغلقوا الابواب

فى وجوههن بهذا الكلام........

كما ان حضوركن للجامعه للدراسه والعلم ....ليس للتنزه والطلعات ......

والله يوفقكم جميعا ...

اوراق ملونة

 

[وردة كرستالية]

:harhar1:اما طلعتي فانتي طلعتييييييييييييييييييييييييييييي مممممممممممممممممممره رهيبه يا معلومات بس اسمحيلي مركزها متاخر197 بعيده ميرالله يسلمهم بس تضل حلم من احلامي سابقا هههي بس شكلها امي موداعيه علي الحمدلله لاني كنت ابي السكن بعدين تصعب الموضوع عند اهلي الكرام ونسيت الحلم