استفسار يادكتورة

[springbeauty]

مرحبا دكتورة الله يعطيك العافيه


انا ابني عمره سنه ونصف وجاته حرارة واذا اعطيته شراب خافض للحراره يستفرغ وحتى شراب الكحه لدرجة اني ماصرت اعطيه اي علاج بس صرت اعطيه تحاميل ابغى اسأل هل التحاميل تضر لاني سمعت من دكتور انه ممكن تسبب عدم القدرة في التحكم بالمستقيم وممكن تضر فتحة الشرج
وعندي استفسار ثاني لما تعب ابني صارت تطلع من فمه ريحه كريهه وش السبب وكيف ممكن انظف اللسان عنده هل فيه شيء معين استخدمه .وابغى اسأل اذا فيه شيء يزيل البلغم عند الاطفال غير الادوية ؟

 

[د/همسه هذيل]

السلام عليكم عزيزتي :
بالنسبه لمخفض الحرارة ما فيها شئ عادي التحاميل ما لها تأثير جانبي في العكس سريعة المفعول و صغيرة مرة ممكن تقصميه نصين اذا خايفه و هي انوجدت عشان اذا كان مع الحرارة ترجيع ...
بالنسبه لرائحة الفم هو اختي لما ينسد انفه يقوم يركز التنفس كله من الفم لذلك استمراريه التنفس من الفم تؤدي الى جفاف الفم و بالتالي يتكون وسط مناسب لنمو البكتيريا اللي اطلع الرائحه و لذلك هي بتروح لحالها لما يرجع يتنفس طبيعي هذا كله بس اعراض المرض حتى في الكبار يصير كذا اذا مضايقه من الرائحه خليه يتمضمض كل شوي عشان يضل رطب الفم ممكن يتمضمض بمطهرات الفم و يفرش لسانه بالفرشاه و المعجون بشويش و خلاص .. كل ما يشكو منه طبيعي جدا ..
بالنسبه للبلغم لا انصحك بطاردات البلغم لان اكتشف لا تنفع شئ لذلك ما عليك غير تشربيه اشياء ساخنه على طول عشان تذيب البلغم من زهزرات و بابونج و يانسون كل هذه الاشياء مفيده و يتبخر كل يوم و تحطين له في الغلرفه البابونج و اذا رجع مو مشكله عشان يطلع البلغم مع الترجيع و الحليب يخف من شربه شوي عشان يزيد البلغم بس مؤقتا لحد ما يشفى تماما ...
وفقك الله .. و الله يحفظلك اياه و يحميه يا رب ..