استفتاء للمتزوجات: ايش رآيكم بزواج توآم من توآم؟ ايجابياته وسلبياته؟

[رقيــقة آلمشاعر]

آلسلآم عليكم ورحمته الله وبركاته ,,

بنات عمي توآم وعلى وشك الزواج والمشكله عمي وعمتي مصرين يخطبونلهم توآم مثلهم
ووحده موافقه ووحده رافضه وبشده منهم بحكم انها تقول انها ماراح تنبسط وبيكون في سلبيات كثيره
اذا هي واختها صاروا سلايف وكذا ومن ناحية الغيره برضو!!

يعني كلنا نعرف ان التوآم يتفقوا بآشياء وما يتفقوا بآشياء ثانيه ودائما يكون احد التوآئم موهوب اكثر وواحد يحب يسافر اكثر ...والخ من اخوه
ولا فيه ميزات احسن وكذا وهي خايفه من هالنقطه بالذات لانه اكيد بيكون في مقارنات ووحده بتحسد الثانيه على زوجها الي هو التوآم الفله الي اخذته عنها وبتكون في مشاحنات بين الاخوات ولا الازواج لا قدر الله

بالنسبه للتوآم الثانيه وجهة نظرها انه لو هي واختها يكونوا سلايف احسن من وحده غيرها تكون سلايف معها وكذا ...يعني بيفهمون بعض هي واختها ويراعون بعض :35:

ايش رايكم وايش وجهة نظركم؟
:4:

 

[انا رائعه]

عمك بيخطب لبناته توأم ؟؟
او قصدك بيزوجهم اخوان و بس

اذا قصدك اخوان فانا اشوف الوضع عادي جدا
لاني انا و اختي سلايف و الوضع جدا مرييييييييييح واختي اتمنى لها كل الخير مافيها غيره ولا حسد ولا شي

الدنيا ارزاق يعني لو اختي متزوجه واحد مايقرب لزوجي و مبسوطه في حياتها بغار منها ؟؟
لا طبعا
خليها تشيل من راسها هالتفكير و تتوكل على الله
الحياة مره روعه مع اختي
ابات عندها او تبات عندي عيالها كانهم عيالي و اغراض الطبخ و الضيافات و الزيارات متعاونين فيها
وناسه الصراحه

 

[غايتي جنته]

انا اشوف الخوات ما بينهم غيره


خاصه اذا علاقته طبيعيه ..

مدري اشوف هالشي يعتمد على النصيب أكثر

 

[ميسونونو]

والله ماعندي علم عن الموضوع بس حبيت ارفعه

 

[رقيــقة آلمشاعر]

غايتي جنته

هو صح نصيب ماقلنا شي بس المشكله حتى بالنصيب الغيره بالسلايف تقوم يعني السلايف غالبا يغارون من بعض
فايش بالك باختين توام كل وحده فيهم ماخذه واحد نفس الثاني اللهم وحده نصيبها يحبها اكثر من الثانيه ولا مدلعها اكثر والثانيه ملاحظه وساكته ..يعني لو انهم مو اخوان ومو نفس التربيه مو من نفس البيت قلنا عادي

ميسونونو
مشكوره قلبي

 

[رقيــقة آلمشاعر]

انا رائعه

تسلمين قلبي كلامك صحيح مافي اي شي غلط
وباحاول اقولها واقنعها باستفتائك ورايك ^^
ماعدمناك

 

[نحمدة ونشكره]

احنا عدنا في عاداتنا مانزوج اخوات لاخوان لانهم وحدة تكون سعيدة وحدة تصير تعيسه يعني مانشجع هذا الموضوع

 

[fl0o0ry]

عمك بيخطب لبناته كيف ؟؟؟

انا ماشوف انه مشكله لاتزوجوا سلايف بس يعني هما تقدمولهم خطاب تؤام ولابس كده كلام

 

[رقيــقة آلمشاعر]

نحمده ونشكره

ايه واحنا بعد بس لانهم توآم استثنوهم ^^

فلوري

لا بس كلام حاليا والله يكتب الي فيه الخير يارب

 

[رندا كووول]

بالعكس حلوه اخوات وسلايف
وكل وحده تتمنى لاختها الخير
اخواني التوأم زوجناهم اختين مو توأم وحياتهم ماشاءالله روعه ..سفرات وخرجات واسواق كله مع بعض ومبسوطين واولادهم يناموا مع بعض كل مره ف بيت وكأنهم اخوان ,,
وليييه هي حاطه الغيره ف بالها؟؟
مو كل السلايف بينهم غيره ..
وانا واختي سلايف وما بينا غيره ..كل وحده ونصيبها ولاتقارن حياتها بأحد علشان ماتتعب..
والله يوفقهم

 

[رقيــقة آلمشاعر]

ويووفقك ويوفقهم يااارب
كلامك صحيح بس الغيره بالتوآم لابد منها لانهم طول عمرهم والناس يقارنوهم ببعض
تسلميلي حبيبتي ع مرورك

 

[الاحساس الجرئ]

عمممممممممممره مابين الأخوات غيره..بالعكس دايما الأخوات قلوبهم على بعض ويفرحو لبعض!!!!!!!!

 

[رقيــقة آلمشاعر]

آدري حبيبتي بس هالتوآم الي آعرفهم يغارون من بعض مره هههه
دايم كل وحده تقول عن الثانيه ليش هي عندها وانا ماعندي وليش وليش
لآن الناس يقارنون بينهم كثير وصاروا كذا

الله يعين

 

[حلااميرة الزوق]

دعيهم يستخيرو

 

[*زيزو*]

الاستخاره اهم شي

واذا هي بتفكر بالغيره وبتقارن اكيد بتتعب بحياتها

 

[whisper of me]

انا اقول لا وبشده اهما قاعين يربطون حياتهم ببعض مع ان خلاص كل وحده لازم تتزوج وتعيش حياتها الخاصه من غير ما تأثر عليها حياة اختها واللي اكيد اذا كانوا متزوجين اخوان بيكونون شغلهم الشاغل ,, افلان ليه ماسفر اختي , افلان ليه ما عطاها مصروف , افلان ليش يقولها كذا على كيفه روح كلم اخوك ....الخ
وبعدين انا اعرف خوات تزوجوا اخوان ما كملوا يومين الا هم مطلقين ليييه ؟؟؟!! لان وحده منهم لسانها طويل فغلطة على زوجها فطلقها راح اخوه طلق اختها ليييييش !!! اشذنب هذيك مادري

 

[متزوجه ولكن]

شي راجع للبنات ورايهم
بس انا اشوفها مررره حلوه توئم ياخذون توئم

 

[رقيــقة آلمشاعر]

حلااميرة الزوق

آن شااءالله حبيبتي هو مافي احسن من الاستخاره
تسلميلي

زيزو

آكيد بتتعب بس هي عشان كذا عايفه السالفه
تسلميلي قلبي


whisper of me

تفكيري من تفكيرك والله لاني اعرفهم زين واعرف انه اصلا زواج الاخوان مو دايم
ينجح وله معقبات
ومشكوره على رايك

 

[متزوجه ولكن]

على فكره عندنا توئم بالعايله بس ماتزوجن لكن ماعندهم مانع بالعكس يفضلون توئم

 

[مطرية]

أشوف لو مايكونو سلايف احسن

بالاخص واحده منهم مو موافقه

معناتها تعرف طباعها وطباع اختها انو امكانيه المشاكل كبيره