استشاره

[روابي1]

السلام عليكم ورحمة الله وبركاته

عندي سؤال وليت الكل يجاوب علي وتحط مكانها مكاني
لو اكتشفتي بعد كم شهر ان زوجك قايل لاهله عن مشكله صايره بينكم واخوانه قالوا لزوجاتهم ..
والمشكله كلها سوء فهم وحطوا الغلط عليك انتي ..

وبعد ماراحت السالفه وانتي ماتدرين ان انقال هالشيء عنك من وراك اكتشفتيها بالصدفه ..

كيف يكون تصرفك معه .؟؟
مع العلم هذي اول سنه زواج
هل عادي الزوج يقول لاهله اشيياء خصوصيه في اول الزواج ؟؟

مره منقهره صراحه وودي اواجهه بس كيف ؟

 

[وايليه]

السلام عليكم
حاولي في قعده حلوه تناقشيه وتفهميه أن مايطلع مشاكلكم لهله وبيني له أن حريم أخوانه كلهم يعرفون اللي صار من الزواجهم

 

[زوجه مؤدبه]

عااااااادي صارحيه وعلميه ان الكل عرف بالسالفه بتلقينه حتى هو بينقهر .

 

[MINT]

انا اقوول حاولي تسوين حركااااات بحيث يلاحظ انك مو على بعظك __ زعلانه يعني __
واذا لاحظ عليك وسالك قولي اللي عرفتيه وانه ماعجبك اللي صار واسئليه لو عرف من قريبه مو كان بيزعل لانها من خصوصياتكم وخلك حااااازمه لازم ياخذ موقف علشان مايعيدها وبهدوء وبتفاهم جهزي كلام تقولينه

 

[روابي1]

مشكورين يعطيكم العافيه ..

انتظر البقيه

 

[زمان الوصل]

نعم أخبريه
لكن
ليس بطريقة المحاسبة
بل أروي له كيف سمعتي الخبر
ومدى إندهاشك
وشعور الإحراج الذي إنتابك
وركزي على مشاعرك وصفيها بما شئتي
وأظهري صدمتك منه كيف رضى على أن يهين صورتك أمامهم
طبعاً راعي الإسلوب الهادئ
والمظهر الحزين المنكسر
وليس الحزين المكشر
وأعطيه أمثلة على أن إطلاع الآخرين على مشاكلكما يصغركما في أعينهم

 

[ROSES BLOOM]

أنا علشان جذي دايما انصح البنات ما يطلعون مشاكلهم برا بيت الزوجية
حبيبتي انتي تنسين و تلاقينه اهوا بعد ناسي بس الناس طول عمرهم بيتمون ذاكرين
انا من رايي قوليله و طلعي اللي بقلبج بس بذكاء و انوثه و دلع
و ان رفع صوته و عصب لانه بعض الرجال لمن ينحرج يحاول يقلبها هوشه لانه ما يكون عنده رد
حاولي تمتصين غضبه ، يا حبيبي يا حياتي انا مو قاعده احاسبك او اتهاوش معاك
و الباجي عليج

 

[الجواااان]

حبيبتي كل شي ولا الامور الخاصه تطلع برى البيت اجلسي مع زوجك وكلميه ان فيه كلام وصلك وقولي حتى حريم اخوانك صاروا يتكلمون عن ذا السالفه وقوليله تخيل يصير بيني وبينك سوء تفاهم وانقله لاهلي كلهم وش بتكون ردة فعلك .....انا اقول ماتسكتين عن السالفه

 

[القلب المهجور]

الله يعينك ويبرد على قلبك

 

[متزوجه ولكن]

انا زوجي اي شي يصير بيننا على طول عند اهله
تخيلي اشياء تافهه
مره طلبت منه آيسكريم من محل معين راح قالهم
كل شي يقوله لهم بعكس اخوه محد يدري عنهم

دايم اقوله لاتقول لاهلك خصوصا اذا شي ماينقال
صار مايقول الاشياء الكبيره احيانا
لكن اشياء تافهه مررره يقولها


حاولي تصارحينه
فهميه ان مشاكلكم ماتطلع برا البيت
ترى الرجل في اول زواجه مايعرف يتصرف وكل شي يقوله لاهله