استشاره يا استاذه ناعمه

ا

الماسة بس حساسة

New member
إنضم
2007/04/25
المشاركات
12
السلام عليكم
اختصارا لاني مااحب الكتابه على الكيب وورد
انا متزوجه من عمر وعلاقتي مع زوجي حلوة والحمد لله
بس شفت مع زوجي مقاطع بلوتوث مخله وضاق صدري منها مب عارفه وش اسوي مع العلم اني شفتها من غير مايدري وش رايك يااستاذه هل افاتحه او اسكت وكيف اكلمه ردي علي الله يعافيك ضروري لان مب قادره اطالعه
بليزززززززززززززززززز...................................:icon1366: :busted_red:
 
اختي الله يعينج
بس من رايي لا تفاتحينة لانج ما راح تستفيدين
بس قطي عليه نغزات وهو يفهم مثل قوليلة صديقتي شافت عند ريلها بلوتوث........وهي نفسيتها تعبانة من السالفة وانت بحكم انك ريال وتخاف الله ودي تشور علي شقولها عشان ترتاح وتخلي زوجها يوخر عن هالعادة وتدري هذا زنا والعين تزني وودي اساعدها ....
ومن هالكلام لانة اذا حسستيه انج دريتي راح يسوي الشي من وراج وماراح يتركة
وبهالطريقة اللي قتلج اياها راح تنصحينة بطريقة غير مباشرة وبنفس الوقت مايدري انج تدرين
احسن لج عشان صورته جدامج ما تهتز وهذي نزوة وتعدي وانتي بذكائج تغييرينة للافضل

والله يوفقج
 
اختي لا تفاتحيه حاولي تمسكي التلفون وتلغي المقاطع واعطي التلفون احد من اولادك كأن هو لعب بالتلفون ولغى المقاطع وشوفي ردة فعله والله يهدي ابناء المسلمين
 
لا تفتحين ابواب مقفله على نفسك

هو يعرف ان هذا حلال وحرام ...

وهذه المشكلة صايرة منتشرة بشكل مو طبيعي

اذا هو مو متغير عليك ..اتركيه لا تكلمينه

هو مو طفل ..

لكن اذا لقيتي فرصة مناسبة لمحي له ان هذه مشكلة منتشرة وان هذا شي حرام ومقزز

الله يهديكم
 
احذفي هالصور من تلفيونه وبينيله شو بيصير لو طاح هالتلفون بيد حد شو بيقولون عنه...يمكن ما يقصد...الله يلعن البلوتوث وشره يمكن فعلا مب قصده....خليه يلغيه ولا تفكري بالموضوع وكل وحدة تعرف طبيعة ريلها واذا هالحركة مقصودة ولا لا.
 

الحلال بين و الحرام بين و هو أدرى في هالشي ..... وأنا عن نفسي ما أحب حد يفتش في أغراضي أو موبايلي من وراي .. و الريايييل أخس مني .. بصراحة الموبايل أعتبره شي خاص بس إذا حد بيطلبه مني مثلا يتصفح في خانة ( الصور و الإستديو ) ما عندي مانع بس جدامي ... فإنتي إذا زوجج عادي عنده تمسكين الموبايل و تدخلين فيه مكان ما تبين .. اكشفي هالبلوتوثات جدامه و واجهيه بس لا تضاربينه نصيحة ما راح تستفيدين شي إنتي إلي عليج إنج تنصحينه و قوليه إن العين تزني و الأذن تزني فخاف ربك في إلي تسويه ترى ما يسوى تغضب ربك .​
​

خذيه بالنصيحة لكن إنج تلغين هالبلوتوثات من غير علمه ما شي فايده بيرد و بييب غيرهم .. الله يهديه .​

​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل