استشاره سريعه تكفون

[رحيل الوقت]

زوجي كشفت كالعاده انه معه فلوس وتوني مكلمته يقول ما صرفت من الصرافه

وانا توني مرتبه المجلس ولاقيه معه فلوووس وش اسوي قولوا لي

ابي ابين له اني من جد ما ابيه يستغفلني

تعبت من كذبه علي حتى المطبخ يوم اقوله ناقص ما معي انا مو مقصر انا وانا

يا ناس تعبت اقسم بالله ودي ابكي انا الحين ودي اواجهه اللي تايدني او اللي تعارضني تقولي


تكفون دلوني

 

[لؤلؤة وطنى]

الله يعينك .شو اقولك كلميه وقوليله انا ماني غبية انا فهماتك عدل ..ولاتزعلين كلهم كذا.....

 

[ice creeem]

حبيبتي واجهيه اذا هو مو قد الزواج والصرف ليش يتزوج

 

[تجرح وتنساني]

لاتواجهيه

حبيبتي اخذي الفلوس وخبيها عندك واذاسالك عنها واجهيه الله يوفقك

 

[شخصية قيادية]

وش بتستفيدي من المواجه
اذا انتي متأكدة انك بتطلع بنتيجة واجهيه ولا دوري لك حل انفع
وكثري من الاستغفار لعل الله يدلك لطريقة احسن

 

[ياربي افرجها]

من لاحيله له فليحتال
مو تقولين سالتيه وقال مامعي فلوس
ولقيتي الفلوس بالمجلس خلاص اخذيها واصرفيه ولامن شاف ولا من دري
ولا راح يتجرء يقول لك وين الفلوس
واذا قال فيه فلوس وكانت بالمجلس والخ والخ والخ
اقلبي السالفه عليه وقولي معك فلوس ومخبي علي وليش تكذب علي ومن هالكلام
وقولي احسن ربي عاقبك وضاعت الفلوس
والله انا صاير هذا نظامي مع زوجي اعامله زي مايقلب علي اي سالفه

 

[رحيل الوقت]

تدرون خاطري اخذ الفلوس صدقوني ما عبرت له ابد اني عارفه شي بس هو حاس ان وراي زعله واني كشفت شي وهو عارف بس ساكت

تدرون هو طلع الحين مشكورات على مساعدتكم

فعلا لو ضاعت ما بيعلمني واحسن عشان يتربى رغم اني خايفه

 

[ام خالوودي وبس]

الله يهديلك زوجك ويصلح حالكم ولا تزعلين خلص انتي سوي الي بملى عليكي ضميرك يا تاخدي الفلوس وار رجعيها بس حطيها في مكان غير الي شفتيه فيها عشان يحس انك عرفتي انو معاه فلوس واذا دخل المجلس وشاف الفوس في مكان ثاني واذا طلع اطلبي منه وشوفي ردة فعله واكيد باذن الله انو رح يحس بغلطه ويعطيكي ان شاء الله

 

[عذبني الليل]

اختاري الوقت المناسب للمواجهه== وبكا هدوء تكلمي معاه لاتستخدمي كلامات جارحه قولي خل نتفق على طريقه لصرف وانا معاك للادخار 00وسوي جدول للمصاريف وزي الحصاله لوقت الحاجه وخليك هاديه وتبغين مصلحتكم 00وبلغينا ايش يصير معاك وايش ردة فعله

 

[الملكــROZ ـــه]

ليش يا اختي انتي موظفه؟؟؟؟؟؟؟؟
اذا ايه طبيعي انه يسوي كذا

واذا لا زي ما قالت وحده من الاخوات غيري مكان الفلوس وخليه يحس بانك عرفتي ولا تواجهينه ابد لان حركتك هذه تكفي

لان لو واجهتيه ما رح يخبي فلوس بالبيت رح يخليها دائما بالصرافه

والله يهديه

 

[رحيل الوقت]

شلت الجاكيت في الصاله يمكن يحس اني كشفته لاني ابي اشوف هو صرفها امس ولا اليوم عشان انا طلبته طلبات وتعذر لي بانه لسى ما صرف يعني يا ناس لو انه ما يخبي اقسم بالله اني بتغاضى عن اشياء واجد فيه بس هو ليه يخبي خايف اخذ فلوس خايف اطلب

يا ناس هو يعطيني مصروف ليه خايف اعرف ليه


انا اطلب من غير شي يعني لو شفت الفلوس بيصير ما فيه حجه له

بتكلم معه وبشوف وارد عليم حبيباتي مشكورات

 

[اكره وداعك]

خذيها واذا سالك قولي ماهي فلوسك انت تقول مامعاك

 

[مغريه]

الله يعين الجميع انا ايد انج تاخذ الفلوس اة تغيرمكانها بس خاف مو له حق واحد من ربعه هم حرام بس اذا عنده فلوس بالمصرف ليش لا يسد رفيجه اخذيهم احسن علشان يتعلم مايسوي جذب

 

[ضَوءْ]

الفلوس من حق زوجك طوول مآآهو يعطيك كفآيتك حسب قدرته مالك حق بغيرها

وبعدين مآتدرين يمكن هاالفلوس رآيحه ومنتهي آمرها آما انه نآوي يسدد فيها دين آو يشتري شي آو آحد حآفظها عنده

آنتم تملكتم آزوآجكم وفلوسهم ؟؟

وصآر الوآحد فيهم ملزم يقدم لزوجته كشف حسآب عن كل مصروفآته ؟؟؟؟


لاتضيقين الخنآق على زوجك وتخسرينه وآعطيه مسآحه كآفيه لحريته


وإذا نآقصك شي عمر القوه والموآجهه ماتجيب نتيجه


وتدرين متى يدفع الرجآل ويفتح جيبه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


إذا حب زوجته


الرجل إذا حب يدفع وبسس

كل وحده ترآجع حسآباتها مع زوجها

والله يهدي لك زوجك

 

[رحيل الوقت]

مو هذا اللي انا حاسته يا ضوء انه ما يحبني

هو يعطيني كفاية شخصيه لان بعد طلعة الروح اقتنع فيها ويحسبها علي منه يعني انه مو من حقوقي واحمد ربي عطاني

لكن البيت لا المطبخ لا لابد يكون الشي ذا ضروري رز زيت بصل طماطم وتدرين ما يجيب الا اذا هو يبي طبخه معينه اذا يبي ورق عنب جاب اغراض ورق العنب وده شي معين يجيب وبعدها يقول جبت وجبت وانا اعرف ليه جاب


يا ستي بمشي معاك للآخر واقول لك انه يبي يسد دين وانا وين رحت بيتي اللي يقول انا مو مقصر بيتي ما حط فيه غير الصاله وغرفة النوم والمطبخ

مالي خاطر افرش غرفة جلوس ما خاطري اجيب طاوله احط عليها شي كل اللي عندي أواني بالمطبخ هدايا ويكون بعلمك ماهي منه ولا شي امي تعطيني من وقت والثاني ولو اتكلت عليه ما جاب شي رحت وجبت للمطبخ اللي خاطري اجيبه

هو انا عارفه ما يحبني يحب نفسه وبس

حبيبتي انا اشوف وش يشتري لنفسه ووش يسوي تجيه فلووووووووووس واقعد اتفرج واذا طلبت والله خلصت

أسالك بالله بعد هذا كله تبيني ما ازعل وما اناضر ياستي صرت اشوف عمتي وهي امه وش تجيب بمطبخها وانا وش بمطبخي

اسالك بالله لا تتكلمين وانتي منتي حاسه بالنار لان انتي ايدك بميه

 

[ضَوءْ]

اسالك بالله لا تتكلمين وانتي منتي حاسه بالنار لان انتي ايدك بميه

والله ياالغلا يدي باالنآر ويمكن آكثر منك ومآتكلمت إلا آبي مصلحتك وتحطين يدك على الجرح تمآم وتعآلجينه

مبين زوجك مآيصرف وقآصر عن الصرف حتى عن آسآسيآت البيت

حآولي تتفآهمين معه آنك تآخذين منه مصروف شهري حتى وآن قل بس مع الاستمرآر تقدرين توفرين منه

مآيحب بكيفه عسآآه مآحب بس المصروف يصرف

الحقوق تنتزع ولا تعطى

الله يعينك ويسخر لك زوجك ويفرج همك