استشارهـ لأصحاب العقول التجاريـه .. عاجل جدا ً

[Ms.RoZa]

السلام عليكم ورحمة الله وبركاته



امسيكم بالخير جميعا ً ..:blushing:


اتمنى من كل قلبي احصل بينكم من تساعدني في موضوعي الي أرقني كثيــر وانا مالي غير الله ثم انتم
انا انسانه بدائيه في الأستثمار .. وماعندي خلفيه كبيره في مجال التجاره


عندي مبلغ من المال .. واحب استثمره ..
لاكن المبلغ ماراح يجيب لي بيت او عماره ..للأستثمار !



فكرت اني أشتري استراحه لأكن بصراحه انا ماعندي احد يساعدني ابد

والأستراحه يبيلها متابعه ورجل يسأل ويبحث عن الإيجارات


وانا وحدانيه يا اخوات .. :tears:


وافكر في استقدام خياطه .. واخليها تخيط عندي بالبيت بدون ما افتح محل
لاكن متردده لأن مااضمن ربحها بعد واخاف افشل ! ! !


ارجووووكم حبيباتي لاتردوني ساعدوني بأفكاركم واقترحاتكم

بأذن الله لكم دعوه صادقه من كل قلبي ومن امي بعد للي تساعدني


:icon26: الف شكر :icon26:

 

[nada]

هلا يا قلبي مون قيرل

بالنسبه لفكره الاستراحه حلوه ممكن تحلين مشكلة المتابعه بانك تخلين عليها حارس

هو يهتم بموضوع الاستراحه مثل اغلب الاستراحات اللي عندنا

او من جهه اخرى ممكن تبدئين بانك تشتركين مع صديقه او قريبه لك

في شراء الاستراحه ومتابعتها ليخف الحمل عنك

:::::::::::::::::::::::

اما موضوع الخياطه فكره مبدئيه جيده ابدئي بها من منزلك و للمعارف

واكثري من الدعايه

ولا تيأسي ابدا

خطوه خطوه وستنجحين باذن الله

تحياتي لك ​

 

[Ms.RoZa]

7
7
كل الشكر لك حبيبتي ندى ولردك يالغلا ..
شجعتيني ياقلبي ع الفكره لآكن الحارس مين بيتابعه بعد

لازمه رجال يخاف منه ... وهذا الي مخليني اتردد

كل الشكر لك حببتي .. الله يجزاك الف خير

انتظر راي البقيه

 

[المها]

أختي الغالية أنا ما أعرف من أي بلد أنتي...لكن غالب البلدان الخليجية فيها مشاريع عقارية متميزة..

واذا كنت من السعودية يمكنك شراء شقة في مشروع الملك عبدالعزيز اعلاناته في كل الجرائد وأحذري من الشركات الغير موثوقة لأنهم ممكن ياخذون المبلغ ويماطلونك سنييييين لي تستلمين المبلغ أو الشقة!!

أو حتى يمكنك شراء شقة صغيرة في أي منطقة قريبة من عندكم وفي مكاتب تستلم إدارتها وكل الصيانة وحتى استلام الأيجار مقابل نسبة 10% على ما أظن..

أما بخصوص المشاريع التجارية...معاك حق أن الموضوع فيه ربح وخسارة وإذا كنتي مستعدة توكلي على الله وأبدي...

وربي يوفقك ويرزقك من حيث لا تحتسبي..

​

 

[Ms.RoZa]

المها

الف شكر لك غلاتي على نصايحك .. وربي كلامك درر .. ياعساني ما أعدمك :in_love:

انا راح افكر بكلامك واستخير لأنه دخل مزاجي حيييييييل ..

وانا من السعوديه على فكره .. ومن الرياض تحديدا ً ..

الف الف الف شكر لك حبوووووووووووبتي :icon26:

والله يجعلها في ميزان حسناتك يارب

ولازلنا نطمع بنصايح البقيه من الأخوات

كل الشكر والتقدير لمن مر من هنا

 

[*الدلع قصيمي*]

الله يرزقك الرزق الحلال....


الاستراحة حطيها عند مكتب عقار وهويديرها لك..

 

[عطر الليل؛؛؛]

هل لديك الاستعداد أنك تمولين عقول تجارية تفتقر للمادة وهم يتكفلون بالعمل ؟..

والارباح شراكه بينك وبينها ؟

بالضمانات اللي تحبيها ..

وتتقابلين معها وجها لوجه ...

وهي على فكرة شخصية معروفة في الوسط الإجتماعي وخصوصا الخيري ..

و لما تعرفين إسمها وتسألين عنها راح تفاجئك سمعتها الطيبة و المشهورة بنفس الوقت ..

إذا حابة راسليني وما يكون خاطرك الا طيب ...

 

[عطر الليل؛؛؛]

على فكرة ..

هي من الرياض أيضاً ..

وتعتبر مدربة مدربات ..

وتخصصها في تنمية الموارد البشرية ...

ولديها موهبة الابتكار ودراسة الجدوى المستوفية ...

ولديها الوقت والقدرة والقوة لإدارة المشروع بنفسها ...

هي انسانة عزيزة على قلبي ساندتني كثيراً أحببت أن أساعدها وأساعدك و أوصلكم ببعض ...