استشارة

[shooq11]

يأخواتي ما عرفت اين اضع الموضوع ولكن اخترت هذا القسم بحكم خبرتكم...
اكتشفت قبل كم شهر ان اخي يتحدث مع وحدة وهو غير متزوج ..وهو تو متوظف وعلى وجه زواج فصار يرمي لنا بأتزوج وحنا نقول يالله اذا احد في بالك قول...ومرات يقول دوروا ...السؤال الآن ماذا نفعل هل نواجهه وماهي تبعات المواجهة ..وبصراحة يعني ما يصير يتزوج وحدة يكلمها هذي خانت أهلها كيف اقنعه هو اصغر مني ..وغير كذا يعني أول مرة يعاكس وعلى طول يشبك وأنا متأكدة من هذي النقطة ...وانا مقهورة.... حاسة انها عارفتنا من رسايله لها...فما الحل تكفون

 

[مستمعه]

شوفي عيني من اللي فهمته من كلامك انه يبي يتزوج خلاص دور له ع عروس وقولو بنت افلان

اغلب الشباب جذي يغازل بس لما يجي الجد مايبي ياخذ اللي يكلمهاااا

عسى اكون افدتك لاني ماحبيت اقرا موضوعك واطلع

 

[shooq11]

شاكرة لك ...يعني ما أفتح الموضوع واوجهه بتاتاً ...لانه بالله على بال ماندور ممكن تستمر العلاقة زيادة والمشكلة اسمه ارقام تليفوناته كلها تعرفها ..اخاف تأذيه واحنا سامعين عن ابتزاز البنات هالأيام...

 

[شيخة المطران]

حبيتي الاذن تعشق قبل العين احيانا يعني لما تمدحين بنت فلان اللي تبون تزوجونه له انها جميله وانها .... من هالمديح فانت تزحين البنت اللي براسه شوي شوي بس مو تمدحين شيء مو فيها وثانيا الرجل لما يجي ويقول ابي اتزوج زوجيه على طول حرام تنطرونه انتوا جذيه قاعد تدفعونه الى هالدرب اكثر واكثر ولا تخافين لا تقولين ما ابي ازوجه لانه يكلم هذا مو سبب حرام عليكم لما يتزوج بينشغل ويملي حياته بالمسؤلية ويطرد جميع البنات من راسه باذن الله وثالثا واخيرا لما يطلب الرجل الزواج معناه انه مل من الاستيماء اي العادة السريه فلا تجعليها عادة له خمس سنين ايضا واذا اردت نصحه فانصيحه فهو اصغر منك ولا عيب في ذالك ولكن قولي له انك لن تزوجيه الا لما يترك حركاته البطالية طبعا بالبنت اللي دخلتوها مزاحه من كثر المدح فيها والله ولي التوفيق.

 

[غلا روحي زوجي]

اغلب الشباب كذا بس انتي ذكريه بالله وانه الي يسويه مايجوز

ومن هالكلام والله يهديه لكم

 

[shooq11]

يارب الله يهديه..لكن والله محد يلومهم مصاريف الزواج مو هينة.. شاكرة لكم مروركم

 

[يارب فرجآعاجلا]

اسآل الله ان يهديه ويعصمه يارب
اختي دوروا له علي بنت عاقله ومحافظه وزوجوه والله يوفقه ويستر عليه
لكن افضل الا تواجهيه لكن دائما جيبي سيرة موضوع ان الخيانه وحرمتها وان الدنيا دواره وكما تدين تدان لانه هاالشي لايجوز وقد يبتلي باهله الله يستر علينا جميعا يارب وعليكم حفظكم الله اختي من كل سوء لكن فقط احببت اوضح لك والله يستر علينا جميعا يارب العالمين

 

[جنة 95]

حبيبتي ابحثو له على عروس تناسبه وامدحوها له ودائما كما قالت الاخت الله يجزاها خير افتحو مواضيع بحضوره عن الخيانة وكيف البنات يتبلون على الرجال ووصلونهم للحرام والفضيحة وخراب البيوت ومن هالكلام واذكروا له أمثلة ويا كثرها الحين القصص اللي نسمعها من الشيوخ وطبعا دعاء الوالدين له دور كبير لحفظ الاولاد من الشرور الله يوفقه وشباب المسلمين جميعا يارب

دعوااااااااااااااااااااااتكم

 

[shooq11]

يالله... الله يفرج كربة كل وحدة بهالمنتدى ..ايش فرحانة بينكم ومفتخرة بكم..

 

[مشروع مهندسه]

اذا يبيها بالحلال وين المشكله؟
ياما شريفات تزوجو وبعد الزواج بدو يخونون حتإ انفسهم
وياما بنات تابو بعد الزواج
ويما ناس تطلقو من الزواج التقليدي
اذا ربي كاتب البنت له بياخذها
لا تحطون ف باله انها بتخونه بعدين
ترا ولدكم هو اللي بيتعب
البنت اذا حبت ما تدور غير رضا زوجها خصوصا لو كان طيب ومو مقصر معاها
الله يوفقه للي فيه الخير
ما تدرين يمكن تطلع بنت عايله وبنت ناس،،
وانتو اش يضمنكم ان اللي تخطبونها له بدون ما يعرفها ما لها ماضي و يمكن اشد سوادا من اللي يعرفها؟
انا اقول هو رجال و يتحملل قراراته
الي عليكم انكم تبينون له انكم معاه بالسراء وبالضراء عشان ما تخسرونه
واكيد قلبه بيحن وبيسوي اللي انتو تبونه

 

[shooq11]

شكرا مشروع مهندسة وكلامك لا يخلو والله من الصحة