استشارة عاجلة - الحمل + معاناتي الأزلية

[love4life]

السلام عليكم ورحمة الله وبركاته ..

أخواتي البلقيسيات ..

الحمدلله رب العالمين .. الله من علي بنعمة الحمل وأنا في بداية المشوار ..

عندي مشكلة .. وأرجوكم .. ساعدوني .. ولو في استشارية بعد ياريت ..

أنا وزني جداً جداً جداً جداً كبير .. واذا زاد في الحمل (وهذا شيء طبيعي) أنا أدري انه بيضر صحتي ويأثر على سلامتي ..

عمري 24 سنة وطولي 165 .. ووزني 120!! .. نعم وللأسف :tears: .. هذا مب بس خطر علي أنا .. هذا خطر عالجنين .. وعلي (حتى بعد الحمل) ..

وأنا ناوية (بل أتمنى اني خلال فترة حملي وما بعدها في الـ 40 ) اني أنزل وزني وأفاجئ زوجي بعد طلوعي من الأربعين(ما أطمع .. بس أتمنى يكون وزني 90) ..

الآن .. سؤالي .. هل في طريقة؟ .. أقصد ريجيم أو نظام غذائي وصحي ورياضة متوازنة .. تضمن لي الوصول للنتيجة .. وفي نفس الوقت .. لا أظلم الطفل ولا أؤذيه ..

لا تقولين انتي حامل وما تقدرين .. افهموني .. 120 مب شويه .. هذا اذا زدت بصير 140 وربكم أعلم اذا احتمل جسمي ولا لأ ..


وللعلم .. أنا مشيت في ريجيم البروتين .. ونزلت وزني من 122 إلى 87 في سنتين .. ولكن رجعت وزدتهم .. والـ 25 كيلو الأخيرين كسبتهم في الـ 5 شهور الماضية

الله يستر عليكم يا خواتي وينيلكم الله تتمنونه مما فيه خير لكم ويرضاه (سبحانه) ولا يضر الآخرين ..


أختكم ..
love4life

 

[شمعة الإسلام]

السلام عليكم
غاليتي
أنصحك با الذهاب الي طبيبة تغذيـــــة
عشان تعطيك أشياء تفيدك وتفيد الجنين
ولا تاخذين
أي رجيم لآن أكيد راح يأثر على جنيك
فأضمن شي أستشارة طبيبه في هذا التخصص
الله يسهل عليك حملك وولادتك ويحقق لك مراد ,,

 

[مولد الشمس]

زي ماقالت لك شمعة الاسلام استشيري طبيبة احسن وربي ان شاء الله ينولك اللي في بالك