استشارة بخصوص مستحقاتي المالية*تم الرد*

[بنتي غلا روحي]

حبيت اخذ رايكم في شي انا مطلقة من ريلي وبيننا محاكم وكنت مساهمة معاه في البيت وكنت اسدد سلفياته برع قبل الطلاق وطبعا الاخ طردني من البيت انا وبنتي وجاب حرمته الجديدة وسكنها مكاني والله مقهورة انا اتعب وادفع ووحدة ثانية تاخذ مكاني

المهم رفعت عليه دعوى مدنية واطالب بحقي وانه يرجع لي كل فلوسي اللي صرفته عليه طول 8 سنوات وانا اطالب ب مائة الف فقط مع اني والله الشاهد اني دافعة اكثر من جذي

الحين خايفة من نقطتين اللي هم

اخاف يقول القاضي انت ساعدتيه من طيب خاطرج وتروح علي الفلوس

واخاف هو يرفض يدفع لي

واخاف يحلفوني اني انا فعلا اقرضته وقلت له يرجع لي

بس ان سالت فيها الهبة ممكن ترجع لاصحابها وبعدين هذا حق من حقوقي والله حرام

وبعدين ماراح اسامحه في اللي دفعته وهو جدام القاضي القبلاني قال انه بيعطيني مبلغ خمسين الف فقط مايقدر اكثر

ادعولي بنات ان الله يوفقني واسترد حقوفي ترا والله الظلم ظلمات يوم القيامة

 

[ولهت عليك]

اختي انتي من اي دوله ...
عشان تستطيع استاذه بيان مساعدتك باقرب وقت ممكن​

 

[أ. بيان زهران]

اختي الفاضله

من حقك المطالبه بالمبلغ كاملا وتوضيح للقاضي انك دفعتي المبلغ بغرض الاستمتاع بالمنزل ولكن حدث وقدر الله بوقوع طلاق ولكن هل لديكي اي اثباتات بالمبلغ من تحويلات او شهادة شهود ؟؟؟

بالتوفيق ،،

 

[بنتي غلا روحي]

للاسف ماعندي اي اوراق ثبوتية وهالشي اللي امخوفني منه بس موكلة امري لله ووكلت محامي انه يدافع عني بس حتى لوخسرت انا سويت اللي علي واخذت بالاسباب وسعيت حصلت الحمدلله ماحصلت عوضي على الله وبيعوضني بالاخرة ولكن هو اللي الله بيحاسبه على كذبه وحلفانه زور

 

[ولهت عليك]

اختي طيب احد من اهله واخوانه مايعرف انك ساعدتيه او من اخوانك ويشهد معك ...​

 

[لون الربيع]

قلبي معك يالغالية ربي ياخد حقه منك ومايتهنى فيه لا هو ولا زوجته
والظالم ربي مايوفقه لاتخافي أسأل مجرب
وحقك توقفي بوجهه وتطالبي بحقوقك كاملة
لاتخافي حتى لو ماعندك اثباتات روحي اوقفي معاه وقفة حساب
واذا نكر طالبي بحلفه
خليه يحلف كدب راح يتبهدل خلال سنة مايحول عليه الحول الا وهو في الهاوية
حبيبتي وانا اختك لاتخافي وخلك قوية انتي صاحبه حق يقدر ولا مايقدر
يبيع البيت او يرهنه لك ويشوف لعروسته شقة تليق بمقامها وانتي ترجع لك حقوقك كاملة على داير مليم
تعبك وشقاك وتبي تجيك حسرة لا خليها فيه وفيها ولو مارجع لك المبلغ اقلها انتي تخوفي انك ماراح تحللي وراح تدعي عليه لين يرجع حقوقك

 

[احسدني عليك]

الله ينصرك عليه

 

[LEMONA]

قولي للقاضي انا ساعدته على اساس اني اسكن في البيت مو على اساس يرجعلي الفلوس لكن ماحصل اني سكنت في البيت واسكن زوجة اخرى بدل عني
وهذا الكلام راح ينفعك اذا زوجك اعترف انو اخذ منك فلوس واذا كان قروض زوجك كانت تسدد من حسابك الخاص او بتحويل بنكي على حسابه منتضم شهريا من حسابكك
تقدري تثبتي هدا هن طريق البنك بكشف الحساب