استاذة ناعمة اللي قلته لزوجي صح او خطا..

[اموون55]

استاذة ناعمة اللي فلته لزوجي صح او خطا..

بصراحة محتارة من وين ابدا ..ومن جد الحين مو عارفة اللي سويته صح اوغلط وراح يخرب لي حياتي

انا متزوجة من 4 سنوات وعندي ولد وزوجي تعامله معي كويس مرة لكن مافيه حب او اهتمام وهو من بداية زواجنا صارحني زوجي انه ماحبني وطبعا هالشي اثر علي كثيير لدرجة فقدت فيها ثقتي نفسي وصرت مااهتم بشكلي ..
ومشت حياتنا وانا احاول اغير من هالنظرة وانسى كلامه لكني من جد ماقدرت لحد العطلة الماضية صارت مشكلة لي معاه وتركني ماكلمني لمدة شهرين (انا كنت عند اهلي اصلا)ولما كلمني عشان ارجع البيت رفضت وقلت له لازم تحدد موقفك انت تبيني وراح تعيش معي مثل أي زوج وزوجته اوطلقني واتزوج غيرك يقدرني ويحبني ويهتم فيني انا مااقدر اتحمل عيشة زي كذا ..قال لي انا ابيك وماابي اخسرك قلت له كيف تبيني وما تحبني رجاء فكر ورد لي..

وانا الحين عند اهلي انتظر الرد وماادري هل تصرفي صحيح او لاااااااا
شرايك استاذة ناعمة؟
شرايكم عضوات؟ عطوني رايكم وعطوني حل بصراحة نفسيتي تعبت امي اربع وعشرين ساعة تلومني وتقول لي ارجعي بيتك وانا مو مقتنعة.

ملاحظة..
-انا قلت له بما انك ماحبيتني ليه ماخليتني من ايام الملكة قال لي انا بالاول كنت مرتاح بس بعدين صار اللي صار.
-ليلة الدخلة ماصارت الا بعد ثلاثة شهور انا كنت خوافه مرة ولما يقرب مني تكون اعصابي مشدودة مرة واخاف فهو يرحمني ويبعد عني وهو من النوع الكتوم مرة.

 

[قلب ذاكر]

حرام عليج اختى ......... ارجوج ارجعي لبيتج ولزوجج
عادي والله الحب يجي مع العشره الطيبه وهذا عاد راجع لج انتى وشطارتج خليه يحبج يموت فيج بالكلمه الطيبه والصبر والحنان ... انا نفسج كنت اسال زوجي انت تحبني يقول تو مع الوقت بيبين الحب وزوجج من النوع الكتوم صدقيني في المواقف الصعبه يبين اشكثر يحبج
شهر كريم اختى لا تخربين بيتج ارجعي ولا تضغطين عليه ...... ترى حالته النفسيه تعبانه والرجال مايحب يبين اشكثر تعبن ويعاني ........ ارجوج فرحينا برجعتج حتى لو انتى الي تباردين هذا زوجج حلالج لا تنازلين عنه والله بتتعبين وتعبينه خذي الاجر وسامحيه لوجه الله والله بيسعدكم ويهنيكم يااااااااااااااااااااا رب
لا تتاخرين ترى التاخير مو من مصلحتج بكره بيتدخلون ناس اسرعي اختى

 

[روعة روح]

اختي الحبيبه

انتي خيرتيه
خلاص انتظري رده واذا قعد اكثر من يومين دخلي احد معارفك
لانه حرام الوضع اللي انتي فيه
ومو معقوله تعيشين عمرك مع واحد مايحبك
انا احس ان المشكله هذي هي الفاصل
ياتررجعين بزين والا يخليك
وانتي ادعي واركيه يفكر

 

[سمرلاند]

ليش سويتي جذي الله يهداج؟؟
شنو يعني "كيف تبيني بس ما تحبني" ؟
مب لازم يحبج..ما راح تموتين اذا ما حبج..!! حاولي تعرفين اللي يحبه في المرأة وتتغيرين بدون اسلوب التسول هذا ...وقتها بتكسبين حبه واحترامه.
اول ما يرد عليج ارجعي بيتج وغيري طريقتج معاه
لا تستجدين حبه ؟؟ لا تبينين له انج desperate and needy لهالدرجة...ترى بيزهق وبينظر لج نظرة ما ترضينها
اهتمي بنفسج وحبيها ولا تفكرين فيه .. واذا قال لج ما احبج قولي له ما يهمني المهم اني احب نفسي واعرف من انا
وعليج بالدعاء والله يفرج همج

 

[عضو سابق]

السلام عليكم ورحمة الله وبركاته


اختي العزيزه / اموون


أسمك احبه كثيرا لان اعز صديقاتي اناديها دائما بأمون ..


اسمعي غاليتي /

قال الله تعالى : " وجعلنا بينهم مودة ورحمة"


تاملي في هذه الآيه الكريمه.. ففيها من الاعجاز الشي الكثير ونحن لم نعيها بعد..

فسبحان الله .. الزوجان خلقهما الله لبعض.. وذكر في آيته ان جعل بينهم الموده اي المحبه

والالفه.. ومن ثم قال الرحمه.. بمعنى مهما وجدت المشاكل بين الزوجين

الا تجدين في قلب كل منهما الموده والرحمه .. وحين قال لك زوجك

بانه لا يحبك.. لانه كان ببداية زواجك.. اي لم يعشارك بعد تلك المعاشره

التي يمكن ان يحبك او يشعر بالحب معك.. وجميل من الانسان ان يكون صريحا معك..

ان قال لك انا لا احبك.. ابسط ما يكون ان تردي عليه وتقولي..

انتظر وسترى كيف ستموت بحبي.. فقط انتظر.. والايام ستثبت لك..

خذي الامور ببساطه وروح رياضيه

ويكفي ان نجلب لأنفسنا الهموم والمشاكل ونحن في غنى عنها..



حفظكم الرحمن

 

[ليل الشتا]

حبيبتي المحبه تجي مع الوقت وأكبر دليل انه قال ما أبي اخسرك فهذي بادره طيبه منه
أنتظري رده مثل ما قالت الاخت روعة سحر

 

[الأسطـــــورة]

والله يااختي هذي فرصة وجت الى حدك لتختبري مدى تمسكه بك
هل تعلمين ياعزيزتي بان الالاف البيوت تقوم على هذا النظام جدران فقط تخلو من الحب والتفاهم الزوجه مغبونه والزوج دائما يتطلع الى الاخرى

 

[يخون الود]

كلام الاخت سمر لاند وامراة لاتنسى جميل ورائع وانا معاهم والله يفرج همك ويرد لك زوجك ويسخره لك ويجعلك قرة عين له ويجعله قرة عين لك

 

[اموون55]

الله يعطيكم العافية خواتي والله ارتحت كثير لما شفت ردودكم والله يجزاها خير ويوفقها اللي ردت علي وفكرت بي وبمشكلتي.......

اختي ايمان مشكورة ردك ريحني كثير بس الحين خلاص مااقدر ارجع الموضوع طلع من يدي انا انتظر رده الحين

مشكورة اختي روعة سحر....صادقة مستحيل الوحدة تعيش من دون حب وانه زوجها عايش معها كذا من دون اي مشاعر والله صعبة ..

اختي سمرلاند ليش مب لازم يحبني ؟؟؟انا مرأة واحتاج عاطفة وحنان واذا مالقيتها من زوجي الاقيها من مين؟وصدقيني اسلوب الاستجداء بطلته من زمان بس خلاص ماعاد اقدر اصبر حياتنا صايرة مجرد اثنين عايشين تحت سقف واحد هو قاعد بغرفة المكتب عند النت وانا لاهية باي شي ثاني تلفزيون ترتيب اي شي.......

اختي امرأة لاتنسى مشكورة وصادقة بس مستحيل ردي يكون مثل ردك لانه صدمة لك احد يقول لك مااحبك وباول زواجك ومن زوجك .......

اختي ليل الشتا .زصحيح المحبة تجي مع العشرة لكن حياتنا لااا هو عايش حياته وتاركني على راحتي وانا نفس الوضع ......ماادري وين الخط أفيه تعبت من التفكير هو يقول انتي ماعرفتيني ولا فهمتيني
طيب كيف ؟؟؟؟؟؟هو اصلا يصدني لما اقوله اعمل لك عصير يقول لا مايحتاج واهو ممكن يكون يبي بس يرفض....... ليش؟؟؟؟؟؟ ماادري...اطبخ غداء يرد لاا مو مشتهي طيب اسوي عشاء لا مايحتاج انا شربت قهوة واكلت معها حلى!!!!!!!!!!!!لدرجة اني صرت قليل مااطبخ بالبيت لانه يرفض

اختي الاسطووورة مشكورة على ردك وانا ارض اكون الضحية يعني هو يمكن ماحبني لكن قدامه حل انه يتزوج علي وانا قلت له هالكلام وقالي صادقه انا ماابي اظلمك هو مايبي يطلقني ورافض هالفكرة وبنفس الوت مايحبني ولاهو مرتاح معي والصرااااااااااحة حياتنا ببدايتها كان اخطااء كثيرة
-انا كنت اخذ حبوب لمنع الحمل وكانت مسببة لي اكتئاب وهالشي خلاني مااتقبل كلامة وافقد ثقتي بنفسي والمشكلة اني مادريت بتاثير الحبوب الا بعد ماتركتها وموضوع الدخلة احسه اثر كثيييييييييييييييييييييييييييييييييييير مرة بس كيف امحي اثر هالشي ...علموني.....

اختي يخون الود ......مشكورة الله يعطيك العافية والله يتقبل الدعاء

واخر المستجدات لما دق امس بيجي ياخذ الولد قلت له فكرت ؟؟؟؟؟؟
قال لي بكل برود وهو فاهم سوالي ..بايش؟
قلت بالموضوع ..قال مو انتي قلتي بتجلسين رمضان عند اهلك وانا لسه مافكرت.
قلت ليه .قال الموضوع مو سهل
قلت لهادرجة الوضع بينا كان سيئ قال ايه(مع انه صوته كان فرحان اني فتحت معاه الموضوع )

 

[اموون55]

وبصرااااااااااااااحة احس الخطوة الاخيرة اللي سويتها غلط المفروض التزمت بكلامي وانتظر رده بس مع الضغط سويت كذا............ وش رايكم

 

[اموون55]

وبصرااااااااااااااحة احس الخطوة الاخيرة اللي سويتها غلط المفروض التزمت بكلامي وانتظرت رده بس مع الضغط سويت كذا............ وش رايكم؟؟؟؟؟؟؟؟

 

[Cappuccino]

صحيح الحب ضروري في الحياة الزوجية بس صدقيني الاحترام والتفاهم أهم بكثير..
ما دام الرجال كويس معك وما بقصر فيكي ارجعي بيتك واستغفري ربك وصدقيني الحب بيجي مع الايام..
أهم شي تنسي الموضوع وما تضلي تعيدي وتزيدي فيه لانه الحب ما بيجي بالالحاح ، وبيكفي انه قالك انه شاريكي هاد معناه انه عالقليلة بيعزك وما بقدر يعيش بدونك..
واخيرا الحب مش قاعدة فيه كتير من الازواج تزوجوا عن قصة حب وكانت نهايتها الطلاق والعكس صحيح..
الله يوفقك انشاء الله

 

[تيماء]

حبيبتي ... تبين الصج انت غلطتي ...الحين انت في بيت اهلك وقاعده تنتظرينه يقول لك احبك واموت فيك وارجعي ؟؟؟
انا اقول لك ماراح يصير .....ولاتعطينه فرصه يتخلى عنك لانك انت اللي دفعتيه دفع للتخلي عنك .... وشلون تنطرينه يحبك وانت بعيده عنه ؟؟؟!!!!

انت ذكرتي امور كثيره في حياتكم اثرت على مستوى الحب بينكم
- حبوب منع الحمل
- ليله الدخله

حبيبتي اذا كنت شاريه زوجك وناويه تصلحين حياتك ....ارجعي بيتك واعتبري نفسك داخله حرب للاستيلاء على قلب زوجك وتسلحي بأسلحه الانثى ....والمنتدى مليان طرق واساليب لكي تكوني انثى متكامله ....انثى تطير عقله ...

ومبين ان اسلوبك القديم لم يجدي نفعا ...خاصه (تبي غدا ...تبي عشا...) غيري وشوفي

لكن انك تقعدين في بيت هلك تنطرين منه يحبك ....غلطانه ...واسمحي لي اقول لك وين ذكاااءك ؟؟...وين كيد النساء؟؟؟

 

[سمرلاند]

انا عارفة انج محتاجه العاطفه بس لا تخلينه اكبر همج عشان ما تجنين ولا تمرضين اسم الله عليج..
عالمج كبير..عندج امج واخوانج وصديقاتك بما انج الحين فيبيت اهلج ..طلعي تسوقي للعيد..او ادخلي المطبخ..زوري ارحامج..لا تحصرين تفكيرج فيه عندج بيبيج وخوانج وامج والناس اللي يحبونج
وهذا قصدي باللي قلته "مب لازم يحبج" انتي مش محتاجته لهالدرجه!! حسسيه بهالشي ..العالم ما يدور حواليه..!!
مب ذنبج انه ما حبج.. لو كنتي زوجة لرجل اخر كان هااام فيج..العيب فيه مو فيج..فلا تمرضين نفسج عشانه
وفي نفس تغيري لنفسج واعرفي شيحب وسبب تغيرة عليج عشان يلاحظ التغير ويحبج وعليج بالدعاء في هالشهر الفضيل

 

[موووتي ولا حزن]

الله يعينج ....غاليتي
بصراحه يااختي اموون...اللي اشوفه انج تردين لريلج وايد احسن...وعمر الحب ماكان بيوم وليله
صدقيني مع الوقت راح يحبج وهالشي يبيله صبر<فصبر جميل والله المستعان>لاتخربين بيتج بيدج
بالعكس ردي له وحسسيه بالتغير بحياتج...لاتقولين كرامتي مافيه كرامه بينج وبين زوجج
ردي له وكلج شوق ...
لمايحس بحبج له وشوقج عليه <<بيعشقج ويموووت عليج >>

 

[ياريت أعرف أحب]

شوفي لمي شنطك واختاري يوم تتاكدي انه هو مو في البيت وروحي البيت ورتبيه جهزي نفسك

وجهزي بيتك

ونومي ولدك او حتى ممكن تخلي الولد عند امك

خليه يوم يدخل البيت يحس بشعور غريب في البيت احساس عمره ما حسه

تعرفي المثل اللي يقول تبغى تحرم اسال يعني ليه تساليه تبغى عشا تبغى شاي اعملي وجهزي من غير سؤال

حتى لو طفشانة في يوم روحي اتشيكي

روحي رشي عطر
اتمكيجي

البسي واجلسي اقراي قصة

تعرفي روحي اجلسي قبله على الكومبيوتر

اعملي نفسك تكتبي شعر

تدوري كلمات حب لما ينتبه لك قولي له عشانك

عشان انت حبي

ودلعي نفسك عليه ارمي نفسك عليه مثلي

ايش ياخذ عقول الرجال غير التمثيل يعني الفاجرات كيف يلعبوا بالرجال غير بالكذب


اكذبي في الحلال مو مشكلة

تعرفي انا جات علي ايام ما اطيق فيها زوجي لكن كنت اضحك على نفسي واضحك عليه

اقول اني احبه واموت فيه

واتخيل ان لو يصير فيه شي لا سمح الله كيف تكون حياتي وابكي واروح اقبله او اضمه

تعرفي ترى حياتنا بعد مادخلناها صعب نخرج منها غير ان كنا مظلومين والحق معنا .

 

[قلب ذاكر]

لا تعانديين انت الخسرانه ....... صدقيني تفكيرهم غير عن تفكيرناااااااااااا
ارجعي لبيتج فكري صح .......... عيشي معااااه والله بيسعدج ليش سنو السبب ما يحبج ؟؟؟ الرجااال ما يعرفون الرومانسيه التعبير عملي عندهم ....... شوفي الاخت الي 9 سنوات زوجها ما ضمهاااا ولا باسهااااا شنو لو كنتى مكانها ؟؟؟؟ احمدي ربج وشوفي مشاكل غيرج ولا تخربين على نفسج ........ لا تصيرين فااااشله كل الناس تنظر لج انج انتي الغلطاانه ما الومهم داري على بيتج وزوجج حبيبج والله ييسر امورج انسي الي صااار كله وابدي من جديد توكم بداايه حياااتكم ....... ولدج ما يستاهل تضحيه ؟؟؟ ياويلج اذا ماسمعت خبر زين هاليومين