اساليب خاطئة تدمر صحة الشعر

احصائياتى
الردود
0
المشاهدات
392

راجيه الرضا

مراقبة و متميزة أقسام نسوة
معلومات راجيه الرضا
إنضم
18 فبراير 2017
المشاركات
14,538
مستوى التفاعل
9,650
النقاط
113
اساليب خاطئة تدمر صحة الشعر
خاطئة تتسبب فى تلف او تدمير الشعر ❌?

?استخدام الماء الساخن جداً في غسل الشعر
فروة الراس مكان حساس في جسم الانسان ومش اى حرارة يستحملها زى باقي الجسم طبعا وكمان الشعر جزء حساس
فلو لو زادت درجة الحرارة اوى حضرتك بتحرقي شعرك وفروة راسك بالبطئ وترجعى تقولى شعرى فجأة ادمر ?
تغسلي شعرك بمياه فاترة وفى الشتا بميا دافية

?استخدام بلسم وحمامات كريم الشعر بطريقةٍ خاطئة
الحاجات دى معمولة للشعر يا جماعة مش لفروة الراس
يعنى تتحط بعيد عن فروة الراس ب ٥ سم مثلا
حتى لو طبيعية لانها مخصصة للشعر
لو اتحطت على فروة الراس بتسد المسام وتسبب مشاكل كتيرة

?تكرار غسل الشعر يومياً
غسيل الشعر من مرة لمرتين اسبوعيا بشامبو
طيب لو مضطرة تغسلي شعرك كل يوم لاى سبب يبقى بمياه بس وتعوضي ده بقا بعلاجات واهتمام اكتر بشعرك
مينفعش كل مرة تغسلي شعرك بشامبو كل يوم

?الإفراط في وضع المواد الكيميائية على الشعر من الشامبو
كمية الشامبو تكون قليلة الرغوة الكتير الى حضرتك بتفرحى بيها ? دى منظفات حضرتك ومواد منظفة
وكمان شعرك مش مواعين وصحون
براحة عليه والغسيل بكون بوضع شامبو وتدليك فروة الراس بشوييييسش ثم غسيله بميه فينزل عالشعر يشطفة يا دوبك ،، والله شعرك جزء من جسمك مش من عفش البيت ولا سجاد بتنظفيه ?

?تصفيف وتسريح الشعر بعنف
ياريت لو زعلانة او متنرفزة تسيبي شعرك في حاله
تسرحي بشويش والشعر مندى مش مبلوووول
وياريت بمشط خشب نوع نضيف اسنان واسعة او فرشة طبية كبيرة
لان فيه فرش وامشاط سلك المواعين احن منها عالشعر

?كثرة استخدام مجفف الشعر
الهواء البارد او وسط بلاش السخن المولع حضرتك بتنشفي شعرك مش بتسخنى الغدا ?
ولو بتعمليه علشان يفرد شعرك حبة يبقى كل اسبوع او اسبوعين بالكتييير
ولو علطول مستعجلة ومضطرة تغسلي شعرك وتلبسي الحجاب وهو مبلول وطبعا دى مصيبة فتروحى معلية السشوار ودى مصيبة تانية ،، لا متغسليش شعرك يا متنزليش احسن ? ولو مستعجلة علطول تغسليه بعيدا عن مشاويرك

?عمل تسريحات تضر الشعر
التوكة الناشفة والطوق وشد الشعر لورااا ويبقى من قدام يا عينى مشدود بيدمر جذور الشعر
وتبقي من قدام شعرك ضعيف
لفي شعرك بشويش ولما تحطى توكة يا دوب تكون ربطاه
مش لازم تكون قمطاه ومكتفاه حضرتك ده شعرك مش حرامى غسيل ماسكاه ??

#دكتور_بيور
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه