اسالكم بالله انكم تساعدوني في ايجاد حل00

ي

يارب اغفر لي

New member
إنضم
2009/11/22
المشاركات
500
السلام عليكم ورحمة الله وبركاته

اخواتي هذا قصة اعز صديقاتي
وابغاكم تشوفون لها حل00الله يجزاكم خير

صديقتي متزوجه لها ثلاث سنوات
عندها بنت وهي على وشك ولاده الله يسهلها

بدات مشكلتها من ثلا ث شهور
طبعا كانت ساكنه بعيد عن اهلها في
مدينه ثانيه00
وبعدين جاء زوجها نقل لنفس المدينه
اللي فيها اهلها واهل زوجها
ومن يوم ما نقلت وهي عند اهلها ما راحت عند زوجها
بسبب الشقه ز ميلتي ما هي مقتنعه بالشقه لانها قديمه
قالت له غيرها خصوصا انه مقتدر ماديا لكن رفض
قال لها اذا مو عاجبك انقلعي لبيت اهلك
وهي تعبانه مره بسبب الحمل
وهو ينام عند اهله ومن وين لوين يجيها

حاولت اقنعها انها تصبر مؤقتاً
حتى تتحسن ظروفهم ويحن عليها
لكن هي تعبان نفسيا لانه بعيد عنها ولا يفكر فيها
وانها ماتحس انها سعيده معه

غير كذا
ماتعرف تمشيات
ولا يجي ينام عندها
ونادر ما يزورها يسئل عن ولده

وما يهمه زعلت ولارضيت
انا متاكده انه مايحبها
بس ما ابي اجرحها فوق ما هو جارحها
واحاول اصبرها
لكني هي حالتها حاله معاه
وهو ولا هامه
الا اهله وبس
بس يبغى الفكه
وتخيلوا اهلها هم اللي يودونها لمشاويرها
ويشترون لولدها
وهو مستغل طيبة اهلها وكرمهم
اي شي تبغاه تتطلب اهلها
تخيلو00وهو ما يعطيها غير 100
بس في الشهر

شوفو لها حل تكفون
والله انها بحاجة المساعده


​
 
اخ منهم هالرجال جد وش يبي ذا
الله يهديه يارب ويسخره لها ويسحره فيها سحر حلال
تكلمه وتتفاهم معاه وبخصوص البيت تصبر عليه مايهم جديد قديم بس اهم شي ماتخلي زوجها بعيد عنها ويتعود ع هالشي يحبها بالعكس مااقول مايحبها لان انتي تقولي بدت من 3شهور فقط المشكله اللهيهون عليها ويسهلولادتها ويخلي لها زوجها يارب
 
فين ودور اهلها!!
ابوها واخوانها ليش مايتفاهمون معاه

ليش بس مية ريال اللي يصرفها عليها!!

لا حول ولا قوة الا بالله

اعانها الله
 
غلط اهلها يسكتون عن حقوق بنتهم ليه ابوها ما يكلم ابوه ويقوله هذا ما يرضيك ولاترضاه على بناتك( راح تحرقه هذه الكلمة )ولازم يتفاهم معاه ويوضعوا حل لحياتها
وهي لازم تطلبه فلوس وتطلب يقوم بواجباتها ومشاويرها ما تسكت بس لانه عارف ان اهلها قايمين بيها والله يسخرلها هو
 
الله يفرج همها ويصلح قلبها..
لم تتضح لي تفاصيل شخصيته وشخصيتها
لكني احملها الخطأ
ليه؟؟
المفروض ماتترك الماديات عائق في حياتها اذا كان رجل يحترمها فالبداية
المفروض سكنت بالشقه وبذكاء الانثى وكيدها المعروف منذو الازل تغير ديكورها او حتى تقدر تغير الشقه بااكملها
وجودها في بيت اهلها عشان سبب مثل هذا يفهم منه الرجل انها تبي تسيطر عليه وتفرض كلمتها بمفهومه هو طبعا
بعدهم عن بعض يسبب فجوة كبيره بينهم ممكن تخليه ينشغل بغيرها لاقدر الله!!!
وطبيعي بما انها تحاول ترغمه على شي هو ماهو راضي بيقصر عليها وزين منه يفكر يطل عليها او حتى يعطيها مصروف
خلاص الحين هي معها بنت وطفل فالطريق الافضل تفكر بحلول عمليه تكون فيها اسرة مستقره لابنائها
لاتتوقعين بعدهم مايأثر على طفلتها حتى لو كانت صغيره حتى جنينها يناله من سوء نفسيتها الكثير
انصحها تلين راسها وترجع بيتها وتبدأ صفحة جديده تفهم زوجها وبذكائها وحسب شخصيته تأخذ اللي تبي حبه حبه
بالمدح والثناء عليه وعلى رجولته وكرمه وشهامته بتاخذ اللي تبي
قيسي هالشي لو كانت مكانه وطلبها احد بعد مامدحها واثناء عليها
او شخص ثاني طلبها يبي الشي بعناد ومحاولة فرض راي
ايهم بتتقبل رايه وتلين له؟؟؟؟​
 
الله يصبرها الرجال مايملي عينهم شي طيب ليه ماتروح معاه للبيت اهم شي راحتها وقت الحمل وبعدين لوكلمت اهلها عالموضوع راح يعقد المساله زياده مالها الاالدعاء والصبر وتحاول انها تفهم ليه يسوي كذا اهم شي الهدوووووووووء
 
الحل انه ماتعاند وتروح للشقة
وتحاول تكسب زوجة باسلوب انثى له سحره ودلاله واقناعه
والدعاء وصلاة الوتر وكثرة الاستغفار انشالله ربي بيفرجه له بسم الاهم انه تصبر
 
اخواتي الله يجزاكم خير على هالردود
بالنسبه للشقه انا حاولت فيها00لكني هي تقول انها مي مرتاحه نفسيا معاه00يعني ماتحبه بسبب تصرفاته الله يهديه
وبالنسبه لدور ابوها واخوانها هم مره طيبين لدرجة انه استغلهم بسبب
الطيبه الزائده وهي بنتهم الوحيده ما لهم غيرها
وزميلتي تقول انها بتجلس بعد ما تولد شهرين عند اهلها
وبعدين بتروح00واش رايكم
 
ممكن تكون الشقه ماترتاح لها
بس غلط انها تعاند زوجها عشان كذا
لاتتساهل بحياتها مو اي شي ينغص عليها حياتها تروح لاهلها
ترى بعدين بيصير مايهمه هي جت او راحت معليش تحاول تتحمل
وبالاسلوب والاقناع مع زوجها تقدر تغير الشقه بس بالحال هذا ماراح يتصلح شي وخاصه انه مبين على زوجها انه عنيد لازم تتنازل شوي
 
الله يصبرها ويفرج همها
بس بعد هي غلطانه ليش تسكن من البدايه في بيت اهلها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل