ازور اهلي مره في الاسبوع وش ؤايكم يكفي

[رموز عشوائيه]

خواتي انا وزوجي كل يوم شيل وحط وهواش على روحاتي لهلي



هو يقول مره ودحده في الاسبوع تزورينهم بدون ماتنومين يعني يحطني العصر وياخذني 12 الليل مع العلم ان اهلي قريب منا يمكن عشر دقايق بيننا وبينهم وانا اقول مايكفي والله مايمديني اشوفهم الا انا رايحه:tears: انا اقول مرتين بدون نوم وهو رافض نهائي مدرى وش اسوي تعبت والله ذبحني الشوق


انا عاد الحين اسالكم تشوفون انها تكفي مره في الاسبوع قولو الصراحه ((المستشار مؤتمن))

 

[حياتى بلا حنانك]

اسمعى كلام زوجك وقدمى الخير يعنى اسمعى كلامه وقولى له طيب ..... ولا تتكلمى بالموضوع واصبرى عليه الين يهدا وهو من حاله بيقول لك روحى احمدى ربك ماهو حارمك منهم
انا ما كان يودينى لهم الا كل اسبوع مرة وساعتين ونمشى وكنت اموت من شوقى لهم شوفيه الحين يقول لو تبغى تجلسى عندهم اسبوع خذى راحتك وهو من حاله قال وثق فينى وفى اهلى وعرف عاداتنا وتقاليدنا
فالصبر يسوى المستحيل واذا رجعتى من عندهم اشكريه وقولى له كثر الله خيرك والله انى انبسط واهلى سالوا عنك واعملى له حلا واعطيه وقولى له من الوالد وكم حركة حلوة تراها تاثر بقوة

 

[لن اضحي]

تبغي النصيحة لاتبدين اهتمام لان طبع الرجال المعاند

 

[عالم خاص]

لا تسوينها سالفة ومع الوقت رح يوديك ..لكن شكلك عودتية على كذاا من اول الزواج ..مو مشكلة مع الوقت بيلين ويوديك ...بس يبي لها صبر ولا تحاولي تعاندية اذا رفض يوصلك.........