ازاي احافظ علي كرامتي وفي نفس الوقت اتقي الله
السلام عليكم
الاول انا ببدي اعجابي بالمنتدي بحس انه مريح نفسيا
هادخل في الموضوع
انا بنت من زمان وانا بدور علي الحب والحنية .. ودايما بحس انها نقطة ضعف فيا
ولما لقيت خطيبي مسكت فيه بايدي واسناني
الاول ماكنتش مرتاحة للموضوع فا كونت بعامله عادي ( كنت قوية ويمكن كمان سخيفة
بس لما حبيته انقلبت للنقيض
وبدأت الوم نفسي ( ودي مشكلة عندي جلد الذات)
الوم نفسي علي الايام الي كان بيعاملني فيها حلو وبيزعل من اهمالي ليه
كل مشكلة تحصل بينا اقول مانا غلطت فيه كتير ولازم اعوضه
مانا بعته ولازم المرة دي اشتريه
من اول يوم وقت ما بيحصل زعل ويقولي هانسيب بعض انهار انهيار مش طبيعي واخاف بطريقة شديدة جدا واتحايل عليه انه يخليه جنبي .. مع اني كنت عارفة انه بيحبني ومش هايسبني بسهولة الا ان الفوبيا دي كانت بتحصل لي
قعدت ادور في صفاته ولقيته غربي جنوبي (( الله اعلم انا عرفته صح ولا لاء )
ولما كنت اقرا اكتر عن حنان الجنوبي وحبه اضعف اكتر قدامه
لدرجة اننا وصلنا انه كان كل يوم مشكلة
وكل مشكلة سواء الغلط مني او مش مني او سواء غلط صعب او حاجة بسيطة رد فعله عنيف جدا
وكان ومازال ما بيردش علي تليفواناتي بالايام
ولما يرد اقعد اتوسل
وكتبنا الكتاب
وكان كل املي اننا نكون احسن بما اننا بقينا ازواج واقرب من بعض نفسيا وجسديا عن الخطوبة
وقرر هو انه خلاص هايرد علي كل مكالماتي بعد كده انا بقيت زوجته بأه
هما يومين ورجعنا تاني نلف في نفس الموال
اغلط ( زي مثلا اني انام متأخر وهوا قايلي انام بدري .. او ارجع متأخر عن ميعادي او او
الموقف الي جرحني اوي انه كنا متفقين نتقابل في مكان وهو رجليه وجعاه وانا اتاخرت عن ميعادي شوية .. كان رد فعله اني اول ماوصلت هزقني وخلاني اروح البيت ( قفايا يقمر عيش علي راي امي )
بفتكر الحديث بتاع الرسول صلي الله عليه وسلم :
ألا أخبركم بنسائكم من أهل الجنة؟ الودود الولود العؤود، التي إذا ظُلمت قالت: هذه يدي في يدك، لا أذوق غمضاً حتى ترضى)
هل لو انا سبته من غير ما اصالحه يبقي انا كده مش بنفذ كلام النبي
هل ماينفعش ادور علي حقوقي قبل ما اعمل واجباتي ( زي ما هو بيقولي دايما )
بس انا نفسيتي بتتعب اوي اوي
اانا بدات اخاف منه اوي
مش عارفة اعمل ايه
يارب تفيدوني وتدعولي كمان
الاول انا ببدي اعجابي بالمنتدي بحس انه مريح نفسيا
هادخل في الموضوع
انا بنت من زمان وانا بدور علي الحب والحنية .. ودايما بحس انها نقطة ضعف فيا
ولما لقيت خطيبي مسكت فيه بايدي واسناني
الاول ماكنتش مرتاحة للموضوع فا كونت بعامله عادي ( كنت قوية ويمكن كمان سخيفة
بس لما حبيته انقلبت للنقيض
وبدأت الوم نفسي ( ودي مشكلة عندي جلد الذات)
الوم نفسي علي الايام الي كان بيعاملني فيها حلو وبيزعل من اهمالي ليه
كل مشكلة تحصل بينا اقول مانا غلطت فيه كتير ولازم اعوضه
مانا بعته ولازم المرة دي اشتريه
من اول يوم وقت ما بيحصل زعل ويقولي هانسيب بعض انهار انهيار مش طبيعي واخاف بطريقة شديدة جدا واتحايل عليه انه يخليه جنبي .. مع اني كنت عارفة انه بيحبني ومش هايسبني بسهولة الا ان الفوبيا دي كانت بتحصل لي
قعدت ادور في صفاته ولقيته غربي جنوبي (( الله اعلم انا عرفته صح ولا لاء )
ولما كنت اقرا اكتر عن حنان الجنوبي وحبه اضعف اكتر قدامه
لدرجة اننا وصلنا انه كان كل يوم مشكلة
وكل مشكلة سواء الغلط مني او مش مني او سواء غلط صعب او حاجة بسيطة رد فعله عنيف جدا
وكان ومازال ما بيردش علي تليفواناتي بالايام
ولما يرد اقعد اتوسل
وكتبنا الكتاب
وكان كل املي اننا نكون احسن بما اننا بقينا ازواج واقرب من بعض نفسيا وجسديا عن الخطوبة
وقرر هو انه خلاص هايرد علي كل مكالماتي بعد كده انا بقيت زوجته بأه
هما يومين ورجعنا تاني نلف في نفس الموال
اغلط ( زي مثلا اني انام متأخر وهوا قايلي انام بدري .. او ارجع متأخر عن ميعادي او او
الموقف الي جرحني اوي انه كنا متفقين نتقابل في مكان وهو رجليه وجعاه وانا اتاخرت عن ميعادي شوية .. كان رد فعله اني اول ماوصلت هزقني وخلاني اروح البيت ( قفايا يقمر عيش علي راي امي )
بفتكر الحديث بتاع الرسول صلي الله عليه وسلم :
ألا أخبركم بنسائكم من أهل الجنة؟ الودود الولود العؤود، التي إذا ظُلمت قالت: هذه يدي في يدك، لا أذوق غمضاً حتى ترضى)
هل لو انا سبته من غير ما اصالحه يبقي انا كده مش بنفذ كلام النبي
هل ماينفعش ادور علي حقوقي قبل ما اعمل واجباتي ( زي ما هو بيقولي دايما )
بس انا نفسيتي بتتعب اوي اوي
اانا بدات اخاف منه اوي
مش عارفة اعمل ايه
يارب تفيدوني وتدعولي كمان
اسم الموضوع : ازاي احافظ علي كرامتي وفي نفس الوقت اتقي الله
|
المصدر : الأستشارات الزوجية العامة