اريد مشوره من اهل الخبره

انثى خلوقه

انثى خلوقه

New member
إنضم
2011/01/13
المشاركات
91
زوجي كثير الطلعات ما يجلس في البيت الا ادا خاف يصير زعل يعني تسكيته:8: حاولت معاه كثير وطنشت فتره وكل ماله ويتمادى اكثر,الا ان وصلت معه ان ازعل عليه واعطيه كامل حقوقه بس برسميه ومع كدا مانفع,تعبت نفسيتي مره.صرت احس ان مالي فايده الابس اكل وبالليل:33: قلت له مصيري بطفش من البيت ولافاد معه ,دخلت احد من اهله بسريه تامه بس ماقدر عليه,الا ان طفشت وطلعت من البيت .لي الان شهرين .كلمني اول مره وقال ازا بترجعين على نفس الوضع دقي علي واجي اخدك,وبعدها ماعاد كلمني ابدا. واكتشفت بعد فتره من خروجي من البيت افلام خليعه جدا حاطها في كمبيوتري,ارسلت له رسالتين اساله من اللي حاطها في جهازي ولارد علي,ولاعاد كلمني الا اليوم,بس ارسل شخص من اهله يقول ترجع علا نفس وضعي ماراح اغير شي,ورفضت بشرط تغيير وضعه,واهلي يقولون ازا يبيك بيجي ,واللي مايبيك لاتبينه.ارجو التفاعل معي بالعقل, والله اني اكتب ومالي خلق نفسيتي تعبانه منه,مع العلم ان لي ولد منه .
 
مشكوره حبيبتي وياليت الكل يتفاعل معي, ويدعيلي دعوه في ظهر الغيب الله يجزاكم خير
 
طيب هو وين يسهر مع اصدقائه يعني

وهل عنده امور سيئة غير سهر يعني طيب معاكي

وهل حاولتي معاه تعمليلوا سهرات بالبيت عشان ما يطلع بره وما نفع

يا ريت تجاوبيني ​
 
الله يفرج همك
وبالنسبه للافلام آه الاغلب الرجال كذا
ادخلي ملفي وشوفي مصيبتي مع زوجي يمكن تهون عليك مصيبتك
الله يفرج لك ويفرج لي وللجميع​
 
الله يفرج همكـ حبيبتي ..بس عليك بالدعاء له بالهدايه ويصلح ما بينكم يارب..
 
الله يكون بعونك ويفرج همك ويكتب لك اللي فيه الخير يارب
 
اشكر اللي تجاوب معي ودعا لي, بالنسبه لاستفسارك يا غيرهم كلهم والله ماقصرت معاه بشي والحمد لله بشهادته,وشكلي مهتمه فيه بشكل ماتتوقعينه وكمان البيت والطبخ وعلاقتي مع اهله ممتازه,حتى ازا بغيت اروح لاي شي لازم اتاكد انه راضي تمام الرضى,تخيلي ازا صار بينا اي زعل ماعاد اشوفه الا ينام او يغير ملابسه,بس يبي متى مايجي في اي وقت ما احاسبه ولا حتى يضيق صدري وازعل,انا انسانه وعندي احساس شي طبيعي بتضايق
 
يالغلا الشباااب كلهم يسهروووووون...مو تهدمين بيتك عشان سهر وطلعات...ولابد من بداية الحياة كذا وهو يتغير بالتدريييج مع طيب معاملتك الين يلزق بالبيت وتمليييييين انت...

نصيحة ام...ارجعي وفالك الخير والهنا ان شاء الله...لاتركبين راسك فيركب راسه ويطقك بحرمه..
 
حبيبتي مره غلط اللي سويتيه أولاً إنتي تركتيه على راحته الحين مره مبسوط مافي احد ينكد على طلعاته وبيشوف امور خليعه اكثر ويتمادى وثانيا طلعتك من البيت ترى ماهو حل تفكرين انك بتأدبينه يعني لا ياقلبي الرجال مايجي كذا ابدا وعلى فكره طالما انك تزعلين وتنكدين على طلعاته بيزيد تدرين ليه بيشوف انه طلعاته مع اصدقائه وناسه اكثر ومافيها مشاكل فيصير يتهرب منك اكثر من اول انا قبل كذا قرأت عن مشكله قريبه من مشكلتك والحل اللي استخدمته صاحبة المشكله انها تركت زوجها على راحته وصارت تقوم الليل وتدعي وتستغفر وتستقبله احلى استقبال وتودعه احلى توديع كل يوم على نفس الحال هو مثل زوجك يسهر يوميا ولوقت متأخر تقول شوي شوي ربي هداه وصار يجلس في البيت اكثر لين بطل سهر الحمدلله طبعا ادري الشي هذا يبي له تحمل وضغط حاولي والله بيكون معك إن شاءالله اغلب الرجال كذا خليها على ربك المهم ارجعي بأقرب فرصه ولاتطولين الموضوع ولاعاد تسوين له سالفه على السهر طنشي وبإذن الله يتغير
 
اقول لك ارجعي ولاتطولي المدة
انشاء الله بيتعدل بس من غير عناد
انتي ارجعي وخليك وحدة تانية
اعرفي نمطه وطبقيه اللي فيه
ولا تنسي قيام الليل والاستغفار
 
نصيحه طنشيه لاترجعي هو في النهايه راح يرجعلك انا كنت زيك بس هذا الاسلوب نفع معاه الحمد لله
 
مو كل شخص ينفع معاه اسلوب التطنيش بس الان بنصحك بشئ ثاني دخلي احد من بعيد يعني واحد عاقل وفاهم مو اي شخص وقولي له لااحد يدري انا انا الي طلبت طيبالمهم خليه يجي هو واياه وتفاهمي معاه ترى اوقات البعد يجيب الجفا يعني مو كل رجل ينفع معاه اسلوب التطنيش واللامبلاه والله جاء واعتذر كان بها بس اهم شئ لاحطي شروط كثير بس قولي له ابغى لي وقت من وقتك يعني اطلبي شئ بسيط لاتعقدي الامور وخلاص ارجعي وحاولي تغيري نفسك وعلى قول البنات تعرفي نمطه عشان تفهميه ومع الدعاء بيتغير بس اصبري اشوي ولاعاد تكرريها تروحي لاهلك بزعل يعني اختي خلي اهلك لوقت الشده الي مره بس عشان سهر ترى والله ماله داعي بيتغير بالصبر والدعاء والله يفرج همك يارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل