اريد حل في زوجي العنيد والعصبي

[نور المحبه]

بسم الله الرحمان الرحيم

الى كل اخواتي المتزوجات افيدوني في طرق للتعامل مع زوجي


قصه زوجي

زوجي طيب مع اهله ويضحك ويسولف معهم ويلبي كل طلباتهم الى الان لايوجد مشكله

ولكن معي لايتكلم ولا يسولف وكل ما اقوله شي يقولى لا مابشترلك ومابفسحك
يعني اليوم كله بره البيت اذا دخل بس حق الاكل والنوم والجماع بس سوالف مافي وكل ما احاول اسولف معاه اقل كله يعصب منى ويصارخ ويطلع حتى المزح منى مايتقبله حاوت اطنشه بس مافي فايده

بس ابي اعرف المشكله منى ولا منه

اتمني بس يوم نتناقش مع بعض نسولف نمزح

اهو مع اهله غير غير


لاتبخلو على بردودكم

​

 

[مصاصه بالفراوله]

لانه مكتفي بأهله و الكلام خلصه عند اهله
هذا يبغاله سكوووووت و صمت عشان تجبريه يتكلم و يعرف ايش عندك
و اصبري مو بين يوم و ليله يتغير

 

[نسايم ربيع]

ربنا يهديه
شوفي حاجة تشغلك عنه

 

[دانة الشاطئ]

أتوقع مثل زوجك يبغاله تطنيش وما يحب المرأءة التي تعطيه وجه زيادة انتي اللي عليك سويه من واجبات والله يسخر لك زوجك

 

[جرحي الجديد]

والله كانك تتكلمي عن مشكلتي نفس اللي تعانينه انا بعد اعانيه طنشت وما نفع نصيحتي لك فوضي امرك لله

 

[عبق المساء]

عزيزتي اصبر عليك بل الستغفار في اليوم الف مره وبتشوفي كيف يتغير احفضي الله يحفظك

 

[ليل التهاتف]

حتى انا نفس الشي
مع اهله سوالف ويحكي شو
صار معه اليوم ولما اقول شو سويت اليوم
يقول ولا شي صرت اطنشه مليت كم مره
كلمته مانفع فيه وسعي صدرك متى مايغى يتكلم راح يتكلم
الله يعينا على أزواجنا بس
********************​

 

[@ذبحني غلاه@]

الله يعيننا

 

[القناصه 21]

اول شي انت لاتقطعين املك بالله
وثاني شي كل ماسجدتي ادعي ربك
وثالث شي سوي واجباتك تجاه زوجك وطنشيه لا تتكلمين ولا كلمه معه وشوفي شوي شوي بيكلمك

تقبلي مروري

 

[@ذبحني غلاه@]

حاولي بالدلع والتغيير في شكلك وبيتك واسلوبك خليك دلوعه شوي ورومنسيه وامتعيه بالفراش لان اغلب الرجال اذا موكلهم اهم شيء عندهم الفراش وكوني له امه يكون لك عبد

 

[الجده الصغيره]

اغلب الرجال كذا......بس مع الايام يتغيرون بس تغير طفيف.........لا يضيق صدرك ووجهي اهتمامك لنفسك وتطويرها......

 

[وردة و حلم]

في جوانب في الانسان من الصعب تغييرها ... واذا الوحدة تبي حل جذري وصحيح فيحتاج عرض جيد , أما بجم كلمة ماراح نعرف جوانب المشكلة وبالتالي لا يمكن نتوصل لحل جذري ايضا .. يعني ممكن يضبط الحل احيانا بس غالبا يكون الحل مسكن مو علاج ...
عموما بالنسبة لمشكلتج حسب الي قريته انه متعود من سنين على هالوضع ولاتنسين هو عاش مع اهله من ولادته ليوم تزوج بالتالي مب سهل انه يغير عادته ولكن طبعا ممكن هالشي وغالبا يصير مع المتزوجين الجدد لحدما يتعودون على الحياة الجديدة .. في اشيا قد تساعد .. مثلا السوالف الي يتكلمون فيها غالبا ما تكون نفس سوالفج فشوفي شنو يحب يسولف فيه ومن هني ابدي معاه ترى غالب الناس تلقينهم يحبون يتكلمون في الاشيا الي تهمهم
وبعدين شي2 , الريال يخاف مرات من فتح حوارات مع الزوجة وتلقينه يسكر اي حوار قبلما يبدأ حتى وهالشي له اسباب وايدة بس بقولج منها بعضها ... تلقينه يخاف من طلبات او مشاكل او انتقاد او تذمر او او .. يعني يحس وراه مسؤولية مب استمتاع فبالتالي مايحب الحوار مع زوجته
ترى بعض الرجال يحسون ان البيت بالنسبة لهم موطن الراحة والراحة فقط يعني جناح في فندق 5نجوم بالخدمات .. ومتنفس لكل حاجاته .. وهالكلام الى حدما مب غلط بس طبعا لازم يعرف ان عليه بعد واجبات , بس اقولج للأسف بعض الرجال صعب جدا اقناعهم بهالشي .. فعليج اولا انج توفرين هالجناح الملكي ويرتاح فيه تماما ويشبع كل حاجاته فيه بعدها يكون فيه موجز لأهم الانباء وتبدين وتنهين بالكلام الي يحبه ويستلطفه ... وطبعا حسب الوقت .. فكلام الليل غير والنهار غير ... بس اهم شي يكون الي يحبه ... بعدما يتعود على السوالف معاج ويحبها ضيفي بعض الاشيا الي تحبينها وببطيء وتدريجيا عشان ما تخربين الي سويتيه .. ولا تتوقعين اي تغيير قبل 3 اسابيع .. واذا واصلتي راح تلقين نتيجة واضحة بإذن الله بعد 6 شهور .. ولا تقولين مدة طويلة لان الحياة اطول من جذي بوايد ... وعقب الاصعب انج تحافظين على نجاحج .. فالوصول للقمة صعب لكن الحفاظ على القمة وبلوغ قمم أعلى هو الاصعب بلا شك ...
والله يوفقج

 

[نور المحبه]

لانه مكتفي بأهله و الكلام خلصه عند اهله
هذا يبغاله سكوووووت و صمت عشان تجبريه يتكلم و يعرف ايش عندك
و اصبري مو بين يوم و ليله يتغير

ها انا حاولت اطنشه فتره بس مانفع من قبل اول ماتزوجنا تغريباا من سنتين كنت اقوله ليش ماتكلني وليش ماتسوي وليش وليش بس حسيت كل ما اتكلم معاه يزيد في الصمت ويكثر من الخروج

شكراا على حضورك المتئلق

 

[نور المحبه]

ربنا يهديه
شوفي حاجة تشغلك عنه

سويت بس مانفع معاه

اشكرك على الحضور

 

[نور المحبه]

أتوقع مثل زوجك يبغاله تطنيش وما يحب المرأءة التي تعطيه وجه زيادة انتي اللي عليك سويه من واجبات والله يسخر لك زوجك

مافي فايده :30:

اشكرك على الحضور

 

[نور كندا]

كلنا بالهوا سوا اهلهم وبس

 

[نور المحبه]

والله كانك تتكلمي عن مشكلتي نفس اللي تعانينه انا بعد اعانيه طنشت وما نفع نصيحتي لك فوضي امرك لله

ها اغلب الناس تعاني مثلي الله يعيننا

مشكووره على الحضور

 

[نور المحبه]

عزيزتي اصبر عليك بل الستغفار في اليوم الف مره وبتشوفي كيف يتغير احفضي الله يحفظك

انشاء الله مافي شي يصعب على الله

مشكوووره على ها الحضور

 

[نور المحبه]

حتى انا نفس الشي

مع اهله سوالف ويحكي شو
صار معه اليوم ولما اقول شو سويت اليوم
يقول ولا شي صرت اطنشه مليت كم مره
كلمته مانفع فيه وسعي صدرك متى مايغى يتكلم راح يتكلم
الله يعينا على أزواجنا بس

********************​

انا اوقات ودي انفجر من الزهق تعرفين النساء تحب السوالف على اي شي

الله يهديه انشاء الله

مشكووووره على حضورك

 

[نور المحبه]

الله يعيننا

الله يعين الجميع
اشكرك على الحضور