اريد حلا قبل ان يخرب بيتي

همسة غلا**

همسة غلا**

New member
إنضم
2007/12/03
المشاركات
789
حبايبي ملكات واميرات مملكة بلقيس ارجو منكم افلدتي في الحل مع زوجي وكيف اتعامل معه تعامل مناسب لايسسب له نفور مني واحس كره لي يزيد اذا ضقت وزعلت منه اذا مانفذ لي طلبي خصوصا انه اذا قلت له اليوم في نروح نجيب اغراض للبيت يقول طيب خلاص نشوف واكون متحمسه ومستعده فيفاجأني بان اصحابه ينادونه يسهر معهم ويتركني ويروح كل مره يكررها ونتخاصماحسه يضايقني بهذه الحركه وهذي ماهي اول مره وقد حصلت معي اليوم وضقت وحسيته كرهني زياده عندما قال نروح بكره قلت بكره مخططه نروح عند اهلي قال بضيقه زي اللي يبغى الفكه مني في امان الله حسيت من نبره صوته وراح يسهر برى البيت
سؤالي اذا رجع من البيت كيف يكون اسلوبي معه وكيف اتعامل معه هل استفسر معه ليش قالي بضيقه وكأنه زهق مني وماعد يبغاني في امان الله روحي عند اهلك بصراحه ضايقني بهذه الطريقه افيدوني

ومره من المرات حصل ضيقه من هذا النوع وتخاصمنا وراح عند اهلي يشتكي وقال بنتكم تبغى تفرض سيطرتها عليه اذا استمرت كذه انا باتزوج وخلاص ماعد اصبر وقالت وقالت بصراحه ازعجني بهذه
وانا ماقد طلعت اسرار بيتي لاهلي ولالااهله ماهو الحل:sadwalk:
 
الغالية همسة غلا ........قلبي معاج والله يزيل ضيقتج انشالله ....بس انصحج انج تحددين مع ريلج وقت حتى لو كان لمدة ساعة على الاقل ...للصراحة ....ولا تستغلين الوقت هذا للعتاب أو الزعل بالعكس قوليله اللي ف خاطرج بس بطريقة ثانيه بطريقة ذكاء منج وخليه يقولج عن اللي ف خاطره ....وتناقشو عن حياتكم بأسلوب فيه حب ومودة ...........والله يوفقج......
 
وعلى فكرة راجعي نفسج قبل جلسة المصارحة ..شوفي نفسج هل انتي من النوع اللحوح أو اللي يتذمر بسرعة ....اكتشفي شخصيتج وحاولي تكونين الاحسن اذا كنتي جي ..........ترى نصيحة الريال ما يحب الزوجة اللحوحة أو المتذمرة دايما .خلج أحسن الحريم في عينه وأنا متأكدة انج ذكية وتقدرين.....والسموحة
 
هلا والله حبيبتي......أنا مابقولك الحل سوي كذا وإالا سوي كذا..... أنا أنصحك أتقريئين في المنتدى الحلو قسم في الزوج والزوجة عن أنماط الشخصية اللي تعرفين فيها زوجك من اي نمط.شمالي جنوبي شرقي غربي.. والله أنا مثلك زوجي كل شي بسوي لي مشكلة حتى من أتفه شي حتى قلت في نفس واحد منا مجنون أنا وإلا هو صدقين والله حسيت اني بجن ؟؟؟بعد ما دخلت في المنتدى الرائع بصدفة في الاقسام وشفت شمالي جنوبي ...وقريت حتى عرفت الانماط حتى عرفت نفسي أكثر...وبعد زوجي والله فهمته زين..صدقين اللحين إذا صارت أي مشكلة....أعرف حلها!!! بس أنصحك...تقرينها والله بتسهل عليك الدينا بعد مو زوجك..... وطمنينا علي ياأختي.....الله ييسر أمـــــــــــــورك.....
 
اختي مو من كل شي تزعلين وتري بعض الازواج ما يهمهم زعل الزوجه ويتعود على الموضوع خلي عندج حصانه ضد النرفزه واذا قال ما اقدر قولي اوكي حبيبي انته اختار الوقت وقول لي او ايش رايك متى يناسبك
عزيزتي خصوصا في بدايه الحياة الزوجيه كل واحد من الزوجين يحاول يفرض رايه ولكن الاستمراريه تخليكم تعرفون بعضكم عدل والله يوفقج
 
ملكة قلب زوجي تسلمين يالغاليه ونصيحتك رائعه وليش السموحه بالعكس افديني بنصيحتك انا احب احد ينصحني
وانتي ياالقلب الرقيق تسلمين على الرد
والله يعطيك العافيه اختي نضره جديده نصيحه جميله سوف افتح الموضوع واحاول معرفة شخصية زوجي
وياام فهد جزاك الله خيرا على الافاده تسلمين يالغاليه سأجربها
الله يوفق كل من ردت عليه في الدنياوالاخره
 
اختي انت كل مره تشوين نفس الشي تزعلين وتاخذين على خاطر زين ليه ما تغيري اسلوبك وتجربي ان تقوليله زين اوكي بكل برود وان الموضوع موب هامك وان عادي عندك ادري انك بتموتين قهر داخلك لكن لا توريه لان في نساء يحبوا التخطيط لكل شي لطلعتهم وجيتهم وزيارتهم (وانا وحده من هذي الناس )وفي رجال ما يحبوا ابدا التخطيط لاي موضوع ما عندهم مشكله اليوم بكرا عادي ويبيك توافقي على قرارهم اش ما كان يكون لكن انت بعد ما توافقي على قراره سوي حيله اي شي باسلوب دلع باي طريقه ان تمشي الي تبيه بشكل سياسي وبالحيله وبلباقه
 
الله يعطيك العافيه يا ام ناصر ومشكوره على النصيحه سوف احاول اغير من زعلي واسلوبي واجرب طريقتك لكن ادعو لي ان الله يذهب عني الضيقه
 
الله يساعدك ياأختي ويسخر لك زوجك
ويسخرك له
انا بنصحك نصيحه من اخت لأختهاواتمنى من الله ان يفتح لك من عنده
(((حاولي في كل وقت تدعين لزوجك وخاصه في سجودك للصلاة
ادعي ان الله يسخره لك ويهديه ويصلحه ))
اتمنى افيدك بس والله جربت هذه الطريقه وماخذلني ربي
الحمد لله
 
تسلمين يالغاليه مافيه زي الدعاء الله يوفق الجميع
زوجي دايما يقولي ليش تمنعيني اروح مع اصحابي انا حر مالك دخل في حياتي وليش تقولين اني دايما اخرج واني اسهر
انا ماقد سهرت ولالك دخل فيني ويقول لي كمان لكن والله اوريك كيف اخرج واسهر
وانا ما امنعه من الخروج لكن اذا شفته زودها يسهر برى البيت باستمرار اتكلم معه في هذا الموضوع لكن هوه شكله مايبغاني اقوله اي شيء وش الحل افيدوني لنا حقوق
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل