اريد ان استعيد زوجي

[كلــي أمــل]

بسم الله الرحمن الرحيم

السلام عليكم ورحمة الله وبركاته

بدش على طول بقصتي وابي مشورتكم

متزوجه لي سنه وزوجي وسيم وفي وظيفه مرموقه واسلوبه راقي ماشاء الله وتعامله معي جيد ويحبني كثير ولله الحمد علاقتنا جيده ببعض
لكن من فتره صار جلوسه عالنت بالساعات ويطول عليه مايشعر بالوقت
صحيح انه مايقصر باي شي من حقوقي لكن نادرا ما يجلس بدون النت معي
وشكيت من كثر جلسته عليه
واليوم لقيت له محادثه مع بنت انصدمت ماكنت اتوقع انه بيسوي هالشي
ويقول انه يبي زواج مسيار
انا والله فيني جمال والكل يشهد بذلك لكني دبدوبه شوي مو كثير وهو يبيني انحف بس ماعندي اراده
بنات ابي مساعدتكم انا محتاره ومقهوره من المحادثه ما ادري وش اسوي

 

[فراشه الامل]

الله يعينك

 

[رفيف1]

اذا زوجك ياخذ و يعطي معاك فاساليه و صارحية انت لسا عروس بس نصيحة لا تخليه اكبر همك ترا الزوج مكمل لحياتك مو كلها

 

[حلو القصيد]

الله يفرج همك يااااارب ويرده لك

 

[كلــي أمــل]

فراشة الامل
يسلمو غاليتي ع الدعوه

رفيف1
شكرا على مرورك العطر

 

[الوابصي]

يااختي قوي أردتك استخدمي رجيم التمر لبن روعه ياقلبي بالأسبوع بي تنزل تقريبنا من 4الي5 كيلو بتوفيق ياقلبي

 

[الجده الصغيره]

سوي ريجيم والزقي فيه 24 ساعه...اشغليه بنفسك...اقعدي معه وهو عالنت...

 

[خلآص...!]

تصدقي مريت بنفس اللي مريتي فيه
انا ضد المواجهه بس لانه يحبني ولايقصر علي ولا على اولاده بشي
حبيت اني انهي الموضوع بدون مايدخل الشك او الشيطان يخرب افكاري
جيت وقلت له شفت لك محادثة وفيها كذا وكذا وش سالفتها
وضح لي سبب فضوله باللي يسمعه من اصحابه .. الخ
والحمد لله رب العالمين حياتنا ماعليها كلام علاقتنا حب وصداقه اذاصار فيها مشكلات بسيطه او كبيره الله لايكبرها تنحل بوقتها عشان مانتراكم بفجوات ونبعد عن بعض​

 

[كلــي أمــل]

جزيتم خيرا على مروركم ودعواتكم

لكن ياجدتي الصغيره مايرضى اني اتابع معاه النت ومستحيل اجلس بجنبه لوغصب جلست طلع من الغرفه وخلاني

 

[كلــي أمــل]

اختي خلااص يعني تنصحيني اصارحه وارتاح

 

[انثى تعشق رجل]

قصص زواج المسيار اغلبها فضول ولقافة وحب استطلاع
بس هذا مو يعني نترك الحبل على الجرار
بعدين ممكن توقع الفاس بالرراس ونبكي على حظنا وعلى هبلنا
مادام انه يحبك وانت متاكدة من هالشي صارحيه وازعلي عليه حبتين
واطلبي منه مايتمادى في جلسات النت يعني باليوم ساعتين كفاية

 

[السندرله]

ابش رك الحين بتنحفين بس ماهو من الرجيم بل من الهم اسال الله ان ييسر امرك

 

[جمانه222]

الله يعينك ,,,سجلي بنادي محافظ او اشتري سير وامشي يوميا نص ساعه وخففي الاكل وخصوصا بالليل
واشغليه باي شي,.

 

[الوابصي]

ياكي امل الله يحفظك يسخريزوجك لك يجعلك اجمل احل امرأه في نظره امين ياحبيبتي عليك بدعا لجوا الي الله ان الله يبعده عن الحرام الله يسعدك وينور دربك وينحفك يارب ياكريم وشكررررررررررررررررررررا ياقمرررررررررررررررررررر

 

[زارمنيا]

الله المستعان

 

[ربي يحفظك لي]

الله يحفظك بس المشكله الرجاجيل بعضهم ما يحبون المواجهة صلي ودعي لزوجك واستغفري كثير

 

[انتهت قصه هوانا]

يمكن تكون محادثه لا اقل ولا أكثر مثل الي زوجاتهم مو مقصرات معاهم ويقولون للعشيقه انهم مايوم
ارتاحو في حياتهم ومو كل من قال بتزوج راح
يتزوج

 

[ارنوبة زوجي]

الله يسخره لك

 

[كلــي أمــل]

اسعدني مروركم جميعا
واشكركم على دعواتكم ونصائحكم العطره

لكن ما اقدر اصارحه خاصة انو تو المحادثه في بدايتها
وهو من النوع اللي اذا صارحته يصير يعمل الشي ويستمر عليه بس يستخبى
يعني يحاول اني ما ادري عن شي

 

[عبير القلوب]

أختي شغليه حاولي يكون بينكم حوار لا تخلي بينك وبينه حاجز