اريد ان اتطلق و يرفض زوجي ماذا افعل

  • بادئ الموضوع بادئ الموضوع mini_cooper
  • تاريخ البدء تاريخ البدء
M

mini_cooper

New member
إنضم
2012/04/29
المشاركات
11
اخواتي مشكلتي عويصه و الله فوق و أكبر من كل شي
اريد اتطلق من 5 سنوات و زوجي يرفض تطليقي
ماذا افعل ؟!
 
ابغض الحلال عند الله الطلاق ، ليش تبي تطلقي ممكن في حل

واذا مصره استخيري ربك وروحي للمحكمة
الله معك خيتوو
 
الله يكون في عونك اهم الشي لايكون في السالفة اولاد لانها من جد قضية عويصة فككرررررررري زين قبل لاتخطي خطوة تندمي عليها ان ابغض الحلال عند الله الطلاق
 
شوفي حل ثاني غير الطلاق خصوصا اذا بينكم اطفال والله ييسر امرج
 
نفس ما قالوا الاخوات الكريمات اذا عندج عيال حاولي تصلحين الاوضاع اختي ولا تتسرعين
ترى الطلاق كلمة سهلة بس عواقبها كبيرة خصوصا لو في عيال
الله يقويج و ينصرج يارب
 
أخواتي انا متزوجه من 2001 و عندي طفل واحد يعني الحين عمره 11 سنه الله يحفظه
من أول ما تزوجت انصدمت ان زوجي مغازلجي و عنده علاقات كثيره قبل الزواج و ظلت هالعلاقات تزيد و مستمره لين بعد الزواج و المصيبه اهله يدرون و لا يتدخلون كله كوم و الاتصالات و السفرات و الواقي الذكري اللي بملابسه و عاد خلو على صوب الاهانات و مد اليد و الذل و حرماني ازور هلي و يهددني يأخذ الولد كل ما صار بينا مشكله و من شافني قويه و ما استسلمت صار يصك الباب ولا يخليني اداوم و اخذ ذهبي ولا رجع لي اياه
و صار لي من وراه انهيار عصبي و دخلت المستشفى وهو يزيد في ذلي
رحت لبيت اهلي و هو اللي اشتكاني في المحكمه و لليوم يرفض انه يطلقني و حارمني من ولدي و خلاص هو تزوج و استقر و لليوم معلقني و رافض يطلقني ولا ينفق علي
يعني لا اني حاسه بالامومه و لا اني متزوجه ولا اني عايشه حياتي مطلقه
ادعو لي بالفرج و حسبنا الله و نعم الوكيل
 
لاحول ولا قوة الا بالله العلي العظيم
ان ابغظ الحلال عند الله الطلاق وشلون تبين تطلقين وش السبب اللي خلاك تطلبين الطلاق كذا بس من غير سبب ولا فية شيء يستاهل الطلاق يا خية ترا مو بالسهل انتبهي لعيالك لا تضيعينهم خلي عنك هالافكار ترا لا يكون احد ضاحك عليك وانتي مصدقة وتتهوري لالالالا يا خية الطلاق له مبررات واسباب غير كدا ابد ما ني معك ولا انصحك الله يهدي سركم ويحببكم في بعض 0
 
اذا كانت هذي حياتج معاه...وكلي محامي ورفعي قضية طلاق
 
عزيزتي وسطي احد بينكم يكون ذا حكمه ورأي سديد ياامساك بمعروف او تسريح باحسان .
ربما زوجك الى الان عنده امل ترجعي ومتمسك فيك ويضغط عليك بالولد .ومازال يكن لك بعض الحب والود .اذا كان كذلك فكري بالصلح وارجعي بيتك .
بالنسبه لحضانة الولد عمره 11سنه فهو يخير بينك وبين والده .ولكن يتربى وسطكم افضل له من التشتيت.
انصحك يااختي بالصلح .هو الان تزوج وربما تاب من علاقاته السابقه..
واستخيري الله ف امورك كلها ..الله يقدر لك الخير حيث كان.

 
وكلت محامي و المحكمه عينت حكم من اهله لانه رفض ان يكون الحكم من اهلي و الحكم تفشل من اللي كان يسويه فيني و من علاقاته اللي ما انكرها وتهاوش هو و الحكم و زعلو من بعض لليوم
و رحت المحكمه مره ثانيه و عينت المحكمه حكم محايد و عطيته كل الادله اللي ما انكرها و كلمني الحكم على حده و كلمه على حده و كتب تقرير انه معترف بكل علاقاته و ما بيطلقني و المحكمه عرضت عليه انه يطلق و رفض و لليوم القضيه في المحكمه متعلقه لانه ما يريد يطلقني ولا راضي بامبلغ لخلع و الولد عنده ما يزورني اياه و متزوج و متهني و اسمع من الناس انه كل يومين مسافر المغرب و عنده عشيقات بالديره و بالمغرب بعد وهو ولا همه
حسبنا الله و نعم الوكيل
 
دخلت اطمن عليج

لاتياسي...مثل هاي القضايا ماتنحل بيوم ويومين....بتاخذ وقت...خصوصا اذا كان الزوج عنيد مثل زوجج ...لكن لاتخافين..وكلي الله...واستمري بمحاولاتج

الله يوفقج
 
و الله اني صابره على كل شي و كلام الناس و القيل و القال بس كله ولا بعد ضناي عني هذا اللي ما اطيقه ابدا الرجال اذا بغى يطلق تكون كلمه و ينطقها و اذا بغى يذل الحرمه ما راح يتعايا ما قول الا حسبنا الله و نعم الوكيل
 
عزيزتي انا ضد المحاكم لو لجأتوا لحل الموضوع بشكل ودي من الاول .. مدام وصل للمحكمه يتعقد اكثر..زوجك عنيد وماراح يرضخ بسهوله ..وسطي احد من اهله امه .. اخته .اي حدا من قرايبه يقنعه.
والجأي الى الله بالدعاء والاستغفار ..ربي يريح بالك.

 
اختي وين اهلكـ وين اخوانكـ وووووينهممممم


بما انه متزوج ومستقر وحارمكـ من كل شيء وولدكـ ورافض

وافقي ثم اطلبي منزل خاص ونفقه واحشررريه المهم عودي معه وابحثي عن نقطة ضعفه او امسكي عليه صور او مقاطع المهم شيء يلوي ذراعه طبعا الغرض فقط طلاقكـ وليس الفضيحه وافشاء ماستره الله ..

هذا رجل بايعها ووجهه مغسول بزيت حار مو بمرق وبس ..

اعوووذ بالله يعترف عيني عينكـ والمحكمه زي قلتها ,, اي والله زي قلتها واردى بعد سبق وصارت لي مشكله مع جارنا والله طلعوه منها مثل السلام عليكم والقضيه راكبته من راسه الى رجليه .
 
حبيباتي ... اهلي وقفو معاي بس عندنا القانون و المجتمع ما يرحم
زوجي و اهله ناس واصلين يعني فلوس و واسطات حتى محامي رد علي بعد فتره انه ما بيمسك قضيتي و صار صاحبهم و معاهم
ماقول الاحسبي الله حتى القاضي يرد علي و يقول غيرج ما محصل ريال !!!
حاشا لله مو ريال ... الرجول عفه و حفظ محارم و حقوق و واجبات وهو جردني من امومتي و حرمني راحتي و حريتي
ما قول غير حسبنا الله و نعم الوكيل و انا و الله العظيم يا بنات اني ادعي ربي ليل نهار يفرج كربتي و اقرا كل يوم سورة البقره كامله و نفسيتي واجد تحسنت بعد ما مريت بإنهيار عصبي الحين نفسيتي مره أفضل و خلال الخمس سنوات الماضيه اللي طلعت من البيت الحمدلله استعدت عافيتي و صحتي و دورة لي على شغل و كملت الماجستير و بفضل من الله و حصلت امتياز و صرت انام قريرة العين و قلبي و بالي مرتاح بعد ذاك الهم و حرقت القلب و الذل اللي كنت اشوفه لكن اسال الله يحفظ ولدي من كل سوء و يرجعه لي سند لي و يسلمه من كل سوء ان شاء الله و يبرد قلبي بشوفته معين لي و بار فيني و عسا يا ربي ما يثمر فيه غسيل الدماغ اللي جدته و عماته يسووووه علي
ادعو لإبني يا بنات بالصلاح و التقوى الله يخليكم أنا بالنسبه لي حياتي الحين تحصيل حاصل الي ان يفرج ربي لي لكن بالنسبه لي ولدي هو املي و المستقبل اللي انتظره و املي بالله كبير و دعواتكم يالغاليات

تدرون يا بنات انا ما حضرت ولا دوره للدكتوره ناعمه بس كنت اتابع موقعها و لأسف شخصية زوجي بالنسبه لي واجد غامضه و متناقضه و ما قدرت اصنفه من اي نوع هو لانه كان ما معطني وجه ولا بينا اي تواصل و كان كذاب درجه اولى و بشكل غير طبيعي لدرجه انه كان يكذب علي عيني فعينه و لأبعد الحدود و بشكل مو طبيعي و يختلق قصص و سيناريوهات و يشطح شطحات ما ممكن تتخيلو

و الزايد عليه ان العلاقات و العشيقات شي متأصل فيه و ابوه و اخوانه ,,, يعني كأنه العيد عندهم و الطين ان أمه ما تتعايا و تبرر و تدافع عنه
حسبنا الله و نعم الوكيل
 
اختي ..

قلبي معاج ...

قريت موضوعج و ما قدرت استحمل بصراحه .... يا ريت اقدر افيدج .. بس عشت الغموض اللي انتي عايشته و مب قادرة اقول لج شنو تسوووين ..

لا تيأسي ... انشالله ربج كريم و راح تنفرج ...

 
اذا المنطقه هذي معروف فيها وحاطهم في جيبه ارفعيها لاحد الامراء او لمنطقه اخرى ..

يا اختي ارسلي اوراقكـ لدار الافتاء او للملكـ ,, لا تقولي ماتوووصل لاااا توصل بإذن الله ,,



اختي .. لا تيأسي وتصدقي وادعي بأن يسخره الله لكـ راغما ..


 
واصلي التجائك بالله وباذن الله العاقبة لك
واسال الله ان يرد ابنك لحضنك محبا بارا معينا صالحا مصلحا
وابرقي للملك حاولي لن تخسري شيء
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل