اريد النصيحة

[ام سيف 1]

السلام عليكم ورحمة الله وبركاته
خواتي العزيزات .... اريد رأيكن في هذا الموضوع

انا مالجة من شهر 1 والحين كملت 5 شهور
مشكلتي ان زوجي ما يتصل فيني الا اذا طرشت له مسج ( يعني في كل اسبوعين مرة)
او اذا بغا ورقة ضرورية .. يتصل ( ومدة المكاملة ما تكمل نص ساعة) وحتى مسجات ما يطرش
ولما يسافر يغلق تلفونه وما يتصل ابدا
وحتى اذا تكلم معاي يتكلم في مواضيع عامة وما يتكلم عن حياتنا
وحتى الطلعات ما يبا .... احسه يتهرب ...آخرة مرة طلعت معاه شهر 2
وكلما اناقشه في الموضوع يقول مابا شيئ الحين كله بعد العرس

وانا مضايجة من السالفة وخاصة قلة اتصالاته.... ابغي على الاقل يتصل او انه هو اللي يبادر يتصل فيني بدون ما اذكره بالمسج

هل هذا طبيعي يابنات .. ولا انا مكبره الموضوع

 

[رازيا]

مسكين الرجال يمكن طفش من كثر ما اتكلمينه
انصحك اثقلي عليه ولا تتصلي ابدا خليه يشتاقلك
وبعدين عزيزتي انصحك نصيحة تمسكي كل ليلة سورة البقرة والله انه مشكلتك راح تنحل بقدرة الله
ثقي بالله واستعيني بالله
انشغلي عنه خليه هو اللي يسئل عليك

 

[منال العالم]

حبيبتي الثقل صنعة اثقلي خصوصا انة توك مملكةلا تحسسينة انك خفيفة عقل وتطردين وراة خلية يحس بقيمتك اهتمي باغراض عرسك وبصحتك قبل يوم الزفاف احسن والله يوفقك.

 

[كلما تكبر تحلى]

هل هو الي اختارج زوجه له أم اهله
واذا كان هو الي يبيج هل كان بينكم حب
انا ماودي أخوفج بس من كلامج انه مايبيج وماهو مهتم فيج غريبه الي يسويه
المفروض يكون متولع فيج حيل مو أنتي
واتنمى اني اكون ع خطا والله يوفقج ويسر امرج أمين

 

[ام سيف 1]

شكرا عزيزاتي على تجاوبكم معي
رازيا.... منال العلم..... انا ما اتصل عليه لكن لما يتأخر واايد يطول اسبوعين ما يتصل ارطش له مسج عتاب
يرد يتصل علي .... الصراحة انا اضايج احسه ما يهتم

كلما تكبر تحلي... لالاا الاختيار كان من اهله ... هو طلب بنت زينة واهله اختاروني
ادري المفروض يكون متلهف علي ... الكل يقول هالكلام
من جذي انا خايفة ...

 

[تشكرات]

مادام أهله أختاروكي وعلى حسب رغبته وطلبه ..فلا نخافي

ولا تهوجسي حبيبتي ...قد يكون خطيبك من النوع العملي

أتعرّفي على نمطه جيّدآ ..ومن خلال نمطه أكسبيه ولو بالثقل

والطناش ...أكيد شمالي النمط ....اذا كان شمالي ( فهنيئآ لك

بهذا النوع من الرجال ( فهم أكثر مسؤوليه من غيرهم ...ولذلك

خطيبك ( لا يهتم بالمسجات والاتصالات ( فهمّه الأكبر الحياه القادمه

لأنها في نظره ( مسؤوليه كبيره ...والشمالي قدها وقدود هههههه

ربنا يوفقك ..

 

[ام سيف 1]

(تشكرات .... باتشي قهوة)
هو نمطه شمالي شرقي ( وتعلمت الانماط الشخصية من منتداكم اللي سجلت فيه من اسبوعين تقريبا)
وما كنت اعرف عن الانماط ...... اللي لما دخلت المنتدى من اسبوعين تقريبا
االصراحة ردكن احسسني براحة الله يريح بالكن يارب
شكرا لكن

 

[دلع قلبه]

لازم تفهمين دماغ الرجل وكيف تفكيره
لانه يختلف كليا عن الانثى
ومكالمتك معاه او طريقة رسايلك لازم يكون فيها طريقة تختلف عن لو كنتي ترسلين لصديقتك او اختك او اي انثى في العالم
لازم بالنسبة له كرجل يكون في تواصله معاك متعه وفائده واذا مالقاهم اكيد ماراح يرغب يكلم!!
لازم تفهمين كيف تمتعين الرجل وتفهمين كيف تتواصلين معاه وهذا كله موجود بمواضيع الانماط او في قسم الزوج والزواج
كثفي قراءتك هناك وخلي هالفتره تعليميه بالنسبة لك
هــــذا موضوع بيفيدك كثير بعد
بس اشدد على قضية انك لازم تقهمين وش يعني رجل عشان تقدرين تتواصلين معاهـ ..

 

[ام سيف 1]

الاخت دلع قلبه... الصراحة كلامج صعب
هوو ما يقول كلام حلو أو دلع كيف انا اللي ابدأ .. ..... المفروض هو اللي يبدأ عشان ارد عليه ( في البداية اكيد بستحي ولا هوو ما يفهم )
لازم يعطيني ريج حلو .. ما يصير انا اللي أبدأ
لكن بغيت اسألج سؤال
عادي ارسله مسجات حلوة ولا كيف اتصرف....
واذا طرشته مسجات حلوة وما رد علي.. عادي ولا شووو