ارجو النصيحه يا اخواتي الغاليات

[reem alsaadi]

اولا السلام عليكم ورحمه الله وبركاته..

انا اختكم ريم من الامارات واطلب النصيحه منكم واتمنا المساعده

انا متزوحه من 6 اشهر الان ومن اول اسبوع اكتشفت ان زوجي يعرف بنات وعنده علاقات,, لكن ما واجهته وقلت اكيج بيتغير لاني اعرف انه يحبني ويموووووت فيني.,, وانا نفس الشى,,

ولكن مع الوقت ولما شفت الموضوع زاد عن حده وشفت انه بينه وبين هاي البنت اتصالات ومسجات حب وغرام ما قدرت اتحمل وواجهته.. وبحكم انه يشتغل ف التحريات فالي انه هاي وحده من الشغل وانه اللي بينهم كله شغل وكلام الحب عباره عن شفرات سريه.. والصراحه ما صدقت.. ولكن طوفت السالفه..

بعد فتره لاحظت انه ما ييلس فالبيت وانه يحط رقم سري لجواله ودايما يغيره.. حتي علاقتنا السريريه اتغيرت واحنا تونا معرسين وهو ما يتقرب مني الا 7 مرات فالشهر او اقل.. ولما كنت اساله يقولي انه باجر دوام ويبا ينام مثلا ويراضيني بحضن وينام...

قبل شهر راح دوره عسكريه حجز 45 يوم وفى فتره غيابه لقيت جوال ف سيارته وشفت فيها مسجات قديمه من البنت اللي يقول انه بينه وبينها شغل.. وشفت صور وكلام حب وغزل وعرفت انها وحده من الماضي ولكن للاسف ما زالت موجوده ف حياته..
​

ما قدرت اواجهه من الصدمه وتركت له رساله والصور ورحت بيت اهلي ولكن ما شكيت لحد منهم ويلست بروحي افكر.. وبعد كم من يوم اتصل فيني وسالني شو صاير وشكله الاخت كانت مخبرتنه وقلت له من ترجع البيت بتعرف شو السالفه..

وفعلا.. اول ما قرا الرساله طرش لي مسج وقال انه هاي بنت من الماضي واحين ما بينه وبينها الا الشغل..
قلت له وكلام الحب اللي بينك وبينها؟؟؟ قال شفرات سريه
والصور؟؟ قال قديمه وما يدري انها موجوده
قلت له وتسجيلات الحب اللي مطرشنها حقها... قال ما اتذكر
ووووووو

قلت له متزوج غيري؟؟ قال انتي ما تعرفين كيف عذاب الضره (يقصد الزوجه ال2) ولكن هذا في علم الغيب ومحد يدري شو بصير..

شفتوا كيف ردوده؟؟؟؟ انصدمت فيها واااايد وعرفت انه كذاب ومراوغ وما عارفه كيف اتعامل وياه.. انا رجعت بيتي وهو رجع الكليه وبيرد البيت يوم الخميس وما عارفه كيف استقبله احس مالي نفس اشوفه او حتي اسلم عليه..

انصحوني يا بنات.. ​

 

[كلي حنو]

يعني صراحه زوجك كل يكذب عليك ..؟؟

ماعليك منه لا تصدقيه ولا بحاجه وقولي ..

واذا جاك واجهيه دامك انتي قلتي له عن البنات وماضييه ..

وقولي له لازم نحط حد لهذي المهزله..

كل مره اقولك حاجه تقولي لا والمشكله انك تعرفين انه صحيح

بس زوجك يكذب .. واذا عندك اثبات من الافضل انك تورييه زوجك عشاان يشووف الصدمه ..

والله يوفقك يالغالييه ..

لاتنسي قراتك للقرأن والدعااء والتسبيح ..

 

[قصه شتا]

ياقلبي انتم يا لامراتيات لابد كل زوج وله عشيقه او عشيقات!!!!!!!
الله يعينج والله
بس هو قاله بعظمه لسانه
((بنت من الماضي))
وصدقيني والله لو يحبهم ويغليهم ويثق فيهم
كان تزوج وحده منهم

هو بس ماشي معاهم تضيعه وقت
لاكن الحب النظيف الشريف الي لاتشوبه شائبه هو انت وثقته فيك

 

[reem alsaadi]

زين يا بنات ممكن اتقولولي كيف اتعامل ويا زوجي.. هو بيرجع يوم الخميس.. وانا ودي اني اطنشه واخليه يحس يالفرق بين معاملتي واهتمامي يه اول وبين تطنيشي احين

هل هذا هو الحل... شوروا عليه....

 

[مدنفة أوصالي]

ياقلبي انتم يا لامراتيات لابد كل زوج وله عشيقه او عشيقات!!!!!!!
الله يعينج والله
بس هو قاله بعظمه لسانه
((بنت من الماضي))
وصدقيني والله لو يحبهم ويغليهم ويثق فيهم
كان تزوج وحده منهم

هو بس ماشي معاهم تضيعه وقت
لاكن الحب النظيف الشريف الي لاتشوبه شائبه هو انت وثقته فيك

ربي يسعدك لا تعممي الاماراتيات ترى فينا رجال شريفين ويعرفون ربهم ياغالية

والوازع الديني اذا نقص ما ينقص في الامارات بس ولكن دول كثيرة فيها الخيانات

ومو كل اماراتية تشتكي من الخيانة

سامحيني بس زعلني ردك

حبيبتي صاحبة الموضوع ، كل شي بالهداوة بينحل واستعيني بالله ولا تاخذك

الهواجيس والافكار ، ما اسعد الشيطان ان ينفث في خواطركم فيحزنكم

والحل والربط كله بيد رب العالمين

اسال الله ان يجعل هذه الظنون في غير محلها وان يجعلك احب الناس لقلب زوجك

ويبعد عنه خرابات البيوت

 

[أميــرة الــورد]

طنشيه وخليه يحس بالفرق بس لاتقصري في حقوقه واذا سالك قوليله خل كل واحد ينام ع الجنب اللي يريحه بلا شفرات بلا كذب خلي يعرف انك ماصدقتيه .. وكوني اطلعي فليها واتونسي مع اهلك وصديقاتك ولاتعبريه .. رح يحس بالتغيير ورح يبدا يدور وراكي ولو سألك وكلمك بالموضوع قوليله ألزم ماعلي كرامتي وسمعتي وصحتي لو عندك خرابيط ابتعد عني احسن .. ان شاء الله ربي يهديه ..

 

[كاتياباسل]

دامك متأكده أنـــــو مب صادق
ليش تمشيها،،،،وتبينين له أنك مصدقته؟؟؟؟!!!!

كذا يـــــاقلبي
بيستغفلك،،،،ويظنك ساذجه وتطوفك هالأشياء



##أذا متأكــــــــده من خيانته!!!
(واجـــــــهيه) وخليك قويه!!!!!

أنتي في بداية حياتك ويسوي جذيه،،،،،عيل بعديـــن شبيسوي؟؟؟؟


الله يهديه،،،،ويكفيك شر بنات أبليس