ارجو المساعده

[كوته]

السلام عليكم
دكتورتى الغاليه انا فعلا اتمنيت انى اقبلك لدرجه انى حلمت انى فى انتظار استشارتك وا تمنيت اى موضوع تردى عليه فارجو انك تردى على رسالتى لانى بالفعل محطمه نفسيا وكنت اعالج نفسيا دكتورتى الغاليه انا من مصر تزوجت من زوجى بعد فتره خطبه 3 شهور اعترفلى قبل الزواج انه ملوش فى العلاقه بكثره انا مفهمتش قصده لكن بعد الزواج حصل خلافات كتير بينى وبينه بسبب انه مدمن على العاده السريه وانه بيتفرج على افلام كنت فكره انى لما امنعه انه يتفرج هيكون احسن معايا لكن للاسف علاقتى بيه سأت جدا وبدا يبعد عنى كنت بغضب فى بيت اهلى وكنت ارجع بعد اسبو لوحدى وكنت اقول لنفسى عادى مدام مفيش ست غيرى فى حياته خلاص كان بيضربنى واروح اصلحه كان بيعملنى بطريقه غبيه كانى مليش لزمه فى حياته دايما بيوصلى انى مش فرقه معاه وجودى من عدمه وفى الاخر اكتشفت انه على علاقه بستات مش ست واحده وانه واخد شقه من ورايا بس مكنش بياخد فيها حد لانى رحت البيت وسالت الجيران كان بيكلمهم فى التليفون ويفضفض معاهم حصل مشكله وشتمت الستات دى وبلغت ازواج المتجوزين والمطلقه هددتها انى هفضح امرها ورحتلها فعلا فى مكان عملها لكن ملقتهاش انا متهوره بعض الشئ وعصبيه للاسف سبت البيت والمره دى كنت مصممه على الطلاق لدرجه انى اخدته عند المأزون لوللا ابن عمه لحقنا فى الاخر اعدت فى بيت اهلى 7 شهور مصممه على الطلاق ومفكرش ولا مره انه يراضينى اوحتى يتصلبيا خلال الفتره دى لكن اخواتى راحو عنده واتكلمو معاه وفى الاخر ابن عمه هو الجه اخدنى بعد ماخويا بهدلنى علشان ارجعله ورجعت وانا كلى كره ليه وهو منتظر انى اصلحه كالعاده وانا من يوم مدخلت المنتدى وانا عرفت قيمه نفسى وعرفت انى تنازلت عن كرامتى مع اول مره تغاضيت عن اهانته ليا هو كريم جدا فى الفلوس لكن كذاب وعنيد جدا لماسألته اخدت الشقه ليه من ورايا قالى لما منعتينى اتفرج فى البيت اخدتها علشان اتفرج فيها هوصعيدى اتربا علىان الراجل عيب يظهر حبه لمراته علشان ميكونش ضعيف هو جنوبى شرقى على مااعتقد بيحب التصورير لدرجه انه كان بيصور نفسه وكان متصور كتير قدام البحر فى وقت غروب الشمس كان كويس معايا وحساس جدا وعنده مشكله تانى مش هقدر انى اكتبها على المنتدى انا اسفه هو حاليا عرف ومتأكد انى اتغيرت وعرف انه مبقاش مهم فى حياتى وممكن اسيبه فى اى وقت علشان كده اتغير وبيكلمنى باحترام عن الاول عرفت يعنى اتجهله انتى علمتينى كتير من كلامك وبحاول اخد منه الىبيناسبنى انا والحمدلله شديده الذكاء بشهاده كتير جدا انا اتعلمت كتير من اخطائى وعرفت غلطى لكن مش عرفه اتعامل معاه ازاى انا حاليا منفصله عنه انا بنام فى غرفتى وهو بقالو 7 سنين بينام بره الغرفه ارجوكى سعدينى انا محتجالك انا حسه بجرح شديد لكرامتى ومش ادره انسا او اسامح انا مقدرش اشترك فى المجله او الدورات للاسف فارجو ان حضرتك تردى عليا هنا
__________________
​