ارجو المساعدة

[منيرة الصغيرة]

السلام عليكم ورحمة الله وبركاته ..

عدت من جديد ..
طولت ادري هههه
اشتقت للمنتدى والله ..

بغيت منكم مساعدة ..
انا منفصلة عن زوجي صارلي شهرين وخليت عيالي عنده هو واهله يهتمون فيهم وهو يترجاني ارجع له وقالي انه ترك كل شي وشاريني ومستعد يسويلي اي شي وانا مطنشة وقاعدة في سكن مؤقت مع طالبات و والله كل يوم مر بالنسبة لي بعيد عن عيالي وخاصة الرضيع اللي عمره سنة ونص والله اتألم .. قسيت شوي ودست على جروحي .. ماعندي اهل في هالبلد وتدرون هالشي صعب حيل على امراة خاصة مثلي اللي من النوع الضعيفة والخوافة بزيادة ..

المهم قررت ادرس شخصياتنا و انا هنا فالسكن وقلت بقلبي يعني اتمنى احل جميع مشاكلي و اعرف وش اللي مسبب لي كل هالمشاكل وليه مافيه استقرار في حياتي الزوجية

سويت الاختبار من المنتدى الله يجزي كل ايد كتبته بكتابها يوم الحساب باليمين اللهم آمين

شخصيتي شمالية غربية وشخصيته جنوبي شرقي

اتمنى تساعدوني يعني بعد كل هالمشاكل وحلف يطلقني وماطلقني ومن تركت البيت وقلتله بطلب الطلاق وهو يترجاني ويقول لخواته اتصلو كلموها ترجعلي وبموت بدونها وانا اقوله انت بش كلام ولا تسوي فعل وان تبيني صدق وشاريني ما سويت لي شي من قبل والحين جاي تقول ارجعيلي قلتله انته واهلك جرحتوني واهنتوني وشوهتوني قدام الناس ومحد يصدقني او يثق فيني وهو بعد ما سامحني على حادثة اغتصابي قبل وجرحني لما قالي عطيتي اللي اغتصبك وماعطيتيني الا المستعمل والله جرحني حيل وماتحملت ابدا وطلعت من البيت وقلتله اللي يجرح المره مايكون رجل يكون حيوان وانته كفيت ووفيت قالي بجيب الحين في خمس دقايق غيرك قلتله جيب عشره ان بغيت ومع السلامه ورحت وقلبي متقطع على عيالي احس بدونهم مالي روح ولا في دمي اكسجين ارجووووووووكم تكفووووووووووون ساعدوني وش اسوي والله طيلة رمضان وانا ادعي الله بس القى الحل اللي يحل مشاكلي ومادري اصدقه ولا لا لأنه دايما يكذب بش هالمره حسيته صادق بس ماشفت بعيني شي واخته الكبيرة قالتلي انه ترك كل شي وحالته حاله من طلعت من البيت

سامحوني طولت عليكم انتظر ردودكم يالغاليات.. ربي يحفظكم ويجعل كل كلمة تكتبونها لي في ميزان حسناتكم.

 

[نور العين5]

ارجعي له ولاولادك وبلاش عند
ولادك محتاجينلك وانتي لن تقدري علي بعدهم

 

[راجيه الرضا]

اختي ما قضيه الاغتصاب هذه السن انت من حاول حماك الاعتداء عليك فضلا ضعي رابطا لقصتك.ولو انت من حكيتي عن أهل زوجك فلا يصح أن تتركي اولادك عندهم

 

[دانسميز]

كما قالت راجية ضعي اختي رابط قصتك القديمة حتى نفهم قصتك من أولها...

 

[~UniQuE~]

السلام عليكم ورحمة الله وبركاته ..

عدت من جديد ..
طولت ادري هههه
اشتقت للمنتدى والله ..

بغيت منكم مساعدة ..
انا منفصلة عن زوجي صارلي شهرين وخليت عيالي عنده هو واهله يهتمون فيهم وهو يترجاني ارجع له وقالي انه ترك كل شي وشاريني ومستعد يسويلي اي شي وانا مطنشة وقاعدة في سكن مؤقت مع طالبات و والله كل يوم مر بالنسبة لي بعيد عن عيالي وخاصة الرضيع اللي عمره سنة ونص والله اتألم .. قسيت شوي ودست على جروحي .. ماعندي اهل في هالبلد وتدرون هالشي صعب حيل على امراة خاصة مثلي اللي من النوع الضعيفة والخوافة بزيادة ..

المهم قررت ادرس شخصياتنا و انا هنا فالسكن وقلت بقلبي يعني اتمنى احل جميع مشاكلي و اعرف وش اللي مسبب لي كل هالمشاكل وليه مافيه استقرار في حياتي الزوجية

سويت الاختبار من المنتدى الله يجزي كل ايد كتبته بكتابها يوم الحساب باليمين اللهم آمين

شخصيتي شمالية غربية وشخصيته جنوبي شرقي

اتمنى تساعدوني يعني بعد كل هالمشاكل وحلف يطلقني وماطلقني ومن تركت البيت وقلتله بطلب الطلاق وهو يترجاني ويقول لخواته اتصلو كلموها ترجعلي وبموت بدونها وانا اقوله انت بش كلام ولا تسوي فعل وان تبيني صدق وشاريني ما سويت لي شي من قبل والحين جاي تقول ارجعيلي قلتله انته واهلك جرحتوني واهنتوني وشوهتوني قدام الناس ومحد يصدقني او يثق فيني وهو بعد ما سامحني على حادثة اغتصابي قبل وجرحني لما قالي عطيتي اللي اغتصبك وماعطيتيني الا المستعمل والله جرحني حيل وماتحملت ابدا وطلعت من البيت وقلتله اللي يجرح المره مايكون رجل يكون حيوان وانته كفيت ووفيت قالي بجيب الحين في خمس دقايق غيرك قلتله جيب عشره ان بغيت ومع السلامه ورحت وقلبي متقطع على عيالي احس بدونهم مالي روح ولا في دمي اكسجين ارجووووووووكم تكفووووووووووون ساعدوني وش اسوي والله طيلة رمضان وانا ادعي الله بس القى الحل اللي يحل مشاكلي ومادري اصدقه ولا لا لأنه دايما يكذب بش هالمره حسيته صادق بس ماشفت بعيني شي واخته الكبيرة قالتلي انه ترك كل شي وحالته حاله من طلعت من البيت

سامحوني طولت عليكم انتظر ردودكم يالغاليات.. ربي يحفظكم ويجعل كل كلمة تكتبونها لي في ميزان حسناتكم.

و عليكم السلام و رحمة الله و بركاته

بصرااحة عجبتيني يا منيرة ما كنت اتوقع من خلال ردودك السابقة انك ممكن تقوي نفسك و تتركيه لكن الحمدلله خابت جميع توقعاتي و طلعتي اقوى مما كنت اعتقد !

على العموم بالاول صلي الاستخارة كل مرة و لا تتركي الدعاء ابدا

ثانيا اذا حسيتي بارتياح بالنسبة لرجوعك له اكتبي شروطك على الورقة و اولها الخمر و العلاقات المحرمة يتركها و يروح يعمل فحوصات في المستشفى و يسكنك في سكن خااص فيكي لانه كل ما ابتعدتوا عن هالاسرة الخبيثة كل ما كانت احوالكم احسن و هو الظاهر كانوا يأثرون عليه لدرجة انهم مسحوا شخصيته و صار موافق لكل قراراتهم و تصرفاتهم!

و لا تنسين تحطين كذلك شرط الشغل ما يمنعك عنه عشان لا سمح الله اذا تطلقتي يكون عندك مصدر رزق تصرفي منه على نفسك و عيالك ....

ثالثا لازم تستشيري اهلك او توكلي محامي يعني اهم شي يكون عندك ظهر تستندي عليه و يكون شاهد على التزامه و موافقته لشروطك عشان بعدين ما يتراجع اذا رجعتيله !

و الله يوفقك حبيبتي ..... ​

 

[منيرة الصغيرة]

السلام عليكم

والله انا في البداية حبيت اقول اني معرف كيف احط رابط القصة ماعندي خبرة ... و ثانيا مشكورين كلكم ع الرد والله اختي يونيك اني تغصصت قبل اسويها والله يعلم بحالي كنت في قمة الخوف من الخوف حسيت قلبي بيوقف وبموت بس الحمدلله اني تشجعت حسيت انه ماعندي شي اخسره وفالنهاية هم غلطو بحقي و ذلوني وعاملوني معاملة فضيعة ولما فكرت بنفسي ومصلحتي واني لازم اتغير واصبر نفسي بالقوة عشان مايحس اني ضعيفة ومن اول مكالمة برجع له لا بثقل ومن ورا قلبي اقوله خل عيالك عندك ربيهم انت واهلك وانا بعيش حياتي ابي اكون نفسي وانت عيش حياتك مثل اللي بغيت واللي تحب سوه بكيفك واقفل بوجهه الصراحة تعبت لانه انسان بس كلام وماعنده فعل والحين مايفيد بعد ماطاح الفاس بالراس .. مشكلتي الحين وانا متأكدة بعد هذا كله وان حطيت له شروط وكذا انه برجع له بس مابي ارجع له مثل اول علاقة مافيها استقرار وخربانة واليوم تكلمت مع اخصائية اسرية تقولي بترجعون لبعض بعد نهاية كل الخلافات اللي بينكم لانه مايبي يطلق بيقول بصلح وبنفذ شروطها لانه الرجل اللي مايطلق وهو غلطان معناها يبي يصلح ويغير عشان يحافظ على زواجه..

ففكرت اني ابغي اعرف نمطه وشخصيته ابي ادرسه بكل مافيه عشان اعرف اتصرف وياه وابي ادرس شخصيتي في هالفترة واقوي نفسي بدل الخوف والتفكير السلبي والنظرة السلبية للمستقبل ابي اتغير ابي يشوفني مايعرفني بس ابي مشاعدة الله يجزيج انتي وكل اخت ردت علي بالخير والأجر والله يا اختي يونيك قلبي وبالي مشغول عىى عيالي محتاجة لهم مثل حاجتي للماي والهواء والله اني اتألم وقلبي ينعصر مشتاقة لهم ودي اضمهم وانسى كل اوجاعي .. بس غصب عني والله غصب عني كل هذا صار بسببه ماتحملت كثرة التجريح والاهانات مالي الا قلب والقلب هذا كم بيشيل وكم بيتحمل .. ارجو بس تساعدوني وابشرك اختي يونيك اليوم رحت وشفتلي محامي وبأذن الله تنحل مشكلتي معاه واحطله شروط اهم شي السكن

 

[Ƙհɑժɾɑ]

منيرة لا ترجعي له ، الطريق اللي بديتي تمشي فيه كمليه للنهاية ، لا تلتفتي ، لا تنظري للوراء .

مو كل رجال لا يطلق لأنه يحب زوجته ، هناك من لا يطلق عناد ، ومن لا يطلق لأنه مستفيد منك لا أكثر ، ومن لا يطلق لأنك واجهته الاجتماعية البراقة ، ومن لا يطلق لأنه يعلم تماما أنه لن يجد بسهولة تحتمله هو وأخلاقه الزفتة وبلاويه .

الحب مو كلام ، ولا فعل واثنين أو عشرة ، الحب هو أسلوب حياة متكامل يتضح فيها حب الطرف الآخر لنا .

لا تبحثي عن نمطه ولا عن وسيلة إصلاح لأنه لا فائدة حاليا ، أبسط شئ لا يوجد لدى زوجك ، اي علاقة تنبني في الأساس على وجود شخصين بكامل قواهم العقلية ، زوجك غارق في المحرمات التي تكاد تذهب أو اذهبت بعقله . لا أصدق أنه تغير ، والواضح أنك لست مصدقة . كلام أخته لا تعتمدي عليه ، مجرد فخ لكي تعودي وتكملي مسلسل البهدلة عندهم .

حبيبتي الناس ما تتغير بسهولة ، لو حابة ترجعي لحياتك السابقة ارجعي ، لو رافضة فكرة العودة لحياتك السابقة فاهربي منهم . ابحثي عن عمل وسكن ، ابحثي عن المراكز الاجتماعية التي تساعد المرأة والأطفال ، ارفعي قضية لحضانة أطفالك .

لا تحكي معه ولا مع عائلته ، خلي بينكم محامي ، إنتي يا حبيبتي ربك نجاك من هذه العائلة بمعجزة ، معجزة ، لكن لا تثقي بنفسك كثيرا ، هم عارفينك بشكل جيد ، لا تامني شرهم ، ممكن بسهولة يرجعوك تحت سيطرتهم ويغسلوا دماغك .

فقد الأم ليس سهلا ، ولا فقد الأم لأطفالها ، لكن فوق كل شئ الأهم هو أن تتوفر أساسيات الحياة الكريمة . هذا حقك ، وحق أطفالك فلا تفرطي بنفسك ولا بأطفالك .

يسر الله أمرك ، وفرج عنك همك وغمك .

 

[~UniQuE~]

السلام عليكم

والله انا في البداية حبيت اقول اني معرف كيف احط رابط القصة ماعندي خبرة ... و ثانيا مشكورين كلكم ع الرد والله اختي يونيك اني تغصصت قبل اسويها والله يعلم بحالي كنت في قمة الخوف من الخوف حسيت قلبي بيوقف وبموت بس الحمدلله اني تشجعت حسيت انه ماعندي شي اخسره وفالنهاية هم غلطو بحقي و ذلوني وعاملوني معاملة فضيعة ولما فكرت بنفسي ومصلحتي واني لازم اتغير واصبر نفسي بالقوة عشان مايحس اني ضعيفة ومن اول مكالمة برجع له لا بثقل ومن ورا قلبي اقوله خل عيالك عندك ربيهم انت واهلك وانا بعيش حياتي ابي اكون نفسي وانت عيش حياتك مثل اللي بغيت واللي تحب سوه بكيفك واقفل بوجهه الصراحة تعبت لانه انسان بس كلام وماعنده فعل والحين مايفيد بعد ماطاح الفاس بالراس .. مشكلتي الحين وانا متأكدة بعد هذا كله وان حطيت له شروط وكذا انه برجع له بس مابي ارجع له مثل اول علاقة مافيها استقرار وخربانة واليوم تكلمت مع اخصائية اسرية تقولي بترجعون لبعض بعد نهاية كل الخلافات اللي بينكم لانه مايبي يطلق بيقول بصلح وبنفذ شروطها لانه الرجل اللي مايطلق وهو غلطان معناها يبي يصلح ويغير عشان يحافظ على زواجه..

ففكرت اني ابغي اعرف نمطه وشخصيته ابي ادرسه بكل مافيه عشان اعرف اتصرف وياه وابي ادرس شخصيتي في هالفترة واقوي نفسي بدل الخوف والتفكير السلبي والنظرة السلبية للمستقبل ابي اتغير ابي يشوفني مايعرفني بس ابي مشاعدة الله يجزيج انتي وكل اخت ردت علي بالخير والأجر والله يا اختي يونيك قلبي وبالي مشغول عىى عيالي محتاجة لهم مثل حاجتي للماي والهواء والله اني اتألم وقلبي ينعصر مشتاقة لهم ودي اضمهم وانسى كل اوجاعي .. بس غصب عني والله غصب عني كل هذا صار بسببه ماتحملت كثرة التجريح والاهانات مالي الا قلب والقلب هذا كم بيشيل وكم بيتحمل .. ارجو بس تساعدوني وابشرك اختي يونيك اليوم رحت وشفتلي محامي وبأذن الله تنحل مشكلتي معاه واحطله شروط اهم شي السكن

و عليكم السلام و رحمة الله و بركاته

يا قلبي منيرة ما تعرفين اشكثر انا مفتخرة و فرحاانة عشانك و رأيي من رأي خضورة زوجك ما يستاهل اصلا ترجعين له بعد سوااد الوجه و البلاوي اللي سوااه هو و عيلته و تحطيمهم لكرامتك و قيمتك كانسان له الحق في العيش في بيئة كريمة ما تذله و تستحقره لكن انا اقولك الزمي الاستخارة دائما لانه احنا ما نعرف الغيب و بعدها ادرسي بدقة حياتك كيف بتكون في حالة رجعتي له او في حالة طلاقك منه مثلا اذا قررتي ترجعيله المفروض تطالبي ببيت منفصل و بمدينة اخرى عشان عيلته ما تأثر فيه و تقلبه عليكي كل مرة و حتى تغيير البيئة و الابتعاد عن اصحاب السوء ممكن ينفعه ....

و ثاني حااجة لازم تتوظفي يا منيرة لانه بحالتك الوظيفة مصدر قوة و استقلالية حتى لو كنتي بتاخذين راتب ألفين او ثلاثة الاف موو مشكلة اهم شي نفسيتك تتغير و بتخالطين الناس و تكتسبين مهارات و ثقافة و قوة شخصية و ما راح تكونين الضعيفة اللي الكل يستهين فيها و يمسح فيها الارض !

و مثل ما كتبت سابقا لازم يكون عندك اهل و سند تستندي فيهم وقت المشاكل و هم ما استضعفوكي الا لانه ما عندك حد يسندك و ينصرك !

و عيالك كل مرة استودعيهم الله سبحانه و تعالى و انتي اصلا ما طلعتي من البيت الا عشانهم و عشان مستقبلهم فلا تخلين اشتياقك لهم يأثر على قراراتك الحالية !

​