ارجو الرد ا. نجوى فى موضوع صعب اوى

[ارتياح]

السلام عليكم استاذه نجوى
انا عندى اخويا سنه 14 سنه وهو اصغر واحد فينا واحنا 3 اخوات بنت وولدين واخوه يكبره ب3 سنين وانا اكبر واحده وهو بقا عنييييد جدا
وكل منيجى نخرج فى اى مكان ميرضاش يخرج معانا ونعد نتحايل عليه جامد وبرده ميغيرش رايه
ونخرج فى الاخر ونسيبه
لدرجة مره جاله مغص فعلا وتعب عشان غصبنا عليه يخرج معانا
وبعدين ثقته فى نفسه مهزوزه نوعا ما رغم ان شخصيته قويه وعنده لباقه وبرده هو عنده شوية خوف يعنى مينمش فى اوضه لوحده او ميروحش لاخر الشقه لما تكون ضلمه لوحده
وكمان كل ميتكلم فى موضوع كلنا بنتكلم فيه محدش بيسمعله حتى بابا وماما واحنا بس والله مش مقصوده خالص بس دا بيحصل وهو بيحس باحراج جامد
لدرجة انا نبهت ماما بالذات تحاول تاخد رايه فى كل حاجه وتنتبهله فى الكلام على اد متقدر
ممكن يا استاذه نجوى تفهمينى الحاجات دى بتحصل ليه وازاى اتعامل معاه

 

[أ.نجوى ناجي]

طيب قوليلي حبيبتي هو كان كده من الاول ولا ده شئ جديد عليه ؟؟ هل هو مثلا شكلا مش حلو او انتو احلى منه او متقربين من بعض اكتر منه ؟؟ وايه علاقته بوالده ووالدته؟؟