ارجوووكم سعدوني في مشكلتي مع خطيبي تعبت وحترت شسوي ومين اسمع كلامه؟؟!!

[مريوم الحلوه]

السلام عليكم ورحمة الله وبركاته
حبيت اطرح مشكلتي عندكم
واتمنى ترشدوني للحل السليم
انا مملكه بعد كم يوم ادخل الشهرين
عندي اكثر من مشكله
بس راح اطرح لكم هالمشكله
لان عندي اهم من اي شي ثاني
بالذات من ساعه دق علي خطيبي
وقال لي كلام ضايقني بالحيل
انا ع فكره قبل ماانخطب جافه في تعاملي
وماقط قلت كلام معسول ولا شي
ع الرغم اني عاطفيه بالحيل وحساسه
بس بعد مانخطبت حاولت ازيل هالجفاف
خطيبي رجل طيب وحنون
عصبي بعض شي حساس بالحيل
يتيم ام من هو في مرحلة المراهقه فقد امه هو الوحيد اكثر شخص متعلق فيها
لان هو الولد وماعند الا اخ متزوج عايش بعيد
وكل خواته عايشين في منطقه بعيده عنه عاش مع ابوه اللي مايدري عنه ولا عن احوال لان تزوج زوجه ثانيه
وهو بالاسم عايش في بيت ابوه وشال نفسه بنفسه وكون نفسه بروحه من دون دعم ابوه ع رغم ان عنده خير
اكتشفت من بعد مانخطبت وتعرفت عليه
ان هو فاااااااقد حنان وعاطفه حساس
ع رغم عاطفي وحنون رومنسي حالم يحب كل شي يتعلق بالعاطفه ويذوب بدرجه اولا بالكلام الحلو يحب جدا الاجواء الرومنسيه
انطوائي مو راعي طلعات مع الربع
قليل مايطلع الا اذا فيها تمشيات او سفر لان يحب السفر وتمشايت
وتغير الجو يكره الروتين يحب التغير في كل شي
صرت في نظره انا كل همه
طول اليوم يدق علي تعلق فيني بشكل غير طبيعي
وكل بين فتره يجي لي للبيت اكثر من مره في الاسبوع ولو بكيفه جان جاني كل يوم
بس مشكلتي اهلي انا في صراع داخلي بين كلام اهلي ونصائحهم وبين كلام خطيبي
دايم امي تقولي اثقلي
ومو كل شي يبيه تعطينه بعدين يقول عنج خفيفه
اذا قالج نطلع لاتطلعين مع ومن هالكلام
ع رغم ان هي اشياء بسيطه هالطلبات
انا ماابي اكسر بخاطره بالرفض باي شي وارده في اي شي هو شايف اني انا كل شي بحياته
كان من اول ماخطب يقولي لو امي عايشه كان فرحت
ولا يقول انا ماابي يجي يوم الزفاف
يوم سالته ليش؟
قال بتذكر امي تمنيتها تفرح فيني
لزال متأثر بوفاة امه ماتت من اربع سنوات
وفي كل اسبوع يزور قبرها
حاسه فيه بس مب عارفه شلون اتعامل معه واخفف عليه
ع رغم ان هو مضغوط من الزواج ومااحد واقف بجنبه
مشكلتي مااعرف شلون اتعامل معه
اثقل علي بعض الاحيان ولا لأ؟
هل ينفع الثقل مع هالنوعيه؟
او التطنيش؟
هل هو نمطه جنوبي ولا شنو؟
هل دايم ارد على مكالماته او اطنش ماارد
لان ماله اي احد يسالف معه بالذات ان شبه عايش بروحه
وهل ارفض زياراته المتكرره في البيت
والله مااعرف ؟
هو يحب الجنس بالحيل
ويحب اعطيه كل شي لكن بحدود
ورفضي يزعجه يظن اني مب متقبله هالشي
دايم يقول لي اذا انتي ماتبين شي معين مااسوي لج قولي لي من الان قبل ماتطفشي وتقولين ماابي هالشي وانا من النوع الحساس راح اتحسس من هالشي
هل ينفع اثقل عليه في الجنس
ع رغم ان امقدر ان احنا مملكين وحاط حدود
مااعرف كيف اتعامل معه ولا من اي نمط هو وهل الثقل ينفع لشخصيته
لان جربت مره وحسيت انزعج بالحيل
اذا جفيت شوي يجف واذا انقطعت اخاف يبحث عن بديل يخفف عنه اوجاعه
اهلي لهم راي واللي اشوفه انا شي ثاني
قالوا راح اندم لو اكون بهالشخصيه بعدين
وقالوا ؟
اليوم جلس من النوم مفزوع باخر الليل
ودق علي
قلت له وش فيك عسى ماشر
حاولت اعرف وش فيه قال حلمت بامي
المرحومه
حلمت تقولي تعال معي وكان بجنبي طفله صغيره تبكي بالحيل
وانا احاول اسكت فيها وبعدها سكتت
بس حاولت ابعد عن امي
ع رغم يقول لي دايم اذا انا متضايق احلم بامي تقول لي تعال ياولدي
فسرتها انها عوامل نفسي
مع نفسي وان في فترة هالضيقه يكون بحاجه لامه اكثر من اي شخص
واعترف لي ان من قبل اخذ حبوب مهدئ من بعد ماتوفت امه
مااعرف كيف اخلصه من هالصدمه هذي او ع الاقل اخليه تجاهلها
كيف اعوضه وباي طريقه
كيف اقدق علي بالحب والحنان
لان انا الوحيده الحين اللي في حياته
اهله بعدين عنه
وع فكره هو اذا تعلق مستعد ان يضحي
باي شي عنده من النوع الكريم بالحيل
والحين يخطط يسجل الارض باسمي
مسكين شايل همي ودايم يقول ماادري وش الزمن يقول ابي اامن لك شي ولمستقبلك
امي زمان قالت هالكلام وسجلت الارض بسمي وهذا اان فقدتها
سعدووووووني ارجووووكم انا جاهله في التعااااااااامل مع الرجل
ومااعرف كيف اتعامل معه
وهل اسمع كلام اهلي
ماابي اخسره ماابي
يحس ان فاقد كل شي وحتى الزوجه
لان هو حاط امل فيني وعايش في احلام
وودايم يقول الحين عندي احد اروح عنده
واشكي له همي
عندي احد يستاهل اعطي كل شي
ومااندم اذا عطيته
عندي احد افرق كل رومنسيتي وحبي له
ارجوكم رشدوني
ولا تهملون مشكلتي والله متعذبه ومحتاره وخايفه اخسر حتى قبل الزواج بسبب جهلي في التعامل​

 

[ستايل جديد]

حبيبتي عورتي قلبي بالعكس كوني قريبة منه وكوني كل شي بالنسبة له ولاتحرمينه الحب والحناااااان واما كلااام امج فشي طبيعي كلنا ايام الملجة سمعنا هالكلام من امهاتنا لكن خلج حنونة ورقيقة معاه خاصة ان زوجج شكله تعبان نفسيا ويبحث عن السكن والمودة والله يسعدكم

 

[لينا1111]

اتقي الله في زوجك يرضيه الله عنك

 

[ام بنوتتي]

السلام عليكم
الله يتمم لك على خير
وزوجك عطيه الي يبي من الحب والحنان لكن انتبهي من الشغل الجامد<<<اتمنى فهمتيني
وخليك امه وزوجته وابوه وكل شي باالدنيا اذاكنتي حاسه انه يستاهل والمكالمات مافيها شي وعودي نفسك
على الرومنسيه وان شاء الله مع الوقت راح تتعودين
والله يخليكم لبعض
وتقبلي مروري

 

[مريوم الحلوه]

مشكوررررررررررررين حبايبي ع الردود بحاول اني اكون كل شي في حياته بس المشكله مااعرف هل هو جنوبي ولا لا؟ لان مااعرف كيف شخصيته شلون التعامل معه

 

[ترانيم الألم]

حبيبتي................كلام أمج صح لو كانت ظروف زوجك النفسية طبيعيه...........بس واضح انه تعبان جدا ولازال يعاني بقوه من فقدان امه الله يرحمها...............فلا تصيرين انتي والزمن عليه..........قعدي مع امج وفهميها انه كلامها على عينج وراسج بس انه زوجك نفسيته تعبانه ومحتاج لك بالقوه ومو من النوع الي اذا الزوجه تجاوبت معاه زهد فيها.....واضح انه شاريج لانه من الآن يبي يأمن مستقبلج وترى شهامه منه انه يفكر في هالشي من الآن ومو بس مجرد تفكير الا بعد كتب لج ارض باسمج...........الله يوفقج ويهنيج يارب............

 

[نفيلة]

اختي
كلمي امك و خبريها عن وضع زوجك و افتقاده لامه و اطلبي منها انها تحنوا عليه لما يزوركم و تعامله مثل ولدها و خبريها كيف هو محتاج مثل هذه المعاملة و انه اذا هي تعاملت معاه مثل ولدها راح ترتاح و انت بترتاحي بعد و ما راح تخاف عليك لانه اذا حب اهلك ان شاء الله ما بيجيك منه الا كل شيء خير و بيكون زي ولدهم الثاني و بيحترمك و بيحترمهم كثير
قولي لامك انك ضايعة بين طلبها و طلبه و انه طلبها ينفع لو زوجك ما كان متعلق بامه بهل الشكل بس مع هذا الوضع ما ينفع
و في نفس الوقت كلمي زوجك و خبريه انك مستحيل تعرفي نص مشاعره لفقدانه امه لكنك تحسي بمدى الالم الي يعايشه هو يوميا و انك بتكوني له الصدر انتبهي تقولي الام لا الصدر الحنون الي بينسيه همومه و بيرحه بس قولي له دام اني في بيت اهلي ما اقدر ابحبح الصدر الحنون لاني في الاول و الاخر ما زلت في بيت اهلي لما اصير في بيتك ان شاء الله ما تشوف مني الا كل خير
و اطلبي منه يتفهم الوضع حاليا
ما يضرك حبيبتي انك تبادريه الاتصال الصباح و تسألي عن حاله و كيف كان ليله
مكالمة وحدة منك تبين له مدى اهتمامك و حبك و حرصك
في العصر ممكن احيانا تبادري بمسج و تسألي عن احواله و شغله
دلعي باسم يحبه ابتكري له اسم حلو
لو واعدك انه يجي عندك في يوم و انت ما تقدري تقابليه لا ترفضي قولي له انا ما اقدر اجلس معاك الا خمس دقائق بس بتركلك في الصالة مفاجئة تاخذها معاك
و حطي له زي البحث عن كنز رسالة تقود لرسالة ثانية و ثالثة و في النهاية بطاقة او رسالة حب بها كلمات حلوة مش حميمية لا كلمات بريئة حلوة

و ادعي ربك انك تكوني خير زوجة له و يكون خير زوج لك و تكونوا طائعين لله
اتفقي معاه علشان تشغليه على حاجة مثلا اتفقوا تحفظوا البقرة مع بعض و تسمعوا لبعض كل يوم او كل اسبوع كذا بيحس انه جالس يسوي حاجة معاك و تكون خير
بالتوفيق

 

[بحرينية اصيلة]

يا بختك لاتضيعيينه من يدك بالعكس المفروض تكوني امه اخته حبيبته كل شيء في حياته لان مبين عليه شاريك مثل اذا ذكر امه ترحمي عليها وقولي له كل مل تذكرت امك ادعيلها فهي بتفرح لما تعرف انك دعيتله وقولي له بسمي بنتي على اسمها علشان كل ما تذكرها تذكر ان عندك شبيهتها في البيت وتشتاق لها والله ان انا الوحيدة في عائلة زوجي سميت ولدي على اسم ابوه الله يرحمه والله ملكت قلب زوجي وزوجي يحبه موت يقول هذا على اسم ابوي ولا تنسي الكلام الحلو والغزل وسولفي معه عن تخطيطكم للمستقبل وعن ليلة فرحكم ترى مو كل الرجال يناسبهم الثقل بس زوجي انسان حساس رومانسي اكسبيه بطريقتك الله يوفقك

 

[دندونة الحلوة]

اي كلام اهلي تسميعينة انت اللي لازم تسمعين كلام قلبك ,,,واضح انة يحبك ومتعلق فيك ياْختي دلعية وخلية ما يقدر يستغنى عنك كوني لة الام والزوجة والحبيبةوالصديقة ,, عيشي فترة الملكة بكل حب واعطية ما يريد بحدود اذا كان في شئ مضايقك تكلمي معاة بصراحة ,,,فيما يخص الجنس حتى يفهم موقفك وان الحياء هو الذي يمنعك,,,,زوجك رجل طيب ونظيف وبار لامة حتى بعد وفاتها صدقيني هذا سبب كافي لان يوفقة ربي في حياتة لا تسمعي كلام احد وحاقظي على زوجك واسعدية بالكلام الحلو

 

[حب خاااالد]

حبيبتي لا تخافين كل الي تمرون فية عاااادي وهو
ما عندة احد غيرك والحمدلله انه يحبك ومتعلق فيك
شكلة حنون وعاطفي اشوف انك تحتوينةوتطمنينة لانه عندة خوف من الوحدة والفراق وكلام امك صح بس مو مع نوعية زوجك لانه حساس ويعتبر الرفض والثقل منك عدم حب وبيبتعد ولا يدور غيرك
انتي بشويش تبينن له انك تخجلين منه وبالتدريج تطمنينةانك متمنية زواجكم باسرع وقت و تخففين من تعلقة الشديد فيك بانشغالك بالتجهيز للزواج كعذر والله معاك وترى العلاج النفسي عاااادي :icon26:

 

[*المفكره*]

عاطفي ودرا انك عاطفيه وهو قاعد يستعطفك بامه وحنانها الله يغفرلها ويرحمها....عالجي الموضوع

من نقطة امه ولا تتعدبين الخطوط الحمراء..انتبهي ..

 

[dnia]

حبيبتي انا اللي فهمت من كلامك انك حابه تساعدينه بس خايفه
اوكيه ليه ماتبكرين بموعد الزواج؟
[يكون افضل لطرفين]

 

[حـرم الغـالـي]

يالله والله انه كسر الخاطر مااعرف وشقول بس زي ماقالوا البنات
الله يوفقكم ويسعدكم ياااااااااااارب

 

[مملكة عشقي]

والله ياقلبي شوفي انا متزوجه ليا سنتين

وزوجي تقريبا حياته مثل زوجك بس امه عايشه

لا كن اطلقت وهو صغير واتزوجت واتربى بعيد عن امه وابوه

قاسي عليه وفا قد للحنان وانا عوضته تقريبا اسمع كلا مه

فحدود المعقول ادلعه اسويله ليالي رومنسيه

ارسله مسجات من كتابة يدي اهتم فيه بمساج وتدليك

لقدمه خصوصا بعد الدوام وغيره كثير انتي وشطارتك

ولا تبخلين عليه في الفراش كوني له اربع نساء فجسد واحد

الام والصديقه والحبيبه والخادمه صدقيني بتعشين حياه سعيده باذن الله

ولا تنسين كله في ميزان حسناتك

 

[حنين احمد]

خليكي معاه و جنبه و اقنعي امك بوجه نظرك و لو تقدري تخليه يسرع بالزواج يكون احسن عشان تكونون سوا وما تتحسس امك من جيته لعندكم و من هالكلام
حاولوا قدر الامكان تسرعوا الزواج عشان ما تتمشكلي مع حد و عشان ما حد يضغط على نفسيتك

 

[طير مهاجر]

ليش ما تعجلو بالزواج؟؟

خير البر عاجله

وباين انه متعلق فيكي وانت متعلقه فيه

فليش ما تتزوجو مش أحسن

وغير هيك قوي علاقة امك فيه وعلاقته بأمك

قوليله امي تحبك مثل ولدها واخترعي انها مواقف بينهم

مثل قولي لأمك فلان بده يكلمك ويسولف معك وبنفس الوقت قولي لخطيبك

امي حابه تقعد معك وتسولف معك وخليهم يتكلمو وروحي جهزي شاي وكيك وخلهم على راحتهم شوي

وان شاء الله يكسب ودها وهي تحسسه بعطف الام الي افتقده


بالنسبة لمعاملتك الحالية معه خليكي وسط بالأمور لا تخليه يتمادى بالجنس

وعيشي جو العيلة معكم خلي خوانك الاولاد يقعدو معه وامك وابوكي يحس بجو الاسرة الي مفتقده

هو محتاج الاسرة والاستقرار اكثر من اي شي ثاني

الله يوفقك وسخره لك

مبروك مقدما

 

[سمراء وافتخر]

السلام عليكم
شوفي يا الغاليه اتبعي قلبك والله ما راح تندمين بس مثل ما قالوا الاخوات بدون
ما تتعدي الخطوط الاحمراء وقدمي موعد العرس احسلك هو الحين محتاجلك ولازم توقفي جنبه وتقربلي يعني كل يوم صبحي عليه دزي مسجات في الصبح وباليل واعزميه علي غدا او عشا عنج جيبيله هدايا وادعيله انت الحين في مرحله اذا تصرفت صح راح تملكين قلبه العمر كله والله ما رح ينسي انك عوضتي عن اللي شافه وطمنينا عليك

 

[جـــــوريــه]

حبيبتي لتغلطين غلطتي ,,, يوم قريت قصتج اذكرت عمري ,, انا بعد في فترة ملجه ,,, وكان زوجي دوم يقول لتهلميني ومن هالكلام ,, وامي وخواتي الكبار المعرسات يقولون لازم البنت تكون ثقيله وجيه ,, ويوم استويت ثجيله اتغير علي وقام يدور ربعه يمين ويسار والحين احاول ارده مثل قبل ,, بس لا حياة لمن تنادي ,, ف حبيبتي لتغلطين غلطتي ,, والله يتمملكم على خير انشالله

 

[روزيلاند]

يا حيااااتي ماعليك مشكلتك بسييطه انا زوجي من النوع اللي يتمسكن ويقطع قلبي يجيب طاري الموت بكلامه خصوصا اذا زعلت عليه ..الرومنسيه عنده اجواء حزينه

خليكي دلوعه وحنوووونه معاه وكلامك حلوو دايم عطيه كلمتين حلوين او تدعي له .. الله لايحرمني منك الله ..يخليك لي يارب .ويطول بعمرك . انا من لي غيرك ومن هالكلام وقوليها من قلبك راح يحس في كلامك

حاولي انك تحسنين من نفسيته واضح انه تعبان اضحكي معه قوليله موقف ظريف صار معك خلي كلامكم فرفشه وضحك بعيده عن هالأجواء الكئيبه واذا جا عندك جهزي مثلا حلويات اطفال فشار شكولاته وخلي جلستكم فرفشه

واذا تذكر امه ذكريه بقضاء الله وقدره ولك اجر كبيير عند ربي لانك صبرت كل هذا وانك رح تكونين دايم معه واخر شي ادعي له ربي لايحرمني منك

حاولي تطلعينه من الحاله اللي فيها ومثل ما قالوا الاخوات كلمي امك عنه وكلميه كيف انه امك دايم تدعي له وتحبه وتعبتبره مثل ولدها
والله يوفقكم يارب

 

[kekefefe]

بيمووووت عليك ويحبك وانتي بتحبيه
لشوااا ماتستمتعوا بحيااااااااااااتكم
لشو النكد واثقلي ما اثقلي
يعني لو غلط بشي ممكن لكن تثقلي وتطنشي بلا سبب مالا داعي
امممممم
تخيلي انو هوي يتغلى ويثقل عليكي بلا سبب بترضي؟؟