ارجوووكم ساعدوني

[@منى@]

السلام عليكم ورحمة الله وبركاته

انا بنت مملوكة وزواجي بعد شهرين بإذن الله حابة استشير ذوات الخبرة عن مسألة
صارت بيني وبين زوجي هو مدخن ودايما احاول اقنعه بترك التدخين بس يقول انا اصلا اقدر اترك التدخين من اليوم لكن ابغاكي انتي تخليني اتركه طبعا متى ؟بعد الزواج..قلتله كيف اخليك تتركه؟
وليش ماتتركه من اليوم يقول لااااا ابغاكي انتي اللي تخليني اتركه مثلا تشيلي البكت وترميه ولمن اجي من برى وتشمي ريحة الدخان تخاصميني وتعاقبيني وترميه..
سؤالي(هو ليش يبغا يتركه بهذي الطريقة؟رغم انه يقدر على تركه وايش الحكمة من هذا الطلب؟
اتمنى من تقرى موضوعي تنورني بالراي السديد لاني حاسة اني مو فاهمة زوجي او انه رجل غاااامض وهو يبي شخصيتي قوووووووية
رجاااء اللي ماعنده خبرة لااايرد
وشكرا

 

[@روح الورد@]

مرحبا

زوجك مو غامض ولاشي من كلامك فهمت انه مايبي يترك التدخين ولا هو ناوي يتركه

لأنه ادمان وان كان صادق في نيته وحاب يتركه يقدر

عن طريق اخذ ملصق النيكوتين مثلا او الارادة الذاتية

الداخلية لتركه فعلياً

لكن واضح انه يبي يطول المسألة وهي قصيرة
انتي لا تتصادمين معاه في هالموضوع
لأنج مابتغيرينه
ان كان بيتغير فهو يتغير بنفسه
(ان الله لا يغير مابقوم حتى يغيروا مابأنفسهم)

 

[مــريــومـ]

الله يهديه انشالله ...

وحاولي اتساعدينه انه يترك التدخين بعد العرس ....

 

[الخالده]

زوجك ياحبيبتي من النوع اللي يبغاك كزوجه ان تدلليه يعني يدلع عليك عشان يترجاك بالعكس
زوجك مو غامض حاول يفهمك بس شكلك مافهمتي عليه يالغاليه
مثل انك تقولي له اذا شرب وبصوت دلع وغنوجه ليش حبيبي تشرب وتاخذيه منه وتقولي له
اذا صار فيك شي من لي غيرك يعني من هاكلام زوجك يبغاك تبينين له اهتمامك له وخوفك
عليه.
والله يوفقك ويهديه وحاولي ولاتيأسي

 

[عنقود عنب]

زوجك يبغيك تدللية بهذه الطريقة

يعني يبغي يحس انك مهتمة فيه و في صحته

وانك تحاولين و بكل طريقه انك تخليه يتركه

واتوقع ان هذه لعبةا منه عشان يواصل التدخين و يقول لك انك فاشلة ما قدرتي تخليني اترك الدخان

عزيزتي ...قولي له ...انت زوجي مو ابني ....يعني لك حدود في الصلاحية في التعامل معه

ابنك تقدرين ان تضربية و تعاقبية عشان يترك الدخان ...ويمكن ان تزعلي عليه ...ويخاف هو من زعلك ...لان رضى الله من رضى الام

لكن الزوجة صلاحياتها محدوده

قولي له ...الصحة صحتك انت ...وانت رجل كبير و فاهم و عاقل ...تعرف الصح من الخطأ

انا اللي علي ان اقول لك ان الدخان يضر بالصحة والباقي عليك انت

صدقيني راح يقول لك انت ما عرفتي تخليني اترك الدخان و راح يحسسك بالذنب بدون قصد منه

غير انه ما يبغي يترك الدخان و يرمي الذنب عليك انت ..

باين ان زوجي ذكي و فهلوي ...الله يعينك

ربي يسعدكم

 

[امل الصالح]

كنت حأقول مثل البنات ان زوجك يبغاكي تدلعيه

بس غيرت رأييي

ممكن اسألك سؤال ؟؟؟ هل في مرة طلب منك تخاصميه وتعاقبيه او ترفعي صوتك عليه ؟؟؟

هل في مرة طلب منك ان تكون شخصيتك اقوى من شخصيته ؟؟؟

 

[مضيعتني طيبتي]

صراااااااااااااحه عالم الرجــــــــــــــــال غريييييييييييييييييييب
زوجي الحين يهتم بصحتي لاني مصابه بالاتهاب الكبد الوبائي
ويحافظ ع اكلي ويبعدني عن الدهنيات يعني مرات بكلام حلوو ومرات بعصبيه
وعادي لاسببت مشاكل ولاشي....
يعني يبيها تدلله علشان يتركه ..؟؟
سبحان الله..
جربيها اختي ومو خسرانه شي..ابتعدي عن اسلوب الاواامر..

 

[@منى@]

كنت حأقول مثل البنات ان زوجك يبغاكي تدلعيه

بس غيرت رأييي

ممكن اسألك سؤال ؟؟؟ هل في مرة طلب منك تخاصميه وتعاقبيه او ترفعي صوتك عليه ؟؟؟

هل في مرة طلب منك ان تكون شخصيتك اقوى من شخصيته ؟؟؟

انا ياقلبي لسى ماتزوجت بس هو من ناحية اني اعاقبه هذا الشي يبغاه ويبغا شخصيتي قوية لكن تكون اقوى من شخصيته هذا لسى ماحسيته ولا طلب اني اكون قوية عليه

 

[@منى@]

اشكر كل اللي ردو على موضوعي جزاكم الله خير
وابغى كمان ردوووود

 

[ام المختار]

وأنا بعد أعتقد أن هذه لعبه منه علشان ما يترك التدخين
الله يعينك عليه شكله مو سهل
موفقه

 

[اعلامية طموحة]

هذا الكلام كله ماله علاقه بالتدخين بحد ذاته

زوجك يقولج انه يريدك تمتلكي عالمه وشعوره وتمتلكيه هو .. يريدك انتي الملكه .. اذا قدرتي تكوني ملكه هو مستعد يعمل كل شي لج
زوجك يريدك تكوني دلوعه قويه وجريئه .. وتعبري عن افكارج بوضوح وتجتهدي عشان تنفذي افكارج


يعني مش مضمون يترك التدخين بس هو كأنه يعطيج مثال على آلية التعامل معاه اذا شي ما عجبج فيه

ومش بعيده انك كل ماترمي هوبيشتري وانتي ترمي يعني حركات علشان يحس بالاهتمام والحب:smoke1:

كوني ذكيه وخذيهم من ايده وقوليله انا برميهم من الحين .. واذا شفتك تدخن قدامي بقرصك على خدودك وبزعل منك بعد ... كلام دلع يعني

اكيييييييييييد بيكررها .. عشان يشوف قرص الخدود .. وبالفعل قرصيه على خدوده بسسس لاتنسي الزعل ازعلي بس مش جد نص جد يعني والمره اللي بعدها ثقلي العيار

المره اللي بعدها اول ماتشوفي السيجاره اسكتي ولاتتكلمي واذا قال ليش ساكته .. قوليله بدلع مابتكلم دام السيجاره موجوده ارميها وبتكلم .. واذا قالج انتي ارميها قوليله انا رميتها المره الماضيه ورجعت زعلتني .. ارميها بنفسك هالمره.. وتكلمي بدلع وبهري الدلع برشة صغييييره من الغرور:icon31: وبس​

 

[monaleza08]

الله يعينك

 

[shamseyah]

نفس المشكله زوجي والتدخين