ارجوكن يابلقيسيات انقذوني زوجي دمر حياتي وانا محتاره

سهام الصمت

سهام الصمت

New member
إنضم
2009/10/15
المشاركات
332
السلام عليكم ورحمة الله وبركاته​
يااخواتي يابلقيسيات ارجوكن ساعدوني انا في حالة صدمة لايعلم بها الا الله ودموعي غصب عني تنزل من عيني وخاصة لما اتذكر الموقف وخيانة زوجي لي
انا كم مرة كتبت في هذا المنتدى الاكثر من الرائع وخففتوا عني كثير والحين جايه بصدمة من زوجي (الخيانة) انا صار لي 5 سنوات زواج ولي طفلين وحياتي مستقره بس مشكلتي زوجي 24 ساعه برااا البيت ومايجيني الا وقت النوم مايسولف معاي ولا نجتمع الا وقت الغدا بحكم اني موظفة وعنده جوالين واحد منهم دائم حريص اني مااشوفه يقول فيه خصوصيات من اصحابه ولا يحق لي اني اشوفه صبرت بس كل فترة والثانية احاول افتحه ومااقدر وقبل فترة كشفت انه يدخل على دردشه من خلال الجوال ويتعرف على بنات ويرقمهم برقمه اللي دائم معاه ... شوي حبايبي واكمل ارجوكم انتظروني
​
 
اسفه على التأخير بس انقطعت عن النت فترة خلوني اكمل القصه بعد ماعرفت ان زوجي على الدردشه رحت شريت شريحه ودخلت الدردشه وسميت نفسي باسم (نك) للتعارف وجلست انتظر لحد مايبدأ يتعرف هو وفعلا بدأ بالتعارف لاني من جواله عرفت اسمه في الدردشه ودردشت معاه واكتشفت انه يدور علاقات وفوق ذا كله يبي يقابل ويكلم هنا ارتفع ضغطي بصراحه انا اعرف زوجي عينه زايغه ويحب يطالع قلت ممكن يكلم ممكن يطالع بس الصدمه يوم عرفت انه يبي يقابل ويمارس الجنس عادي استمريت في الدردشه معاه وكل يوم طالعه له بإسم لانه لما يطلبني رقم الجوال ويبي يكلمني ارفض ولحد اليوم وهو داخل الدردشة واخذت من جواله 3 ارقام لقيتها مرسله له رسايل وسايط بايخه وطلعوا كلهم بنات وانا الحين حااااااااامل ونفسيتس زي الزفت وكل من شافني قال اشفيك نحفانه وباين عليك التعب والارهاق مادروا انه من زوجي ولقيت بسيارته شريحه جديده واخذت رقمها وسألته عنها قال خاصه للعمل وامس اتصل عليها القاها مفتوحه عادي والظاهر انه يغازل منها هي بعد وبصراحه انا كرهت تصرفاته وحركاته حتى الصلاة صار مقصر فيها لأبعد درجه لو مااذكره ماصلى انا الحين محتاره اروح لأهلي واربيه والا اجلس ببيتي واطنشه علما بأني موظفه وبطاقتي بجيبه ويعلم الله ماقصرت معاه بشي ومن كلامه وتصرفاته احس انه يحبني ومايبي يزعلني طيب اذا يحبني صدق ليه الخيااااااااااااااااااااااااااااانه والكذب والخداع ارجوكم بلقيسيات انا محتاجه لكم وراح اسوي اللي تقولون لي عليه لاني ملخبطه ماني عرافه وش لون اتصرف وانا بانتظاركم
 
لاحول ولاقوة الا بالله ..

اول شي يالغلا ..

اذكري الله ..ودايم ادعي في نص الليل ..

تاني شي | حاولي تتكلمي معاه وتقولي انا بشو مقصره علشان تدور ع الحرام؟؟؟؟؟

وافهمي منه ليش كذا يسوي ..

وحاولي تتغيري من شكلك ونفسيتك علشان يحس انو اللي يبغاه برا موجود ببيته

اتمنى تكوني فهمتي ..

واذا لسى يسوي حراته اصبري ولكي مثل اجر اسيا امرأة فرعون > بنى الله لها بيتا في الجنه لصبرها على سوء خلق زوجها
وتذكري ان عندك بيبي الله يخليهم لك ويسخر لك زوجك
محبتي
 
الله يوفقك حزن الحجاز انا ابغى اواجهه بس مافيه رجال راح يقول لك الصدق لانهم عارفين نفوسهم يحبوا اللعب وفيه ناس قالوا لي لاتواجهينه يتمادى وانا محتاره بصراحه
 
الله يفرج همك يااارب..انصحك لاتروحين بيت اهلك (على قولك عشان بتربى) اجلسي في بيتك وحاولي تتقربين منه زياده يمكن انتي مقصره معه في أشياء ومانتي عارفه..اولا ادعي في صلاتك وسجودك اخر الليل ان ربي يهدي لك زوجك ويرده لك ردا جميلا وان يبعده ربي عن الحرام ..ثانيا ..انصحيه بكل هدوووء عن الصلاه حاولي هذي الأيام تهتمييين كثير بمظهرك سوي ميك اب..البسي قصيير جينز ومن ها الملابس..تدلعي قدامه..انصحك انك تكسري الشريحه اللي شريتيها ولا تراقبيه ابدا ..لأن اللي تسويه يضيع وقتك ويتعب نفسيتك زيااده..اشغلي نفسك بالاستغفاار والدعاء ومحاولة التقرب من زوجك ..وان شاء الله بيهديه ربي ..ومصيره بيرجعلك
 
ابي وحده حكيمه تدلني للطريق الصح يعلم الله اني ماكتبت الا لاني ابي المشورة والنصيحة
 
اول شي تسحبي منه بطاقة الصراف حقتك
يبي يغازل و يخون مو بفلوسك و تعبك

ثاني شي اشتركي بدورة استراتيجيات التعامل مع الزوج الخائن عشان تتعلمي كيف تفهمين شخصيته وسر خيانته و كيف تعالجين الخيانة عنده
http://www.niswh.com/vb/showthread.php?t=195859
​
 
اولا بطاقة البنك ليش عنده هالنوع من الرجال لا يؤتمن على مالك للأنج امنتيه حياتج وروحج وما حافظ عليج لذلك خذي بطاقتج باي طريقة تناسبج ولا تحسسيه بشي ثانيا ابحثي عن أسباب علاقاته
هل لج دور في هاي العلاقات ؟ يعني غنت السبب.......
هل إنت مقصره معاه ؟
هل يحب نمط معين من النساء هذا النمط غير موجود عندج ؟
بعد ان تجدي حلول هذه الأسئلة غيري من حياتك والروتين اليومي فيها جددي في افكارك من حيث التعامل معه البسي ابحثي عن مواضيع شيقة تجذبه اصطنعي الدلع اخرجي معه لا تتركي له مجال ليختلي بنفسه واصبري ولا تنسي الدعاء وقراءة سورة البقرة .....
تقبلي مروري
​
 
Ms. cappuccino قال:
اول شي تسحبي منه بطاقة الصراف حقتك

يبي يغازل و يخون مو بفلوسك و تعبك​

ثاني شي اشتركي بدورة استراتيجيات التعامل مع الزوج الخائن عشان تتعلمي كيف تفهمين شخصيته وسر خيانته و كيف تعالجين الخيانة عنده
http://www.niswh.com/vb/showthread.php?t=195859​
أنقر للتوسيع...



أأيد هذا الرأي بشده

ليه معه بطاقتك؟؟

أنتي تداومين وتتعبين وهو ياخذ فلوسك ويصرفها على لهوه وبنات الهوى

؟؟

لازم تاخذين بطاقتك وفلوسك ماله حق فيها

عالأقل تقدري تشتركي فيها بدورات تفيدك بملابس بعنايه بأشياء تجدد فيك ذاتك


خذي بطاقتك وسجلي في دورة استراتيجيات التعامل مع الزوج الخائن

نصائح من د/ ناعمه تدلك بعد عون الله للطريق الصحيح


*
*
​
 
حبيبتي حاولي تجوليله أنا شو ألي امجصره فية عشان انت كذا اتسوي عندي وشوفي عسى إنشاء الله يتغير وطمنينا دايما نحن موجودين
 
نصيحة لله بطاقتك اسحبيها منه
والله الرجال إللي ياخذ فلوس زوجته بهذي الطريقة ماهو رجال
والله مايبين بعينهم خاصه تنازلك عن حقوقك بكرا بيطالبك تتنازلين أكثر
بس لازم تتعاملي معه بذكاء وحنكة
وابدا ابدا لاتطلعين من بيتك
ربية من أول وجديد وانتي في بيتك
الله يسخره لك ويرده
 
بطاقتي بجيبه
أنقر للتوسيع...

اختي لما تاخذين بطاقتك وتصيرين قويه ندور لك حل

اخذيها قبل ينزل الراتب

هذي مشكلتكم كلكم يالحريم

ايش المهزله هذي بطاقتك بجيبه وهو داير على حل شعره
 
أسمحي لي لوكنت قاسيه معاك

من تسمح لزوجها ولوكان طاحنه الفقر يعيش بفلوسها

سلمي عليها وعلى كرمتها وقيمتها

صحيح انا مابعد تزوجت لكن من النصائح الا قريتها من منتدى بلقيس

بإختصار اتوقع أنك كتاب مفتوح لزوجك وقدر يصق عليك والدليل صرافك معاه

والحل بعد الله توجهي للمشرفات يساعدونك للوصل لي إحدى المستشارات

وقبل هذا هل طرقتي باب الله فهو لايغلق

والله كم من بلاء رفعه الله بالدعاء

وكيف بالقدر الذي محال ان يتغير ولايغيره الا الله بسبب الدعاء

وسامحيني لكوني لم اتزوج وكتبت لك هذه السطور
 
حبيبتي اولا: تسحبي بطاقة الصراف عندك زي ما قالو الاخوات
اتوقعي انه بيزعل ويسوي فيها كرامة لكن مثل هالاشكال ماعندهم كرامة
ثانيا : حبي نفسك و لا تحسسيه انك بتموتي من غيره يعني حاولي تفهميه انك لك حياتك واسرارك وخصوصياتك وانك تحبي نفسك وعيالك اكثر منه ومن اي ثاني في حياتك وحاولي دايم تنشغلي عنه وتكوني غامضة معاه عشان يجري وراك
ثالثا : دلعي روحك وروحي لنادي وسوي مساج لجسمك وغيري من شكلك بس سوي هالشي لنفسك مو له لانك لا تتوقعي منه اي اهتمام طالما هاذي اهماماته حاليا......
رابعا: استغلي فرصة انك تكلميه باسم ثاني وحاولي تساليه عن اسباب خيانته لزوجته اللي هيا انتي وايش اللي هيا مقصرة فيه عشان تعوضيه عنها
خامسا: لا تصارحيه ابد ولكن دايم جيبيله قصص عن الخيانه وانك اذا صار فيكي شي زي كذا ماراح يمر على خير وانه اخر مابينك وبينه
يعني اياك اعني واسمعي يا جارة
والله يفرج همك ويسخرلك زوجك
 
اول شي اسحبي بطاقتك منه وثني شي اذا بتواجهيه استوري على الدردشه معه بالنت
واذا طلب منك المقابله اقبليه في اي مكان وفاجئيه حتى يتادب ويكون معك احد اخوانك عشان مايشك فيكي والله يصلح لك الاحوال فهمتي
 
انتي تتعبين وبالنهاية بطاقتك بجيبه ؟؟؟؟؟؟؟؟؟؟؟


اكيد بيخووونك اسمحي لي الرال يدور اللي يصرف عليها


مو هي اللي تصرف عليه
؟؟؟



انتي مو رجال تصرفين على البيت


ولا خل نقلب الادوار ليش ماهو يشتغل شهر كامل


وبالنهاية تكون بطاقته بجيبك ؟؟؟ انتي



ما يصير لانه يتعب ويشقى بهالشهر وهذا حقه هو


وانتي بطاقتك حقك انتي وبس هدك وتعبك وقومتك من النوم وتركك لاطفالك


الله يسخره لك وبيعد عنه بنات الحرام ويهديه لنفسه يارب ..؟؟
 
لا تسحبين بطاقتك منه روحي للبنك وطلعي بدل فاقد


احسن لك من الموجهه معاه لانه راح يذلك وماراح يرجعها لك ابد


روحي للبنك والغيها وطلعي جديدة وخبيها عنها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل